1 Pedro 1:1 - Bible in Tzeltal Bachajón

¹ Pedro, jpuc-c'op yu'un te Jesucristo, ta stojol te mach'atic puhquemic bahel ta pueblohetic ta sq'uinal Ponto, Galacia, Capadocia, Asia, soc Bitinia,

Nuevo Testamento Tzeltal de Amatenango

¹ Joꞌon jPedroon, apostolon yuꞌun te Jesucristoe, ya jtsꞌibay te karta to te jaꞌ yuꞌun te machꞌatik te pujkejemik bael te ba slumalike, te ayik ta estadoetik yuꞌun Ponto sok Galacia sok Capadocia sok Asia y sok Bitinia.

Bible in Tzeltal de Oxchuc y Tenejapa

¹ Jo'on Pedroon te ayon ta jpuc-c'op yu'un te Jesucristoe. Ya jpatbeyex awo'tanic ja'ex te q'uejel pujq'uemex ta bay chajbalchajp lum te ma'yuquex ta alumalique, ja' bi te ayex ta sq'uinal Ponto, ta sq'uinal Galacia, ta sq'uinal Capadocia, ta sq'uinal Asia, soc ta sq'uinal Bitinia.

1 Pedro 1:1 Referans Kwoze

Santiago 1:1

Santiago, ya'bat te Dios soc te Cajwaltic Jesucristo, ya jpatbeyex awo'tanic te lajchaychahp sts'umbal Israel te puhquemex ta bayuc.

Hebreos 11:13

Ta spisilic ini ay sch'uhunel yo'tanic a c'alal chamic, ma ba la yich'ic te bin halbot ya yich'ic, namal to la yilic, la sch'uhunic soc tse'el yo'tanic yu'un. Jamal la yalic te ha jyanlumetic soc jbehyometic ta bahlumilal.

Efesios 2:19

Ha yu'un ma jyanlumuquexix, ma yanuquix alumalic, pajal alumal abahic soc te mach'atic ch'uhltesbilic soc jun ayexix soc te mach'atic yu'un Dios,

Salmos 44:11

La awac'otiquix ta lajel hich te bin ut'il tuminchijetic soc la apucotcotic bahel ta stojol te nacionetique.

Hechos 8:4

Pero te mach'atic puhquic bahel la yalic te lec yach'il c'op ta bayuc banti bahtic.

San Juan 11:52

Soc ma ha'uc nax ta scuenta te nación, ha nix yu'un te ya stsob ta junax te yal-snich'nab Dios te puhquemique.

San Mateo 24:22

Te manchuc ya xpehc'ambot sc'ahc'alel, mayuc mach'a ya xcol te hichuque. Pero ta scaj te mach'atic tsahbilic ya xpehc'ambot sc'ahc'alel.

1 Pedro 2:11

Quermanotac te c'uxex ta co'tan, ya calbeyex wocol, te bin ut'il jyanlumex soc jbehyomex ta bahlumilal ini, te yacuc xhil awu'unic te bin mulambil ta pasel yu'un te abaq'uetalic te ya scontrahin te ach'uhlelique.

Ester 3:8

Te Amán hich la yalbe te ajwalil Asuero: Ay jun pueblo te puhquemic ta yohlil te pueblohetic ta spisil ta jujusehp q'uinal te ban c'alal acuentahinej, te leyetic yu'unic ma pajaluc soc te leyetic yu'un te yantic pueblohetic, soc ma ba ya sch'uhunic spasel te leyetic yu'un te ajwalil. Mayuc bin ya xtuhun yu'un te ajwalil teme cuxul ya xhilic.

Deuteronomio 28:64

Te Jehová ya spucat bahel ta stojol spisil nacionetic, ta jun sti'il c'alal ta yan sti'il te q'uinale. Tey ya xc'oht awac' aba ta a'batinel a yu'un yantic diosetic te pasbilic ta te' soc ta ton, te ni ha'ucat soc ni ha'uc te ame'atat la sna'beyic sba.

Deuteronomio 4:27

Te Jehová ya me spuquex bahel ta yantic pueblohetic, soc ma me ayuc bayel ya xhilex ta nacionetic te banti ya yiq'uex bahel te Jehová.

2 Pedro 1:1

Simón Pedro, a'bat soc jpuc-c'op yu'un te Jesucristo, ta stojol te mach'atic ta scuenta stojil yo'tan te Jesucristo te Dios soc Jcoltaywanej cu'untic, stahojic sch'uhunel yo'tanic te pajal st'ujbilal soc te cu'uncotique:

Efesios 2:12

Ta hich ora mayuquex ta stojol te Cristo, ma junuc alumalic soc te Israel, ma ba ochemex tey ta chapbil-c'opetic yu'un te bin yaloj Dios, mayuc smuc'ul awo'tanic soc ma ba joquimbilex yu'un Dios ta bahlumilal.

2 Corintios 1:8

Quermanotac, ya jc'ancotic te yac ana'ic bin ut'il c'ax jwocolcotic ta sq'uinal Asia. Mero c'ux obol jbahcotic, ma ba c'an cuhchuc cu'uncotic, la jcuycotic te jc'axel ya xlajotcotic.

Hechos 18:2

Tey la sta jtuhl judío-winic a, Aquila sbihil, ha slumal te Ponto, hulel to ta Italia soc Priscila te yihnam, como la spas mandar te Claudio te ya me xloq'uic ta Roma spisil te judíohetique. Te Pablo baht sjoquin.

Ezequiel 6:8

Pero ay mach'atic cuxul ya xhilic cu'un, ay mach'atic awu'unic te ya xcolic ta espada ta yohlil te nacionetic te c'alal yac awich'ic puhquel bahel ta yantic q'uinaletic.

Apocalipsis 1:11

te hich la yal: Ho'on te Alfa soc te Omega, te shahchibalon soc te slajibalon. Ts'ihbaya ta hun te bin yac awil soc ticona bahel ta stojol te huqueb iglesiahetic: ha te Éfeso, Esmirna, Pérgamo, Tiatira, Sardis, Filadelfia, soc te Laodicea, xchi la jca'iy.

2 Timoteo 1:15

Ana'ojix te la spihtesonic hilel spisil te mach'atic ayic ta Asia soc nix te Figelo soc te Hermógenes.

Gálatas 1:2

ho'on soc spisil te quermanotac te sjoquinejon. Ta stojol te iglesiahetic ta sq'uinal Galacia:

1 Corintios 16:19

Ya spatbeyex awo'tanic te iglesia ta sq'uinal Asia. Ya spatbeyex awo'tanic ta scuenta Cajwaltic te Aquila soc Priscila soc te iglesia te ya stsob sba ta sna.

Hechos 19:10

Cheb ha'bil hich la spas. Hich la ya'iybeyic te sc'op Cajwaltic spisil te mach'atic ayic ta sq'uinal Asia, judíohetic soc griegohetic.

Hechos 18:23

Halaj tey a, patil loc' bahel, xtiq'uet la yocliy bahel te sq'uinal Galacia soc Frigia, la ya'be yich' yip yo'tan spisil te jnopojeletique.

Hechos 6:9

Pero ay mach'atic ayic ta scuenta te sinagoga yu'un te mach'atic libre ayic sbihil, soc te mach'atic talemic ta Cirene, Alejandría, Cilicia soc ta Asia te hahch sten sbahic ta c'op soc te Esteban.

San Juan 7:35

Te judíohetic talel c'axel la sjoc'obe sbahic: ¿Banti ya xbaht te ma ba ya jtahtique? ¿Ya bal xbaht te banti puhquemic bahel judíohetic ta yohlil te griegohetic, ya bal sp'ijubtes te griegohetique?

San Mateo 10:2

Hich ay te sbihilic te lahchaytuhl jpuc-c'opetique: Ha primero te Simón, te Pedro yan sbihil, soc Andrés te yihts'ine; Jacobo te snich'an Zebedeo, soc Juan te yihts'ine;

San Mateo 4:18

Yac ta behel ta ti'mar yu'un Galilea a te Jesús, la yil cheb winiquetic te yermano sbahic, ha te Simón, te Pedro yan sbihil, soc Andrés te yihts'in, yac yotsesbelic ta mar te stsaco-chayic, como jtsac-chayetic.

Levítico 26:33

Ya jpuquex bahel ta yantic nacionetic, ya jloq'ues te espada cu'un, ya jnutsex bahel; jc'axel jimbil ya xhil te aq'uinalic soc jc'axel jochol ya xhil te pueblohetic awu'unique.

Deuteronomio 32:26

La jcal te namal ya jpucticlan bahel, te ya jtup'be sna'ojibalic ta stojol ants-winiquetic;

San Lucas 18:7

¿Ha xan te Diose, ma bal yacuc schahpan ta stojil te mach'atic tsahticlambil yu'un, te c'ahc'al ahc'abal ya xhalbot wocol yu'une? ¿Ya bal xhalaj te ya spas te bin ya xc'ambot yu'unic?