1 Samuel 8:3 - Bible in Tzeltal Bachajón

³ Pero te snich'nab ma ha'uc la st'unic te be yu'un te statique, la yihquitayic hilel scaj sbic'sitayel c'ulejalil; la yich'ic taq'uin soc la sbohlobtesic te stojil chahpanel.

Bible in Tzeltal de Oxchuc y Tenejapa

³ Pero te snich'nab ma jichuc lec yat'elic te bit'il statique. Bayal bic'taj yo'tanic yu'un c'ulejalil soc yantic majt'aniletic, ma ja'uc la spasic te bi stojil ta pasele.

1 Samuel 8:3 Referans Kwoze

Deuteronomio 16:19

Ma me xahowiytes te bin stojil ta pasel; ma me tsahbiluc nax mach'a yac awich' ta cuenta, ma me xatsac taq'uin teme ya x'a'botat, como te taq'uin ya smacbe sit te mach'atic ay sp'ijilic soc ya showiytesbe sc'opic te mach'atic toj yo'tanique.

1 Timoteo 6:10

Como te slohp' spisil te bintic chopole ha te sbic'sitayel taq'uin. Ay mach'atic la sbic'sitayic taq'uin, hich la yihquitayic sch'uhunel Dios soc ha'ic nix la ya'be sba bayel swocolic yu'un.

Salmos 15:5

ya yac' ta majanel staq'uin te ma sc'ambe sjol, soc ma ba ya stsac smahtan-taq'uin yu'un scontrahinel te mach'a mayuc smul. Te mach'a hich ya spas, mayuc bin ora ya xyahl.

Éxodo 23:8

Ma xatsac mahtanil scuenta schahpanel c'op, yu'un ha ya sc'atp'ujtes ta ts'o'sit te mach'atic ya yilic q'uinal soc ya showitesbe sc'op te mach'atic toj yo'tanique.

Éxodo 18:21

Soc tsaha winiquetic ta yohlil te pueblo te toj yo'tanic, te xi'ojic te Diose, ha winiquetic te smelelil ya xc'opojic, te ya yihlayic te bin ma stojiluc ta tahel; a'beya ta stojol te pueblo scuenta jcuentahinwanejetic yu'un lajunwinic yoxbahc' (1,000), yu'un ho'winic (100), yu'un lajuneb yoxwinic (50) soc yu'un lajuntuhl (10).

1 Timoteo 3:3

ma xyacub, lec yo'tan, ma orahuc ya x'ilin, lamaluc yo'tan soc ma xbic'taj yo'tan yu'un c'uhlejalil.

Isaías 33:15

Te mach'a toj ya xbehen soc te toj ya xc'opoj, te ya sp'aj te taq'uin yu'un uts'inwanej, te ma ba ya yich' taq'uin ta schonel sba, te ya smac schiquin yu'un ma ba ya ya'iy te ya xchapbot sc'oblal ta malel ch'ich', soc te ya smuts' sit scuenta yu'un ma ba ya yil te bin chopol,

2 Samuel 15:4

Soc ya yal xan te Absalón: Ayuc bin ut'il ho'on ya x'ochon ta juez yu'un te q'uinal scuenta yu'un ya xtal yilonic spisil te mach'atic ay c'op yu'unic, o te bin ya sc'an chahpanel, ho'on stojil me ya jchahpan te hichuque, xchi.

Eclesiastés 2:19

¿Mach'a ya sna' teme ay sp'ijil yo'tan o teme ma sna' q'uinal te mach'a ya scuentahimbon spisil te ca'tel te la jca'telin spasel ta bahlumilal soc sp'ijil co'tan? Ha nix hich tojol nax.

Salmos 26:10

te ay ta sc'abic bintic chopol, te nojel te swa'el sc'abic ta taq'uin yu'un chahpanwanej.

Éxodo 23:6

Ma xawac' te ma ba toj ya yich' chahpanel te c'op yu'un te pobre.

1 Samuel 2:35

Ya cotses yan sacerdote te jun yo'tan ta jtojol, te ya spas te bin ya sc'an co'tan. Ya cac' ya xhalaj te sts'umbal, soc ya me x'a'tej spisil ora ta stojol te mach'a tsahbil cu'une.

1 Samuel 12:2

Li' ayix te ajwalil te ya xnahilij bahel awu'unic. Te ho'one mamalonix, saquix jol; te jnich'nab ay ta awohlilic. Behenon ta awohlilic ta jqueremil c'alal ora ini.

Isaías 1:23

Te príncipaletic awu'un ha jtoybahetic soc smohlol j'eleq'uetic. Spisilic toyol yo'tanic ya schon sbahic soc ya st'unic bahel mahtaniletic; ma ba toj ya schahpanic te me'ba'etic, soc ma xc'oht ta stojolic te swocol te me'ba' antsetique.

Miqueas 3:11

Te jtsobawetic yu'un ya schahpanwanic ta taq'uin, te sacerdotehetic yu'un tojbil ya xnohpteswanic, te jalwanejetic yu'un ta scuenta taq'uin ya yalic bin ya sna'ic, soc yich'oj yipic ta Jehová, hich ya yalic: ¿Ma bal sjoquinejotic te Jehová? Mayuc bin chopol ya xtal ta jtojoltic, xchihic.