1 Juan 3:16 - Bible in Tzeltal Bachajón

¹⁶ Hich ya jna'tic bin ut'il ay te c'uxul-o'tanil, ha te la yac' sba ta lajel ta jcuentatic. Ha nix hichotic, ya sc'an ya cac' jcuxlejaltic ta scuenta te quermanotactique.

Nuevo Testamento Tzeltal de Amatenango

¹⁶ Jnaꞌojtik tut a te slekil-oꞌtanile, porke te Jesucristoe la yakꞌ xkuxlejal ta jkuentatik. Jich euk te joꞌotike, ya skꞌan ya kakꞌ jkuxlejaltik yuꞌun te kermanotaktike.

Bible in Tzeltal de Oxchuc y Tenejapa

¹⁶ Jich jna'ojtic stojol bit'il ay te c'uxul-o'tanile, ta swenta bit'il la yac' sba ta lajel ta jwentatic te Jesucristoe. Ja' nanix jich ya sc'an ya cac' jbatic ta lajel soc jcuxlejaltic ta swenta uuc te quermanotactique.

1 Juan 3:16 Referans Kwoze

Efesios 5:2

C'ux me xawa'iy abahic spisil ora, hich te bin ut'il c'ux la ya'iyotic te Cristo soc te la yac' sba ta lajel ta jcuentatic, te ha milbil smahtan Dios te sumet yic' c'ohem ta stojol.

San Juan 13:34

Ay jun yach'il mandaril ya calbeyex: Talel c'axel c'ux xawa'iy aba ta awo'tanic; hich te bin ut'il c'ux la jca'iyex ta co'tan, ha nix hich talel c'axel c'ux xawa'iy abahic ta awo'tanic.

San Juan 3:16

Como hich c'ux ta yo'tan Dios te bahlumilal te la sticon tal te hip jtuhl Snich'an, scuenta yu'un spisil te mach'atic ya sch'uhunic ma ba ya xch'ayic, ay scuxlejalic sbahtel q'uinal yu'un.

Romanos 5:8

Pero te Dios la yac' ta ilel te sc'uxul yo'tan ta jtojoltic te bin ut'il cham Cristo cu'untic te c'alal ayotic to ta mulil a.

Apocalipsis 1:5

soc yu'un te Jesucristo, te testigo te stalel jun yo'tan, te ba-nich'anil te cha'cuxaj tal ta yohlil mach'atic chamenic soc te ha jcuentahinwanej yu'un te ajwaliletic ayic ta bahlumilal. Ayuc me yutsilal soc yu'el sbahtel q'uinal te mach'a la sc'uxultayotic soc te la yac'otic ta libre yu'un te jmultic ta scuenta sch'ich'el,

1 Pedro 3:18

Como ha nix hich te Cristo jmehl nax laj ta scuenta mulil, ha laj te mach'a toj ta scuenta te mach'atic ma tojuquic, yu'un ya yiq'uex bahel ta stojol Dios. Ac'ot ta lajel ta sbaq'uetal, pero cuxaj ta scuenta espíritu,

San Mateo 20:28

como te Nich'anil ay ta scuenta winic ma ba tal ta a'batinwanej, ha tal yac' sba ta a'batinel, soc tal yac' sba ta lajel scuenta yu'un ya xweht scolel bayelic, xchi.

Hechos 20:28

Ha yu'un canantaya abahic soc canantayahic spisil te tuminchijetic te awich'oj awa'telic ta obispo ta scuenta te Ch'ul Espíritu, scuenta yu'un yac amac'linic te iglesia yu'un te Cajwaltic, te ha la sman ta scuenta sch'ich'el,

Efesios 5:25

Winiquetic, c'ux me xawa'iy ta awo'tanic te awihnamic, hich te bin ut'il c'ux ta yo'tan Cristo te iglesia soc te la yac' sba ta lajel ta scuenta,

Tito 2:13

te c'alal yacotic ta smahliyel te bin smuc'ulinej co'tantic te bayel yutsil, ha te ya xchicnaj tal soc yutsilal te muc'ul Dios soc Jcoltaywanej cu'untic, ha te Jesucristo.

Romanos 16:4

C'an yac' scuxlejalic ta jcuenta. Ma jtuqueluc ya calbe wocol, ha nix hich ya yalbeyic wocol spisil te iglesia yu'un te jyanlumetique.

1 Juan 2:6

Te mach'a ya yal sba te spisil ora ay ta stojol te Diose, ya sc'an ya xbehen hich te bin ut'il behen te Jesuse.

San Juan 10:15

hich te bin ut'il ya sna'bon jba te Tatil soc te ya jna'be sba te Tatile; soc ya cac' jcuxlejal ta scuenta te tuminchijetique.

Filipenses 2:17

Aunque ya yich' malel jcuxlejal hich te bin ut'il malbil mahtanil ta sba te milbil mahtanil soc ta sba te a'batinel yac awaq'uic ta scuenta sch'uhunel awo'tanic, tse'el co'tan yu'un soc pajal tse'el co'tantic ta jpisiltic.

Apocalipsis 5:9

Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.

1 Pedro 2:24

Ha nix la scuchbotic jmultic ta sbaq'uetal ta te', scuenta yu'un ya xchamotic ta stojol te mulil soc ya xcuxajotic ta spasel te bin stojil ta pasele. ¡Ha ta scuenta te yehchen te lecubex!

1 Pedro 1:18

como ana'ojic te ma ha'uc ta scuenta bin ya xlaj, hich te bin ut'il oro o plata, te mambilex loq'uel tal ta apoco' talelic te mayuc scuentahil, te awich'ojic yu'un te ame'atatique,

Filipenses 2:30

como ta scuenta te ya'tel te Cristo jteb ma ba cham yu'un, c'an yac' scuxlejal ta shu'tesel te banti ma ba hu' awu'unic acoltaybelonique.

San Juan 10:11

Ho'on te lequil jcanan-tuminchijon; te lequil jcanan-tuminchij ya yac' scuxlejal ta scuenta te tuminchijetique.

1 Tesalonicenses 2:8

Te bin ut'il lom bayel c'uxex ta co'tancotic, ma ha'uc nax la jcalbeyexcotic te lec yach'il c'op yu'un Dios, ha ya c'an cac' jcuxlejalcotic ta acuentahic, como bayel c'uxex ta co'tancotic.

1 Juan 2:9

Te mach'a ya yal te ay ta sacal q'uinal pero teme ya sp'aj te yermano, ay to ta yihc'al q'uinal abi.

2 Corintios 4:12

Ha yu'un yac ta a'tel ta jtojolcotic te lajele, yan te ha'exe yac ta a'tel ta atojolic te cuxlejale.