1 Samuel 4:3 - Bible in Tzeltal Bachajón

³ Te c'alal suhtic ta campamento te winiquetic, hich la yalic te mamaletic yu'un Israel: ¿Bin yu'un te Jehová la yac'otic ta tsalel yo'tic ta stojol te filisteohetique? Conic ta Silo, ya quich'tic tal te scaxahul te chapbil-c'op yu'un Jehová, scuenta yu'un teme ay ta cohliltic ya me scoltayotic ta sc'ab te jcontratique, xchihic.

Bible in Tzeltal de Oxchuc y Tenejapa

³ Te c'alal c'otic ta scampamentoic te israeletic, jich la yal te mamaletic yich'oj yat'el yu'unique: —¿Bi yu'un te la yac'otic ta tsalel yu'un filisteoetic te Cajwaltique? Ya xba quich'tic tel te scajonil trato yu'un Cajwaltic te ay ta Silo, swenta yu'un ya me sjoinotic ta beel ta coliltic, soc jich me ya scoltayotic ta sc'ab a te jcontrotique —xiic.

1 Samuel 4:3 Referans Kwoze

Judas 1:5

Ya jc'an ya ca'beyex xan ana'ic, aunque ana'ojic nix a, te Cajwaltic te c'alal la scoltayix loq'uel ta Egipto a te pueblo yu'un, patil la slajin te mach'atic ma ba ch'uhunot yu'une.

1 Pedro 3:21

Te ha'e ha seña te ich'-ha' te ya xcolotic yu'un (ma ha'uc te ya sloq'uesbe yabaquil baq'uet, ha te bin ya calbe wocol Dios yu'un te bin ut'il mayuc bin ya yalbotic te co'tantique). Ha ya xcolotic yu'un ta scuenta te cha'cuxaj te Jesucristo,

Hebreos 9:4

te banti ay te schic'ojbil pom pasbil ta oro soc te scaxahul te chapbil-c'op te swohlol potsbil ta oro, ta banti q'uejticlambil jun oxom pasbil ta oro te yich'oj te maná, soc tey ay a te snahbate' Aarón te nichin soc te cha'pehch ton yu'un te chapbil-c'ope.

2 Timoteo 3:5

sjel te stojil yaquic ta sch'uhunel Dios yilel, pero ya smuc ta yo'tanic te ay yu'el. Jc'axel ma me xajoquin.

Jeremías 7:4

Ma me smuc'ulin awo'tanic te lotil c'opetic ini, te hich ya yal: ¡Ha templo yu'un Jehová, ha templo yu'un Jehová, ha templo yu'un Jehová! te xchihe.

Jeremías 3:16

Te c'alal ya sta yorahil te yac ap'ohl abahic soc te ya xmuc'ubex ta q'uinal, xchi te Jehová, ma ba hich ya yich' halel: ¡Te scaxahul te chapbil-c'op yu'un Jehová! ma xchihuquic. Ma ba ya xtal ta yo'tanic, ma ba ya sna'iquix, mayuquix ta cuenta, ma ba ya yich'ix pasel yan.

Isaías 58:3

Hich ya yalic: ¿Bin yu'un ya jcom jwe'elcotic, pero ma ba yac awich' ta cuenta; ya jpehc'an jbahcotic pero mayuc ta cuenta awu'un? xchihic. Ilawil, ta sc'ahc'alel te yac acom awe'elic yac alehic bin yac amulanic soc yac atenic ta a'tel te j'a'teletic awu'unique.

Isaías 50:1

Hich la yal te Jehová: ¿Banti ay te hun te ya yal te la jquihquitaybeyex hilel te ananique? O ¿mach'a a te ay jbet ta stojol te la jchonex hilel yu'un? Ha ta scaj amulic te chombilex, ta scaj ac'axun-mandaric te la yich' ihquitayel te ananique.

Salmos 74:11

¿Bin yu'un te yac acom ac'ab? ¿Bin yu'un te anac'oj ta petel awa'el-c'ab?

Salmos 74:1

Dios cu'un, ¿bin yu'un te jc'axel apihtesejotcotic? ¿bin yu'un te tihlem sc'ahc'al awo'tan ta stojol te tuminchijetic awu'un ta aq'uinal?

1 Crónicas 17:1

C'alal nahinemix ta sna a te David, hich la yalbe te jalwanej Natán: Te ho'one nahinemon ta na pasbil ta cedro, yan te scaxahul te chapbil-c'op yu'un Jehová ha nax ay ta nahilpac', xchi.

2 Samuel 15:25

Pero te ajwalil hich la yalbe te Sadoc: Ich'a suhtel ta pueblo te scaxahul te chapbil-c'op yu'un Dios. Teme lecon ta sit te Jehová, ya me yac' te ya suhton tal soc ya quil yan buelta te scaxahul te chapbil-c'op soc te banti ya xnahine.

1 Samuel 14:18

Ha yu'un te Saúl la yalbe te Ahías: Ich'a tal te scaxahul te chapbil-c'op yu'un Dios, xchi. (Yu'un te scaxahul te chapbil-c'op yu'un Dios ay ta yohlilic a te snich'nab Israel.)

Josué 7:7

Hich la yal te Josué: ¡Ay, Cajwal Jehová! ¿bin yu'un la awac' te c'ax ta Jordán te pueblo ini yu'un yac awac'otcotic ta sc'ab te amorreohetic yu'un ya slajinotcotic? ¡Ha lec te teyuc hilotcotic a ta jehch ha' Jordán!

Josué 4:7

hich me xawalbeyic: Te ya'lel te muc'ul-ha' Jordán la sjat sba ta stojol te scaxahul te chapbil-c'op yu'un Jehová; c'alal c'axic bahel ta Jordán, la sjat sba te ya'lele. Te tonetic ini ya xtuhunic scuenta sna'ojibal yu'un te snich'nab Israel sbahtel q'uinal, xchi.

Deuteronomio 31:26

Ich'ahic ha'i hun ini yu'un te Ley, ac'ahic ta xuhc te scaxahul te chapbil-c'op yu'un Jehová te Dios awu'unic, tey ya x'ayin a scuenta testigo ta atojolic.

Deuteronomio 29:24

Spisil te nacionetic hich me ya yalic: ¿Bin yu'un te hich pasbot yu'un Jehová te q'uinal ini? ¿Bin scuentahil te tihl hahchel te tulan ilimba ini? xchihic.

Números 31:6

Te Moisés la sticonlan bahel ta guerra, lajunwinic yoxbahc' (1,000) ta tuhl ta jujuchahp. Te Finees snich'an te sacerdote Eleazar, baht ta querra, yich'oj bahel biluquetic yu'un te ch'ul awilal soc te cornetahetic yu'un ya yich'ic oq'uesinel.

Números 10:35

Te c'alal ya xhahch bahel te scaxahul te chapbil-c'op, hich ya yal te Moisés: ¡Hahchan, Jehová! ¡Ac'a spuc sbahic bahel te acontratac, soc ac'a ahnicuc bahel te mach'atic ya yilintayat! xchi.

Números 10:33

Hich loq'uic bahel ta wits yu'un Jehová, oxeb c'ahc'al behenic bahel. Te scaxahul te chapbil-c'op yu'un Jehová ha nahilij bahel yu'unic oxeb c'ahc'al, yu'un yac slehbel banti ya scux yo'tanic.

Josué 6:6

Ha yu'un te Josué snich'an Nun la yic'ticlan tal te sacerdotehetic, hich la yalbe: Q'uechahic bahel te scaxahul te chapbil-c'op, soc ac'a yich'ic bahel huqueb xulub tat tuminchij huctuhl sacerdotehetic te ya xnahilijic bahel yu'un te scaxahul te chapbil-c'op yu'un Jehová, xchi.

Josué 7:8

¡Ay, Cajwal! ¿bin ya cal yo'tic, te bin ut'il te Israel la yac' spat ta stojol te scontrahique?

1 Samuel 1:24

Te c'alal hil schu' yu'un, la yic' bahel sjoquin ta sna Jehová ta Silo soc oxcoht jcolel torohetic, jun efa harina soc jun vasija vino. Tut to a te alale.

1 Samuel 4:2

Te filisteohetic la schol sbahic ta ya'beyel guerra te Israel; tulanij te guerra, te Israel tsalotic yu'un te filisteohetic, milotic lajunbahc' (4,000) ta tuhl winiquetic ta banti la spasic guerra.

Isaías 59:1

Ilawil, ma ba comuben sc'ab te Jehová yu'un ya xcoltaywan, soc ma ba macal schiquin yu'un ya'iyel c'op;

Isaías 59:2

pero ta scaj amulic la smaquex ta stojol te Dios awu'unic; te amulic la yac' te ya snac' sit yelaw Dios ta atojolic te hich ma ba ya ya'iyex a.