Biblia Todo Logo
Bib sou entènèt

- Piblisite -




1 Pedro 3:3 - Bible in Tzeltal Bachajón

3 Te ach'ahlelic ma me ha'uc nax ta sba, hich te bin ut'il tesbil ajolic te ch'albil, te ach'ahlelic ta oro o lequil c'u'ul pac'al,

Gade chapit la Kopi

Nuevo Testamento Tzeltal de Amatenango

3 Te tutꞌil ya achap abaik te jaꞌexe, ma jaꞌuk alekilik a te ya awakꞌ abaik ta ilele. Ma me lom kꞌaxemuk ya apechꞌ ajolik, sok te tsaꞌamik oro ya awichꞌike, o te kꞌuꞌul-pakꞌal te beno stsaꞌamule.

Gade chapit la Kopi

Bible in Tzeltal de Oxchuc y Tenejapa

3 Ma me ja'uc awutsilalic te ya ach'al abaic ta ilel ta stojol te ants-winiquetique. Jich bit'il teme c'axem to xan ya ach'al ta tesel te ajolic, soc teme ya awuanic ualiletic te pasbil ta oroe, soc teme ja' nax ya smulan awo'tanic slapel te t'ujbil c'u'ul-pac'al te bayal stojole.

Gade chapit la Kopi




1 Pedro 3:3
22 Referans Kwoze  

Ma me xapajbeyic stalel te bahlumilal, yanuc awilelic ta scuenta yach'ubtesel te snopojibal awu'unic, scuenta yu'un hich yac ana'ic a te bin ya sc'an yo'tan te Dios, te ha ay yutsil soc te c'ax leque.


Bayel yutsil co'tan ta stojol Jehová, ay yutsil yo'tan jch'uhlel ta stojol te Dios cu'une; como la ya'bon jlap sc'u'ulel colel soc la sjoytayon yu'un pac' scuenta bin stojil ta pasel, hich te bin ut'il lecolil te ya xnuhpun te ya sch'ahl sjol ta corona, hich te bin ut'il ach'ix te ya xnuhpun te ya sch'ahl sba ta sch'ahlelaletique.


Ha'at te jihmbilat, ¿bin yacat ta spasel? Aunque yac alap tsajal c'u'ul, aunque yac ach'al aba ta oro, aunque yac abon te asite, tojol yac ach'al aba, como ya sp'ajat te mach'atic smulanejat, ya slehbat acuxlejal.


¿Ya bal xch'ay ta yo'tan te ach'ix te sch'ahlele? o te ach'ix te ya xnuhpun, ¿ya bal xch'ay ta yo'tan te sch'ahlel sc'u'e? Pero te pueblo cu'un bayelix c'ahc'al te ch'ayon ta yo'tane.


¡Wic'a asit, wic'a asit, ich'a awip, Sión! Lapa at'ujbil c'u', ha'at Jerusalén, te ch'ul pueblo; como mayuc bin ora ya xtal xan ta atojol te mach'a ma ba yich'oj circuncisión o te bohloben sc'oblal.


C'alal la ya'iyic te pueblo te bin ma lecuc ta a'iyel ini, la smel yo'tanic yu'un soc mayuc mach'a la sch'alix sbahic yu'un,


Soc la sloq'ues mahtaniletic pasbilic ta oro soc ta plata, soc c'u'ul pac'aletic, la ya'be te Rebeca. Soc la ya'be t'ujbil mahtaniletic te sbanquil soc te snane.


Ha yu'un la joc'obe: ¿Mach'a yantsil-nich'anat? xchihon. Ho'on yantsil-nich'anon Betuel te snich'an Nacor te alatayot yu'un te Milca, xchi. Ha yu'un la jca'be ch'ocowil ta sni' soc staq'uinal snuc' sc'ab.


C'alal laj yo'tan ta yuch'el ha' te camellohetic, te winic la ya'be jun ch'ocowil pasbil ta oro te j'ohlil siclo yalal, soc cheb xan staq'uinal snuc' sc'ab pasbil ta oro te lajuneb siclo yalal.


Ay yantsil-nich'nab ajwaliletic ta yohlil te antsetic te ich'bilic ta cuenta awu'un; ay ta awa'el te ajwalil-ants ch'albil ta oro yu'un Ofir.


La spas te yawil ha' soc te scajtajib ta bronce, ha la stuhun te espejohetic yu'un te antsetic yac'oj sbahic ta a'batinel ta yochibal te Nahilpac' Templo yu'un tahojibal.


Te Aarón la yalbe: Loq'uesbeyahic te oro ay ta schiquinic te awihnamic soc te ach'ix-aqueremetic awu'unic, ich'bonic tal, xchi.


Soc la sticonic bahel a'batetic yu'unic ta iq'uel tal winiquetic ta namal, hich talic. Ha ta scuentahic te atinat, la abon asit soc la ach'al aba ta ch'ahlelaletic;


Ta yoxebal c'ahc'al te Ester la slap te sc'u' scuenta ajwalil-ants, tal stehc'an sba ta yutil yamaq'uil te sna ajwalil, ta stojol te jtsahl yu'un ajwalil. Hucul ta shuctajib a te ajwalil ta stsalul sna ajwalil, ta stojol te yochibal.


Talic winiquetic soc antsetic, spisil mach'atic ay sc'anojel yo'tanic, la yich'ic tal cadenahetic, staq'uinal schiquinic, sch'ocowic, sch'ahlel snuc' sc'abic, soc spisil te bintic t'ujbil te pasbil ta oro; spisilic la ya'beyic smahtanin oro te Jehová.


Jujutuhl ants ya sc'ambeyic te spat-xuhc, soc mach'ayuc antsil nahinem tey a ya ya'be te bintic pasbil ta plata soc ta oro, soc c'u'uletic te yac awa'beyic slapic te queremetic soc ach'ixetic awu'unic; hich yac awich'beyic te bintic ay yu'un te egipciohetique, xchi.


Te Jehú baht ta Jezreel. C'alal hich la ya'iy te Jezabel, la sbon sit, la sch'ahl sjol, baht yil ta ventana.


te c'alal ya yilic te lec bin yac apasic soc te ya x'ich'awanex ta cuenta.


Swiv nou:

Piblisite


Piblisite