1 Samuel 1:9 - Bible in Tzeltal Bachajón

⁹ C'alal laj yo'tanic ta we'el uch'el ta Silo, hahch te Ana. Te sacerdote Elí hucul ta shuctajib ta nopol yoyal spuertahul te templo yu'un Jehová.

Bible in Tzeltal de Oxchuc y Tenejapa

⁹ Ay jun buelta te c'alal ay ta Silo a te Ana, c'alal lajix yo'tanic ta we'el, jajch' ta mesa. Te sacerdote Elí nacal ta muc'ul silla ta nopol sti' te templo yu'un te Cajwaltique.

1 Samuel 1:9 Referans Kwoze

1 Samuel 3:3

Te Samuel wayal ta templo yu'un Jehová te banti ay te scaxahul te chapbil-c'op yu'un Dios, ma to ba tup'en a te tsumbil c'ahc' yu'un Dios.

Salmos 27:4

Junax te bin jc'ambeyej te Jehová, te ha ya jle: ha te ya x'ayinon ta sna Jehová te jayeb c'ahc'al cuxulon, yu'un ya quilbe st'ujbilal te Jehová soc yu'un ya jle ta Templo yu'un.

Salmos 5:7

Yan te ho'one, ta scuenta bayel sc'uxul awo'tan ya x'ochon ta Na awu'un; ta scuenta quich'belat ta muc' ya jquejan jba ta stojol te ch'ul Templo awu'une.

2 Samuel 7:2

te ajwalil hich la yalbe te jalwanej Natán: Ilawil, ho'on nahinemon ta na te pasbil ta cedro, yan te scaxahul te chapbil-c'op yu'un Dios ay ta nahilpac', xchi.

1 Samuel 3:15

Te Samuel hil ta swayib ha to ta sacubel q'uinal, patil la sjambe sti'il te sna Jehová; pero la xi' yalbeyel Elí te bin a'bot yil ta snahalsit.

Salmos 29:9

Te sc'op Jehová ya sbichticlambe te sc'ab jihte'etic soc watal ya xhil yu'un te tohyem te'etique. Spisilic ya yalbeyic yutsilal sc'oblal ta Templo yu'un.

Éxodo 21:6

ha yu'un te yajwal ya yic' bahel ta stojol te juecetic, soc ya ya'be stehc'an sba ta ti'nahil o ta smarcohil, ya shotbe schiquin ta shotojbil; hich stalel ya xhil ta a'bat yu'un.

1 Samuel 1:10

Te Ana, soc bayel smel-o'tan la sc'opon te Jehová, soc bayel oc'.

1 Samuel 4:13

Te c'alal c'oht tey a, te Elí hucul ta shuctajib ta yilel bahel ta be, como nihc yo'tan yu'un te scaxahul te chapbil-c'op yu'un Dios. C'alal och tal ta pueblo te winic soc te la yal te bin c'ohtix ta pasele, hahchic ta aw spisil te pueblo.