1 Juan 3:15 - Bible in Tzeltal Bachajón

¹⁵ Spisil mach'a ya yil-o'tantay te yermano, jmilaw me c'ohem. Ana'ojic te mayuc jtuhluc jmilaw te ay scuxlejal scuenta sbahtel q'uinal.

Nuevo Testamento Tzeltal de Amatenango

¹⁵ Spisil te machꞌa ya spꞌaj te yermanoe, jaꞌ jmilaw abi. Y te jaꞌexe anaꞌojik te ni jtuluk jmilaw ya xjuꞌ ya sta te kuxlejal sbajtel kꞌinal stukele.

Bible in Tzeltal de Oxchuc y Tenejapa

¹⁵ Spisil mach'a yilayej te yermanoe, ja' jmilawal abi. Soc ana'ojic stojol te jc'axel ma'yuc ta swenta cuxinel sbajt'el q'uinal te mach'a jmilawale.

1 Juan 3:15 Referans Kwoze

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

San Juan 8:44

Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

Hechos 23:14

Ha baht sc'oponic te principal sacerdotehetic soc te mamaletic, hich la yalic: Te ho'otcotic, calojcotic ta jamal ta scuenta chopol c'oblalil te ma ba ya xwe' x'uch'otcotic ha to teme la jmilcotic te Pablo.

Santiago 1:15

C'alal hahchemix te bin chopol ya sc'an yo'tan, ya yayintes mulil; c'alal yich'ojix yip a te mulile, ya yayintes lajel.

Hechos 23:12

C'alal sacub q'uinal, ay la stsob sbahic judíohetic ta schapbeyel sc'oblal ta milel te Pablo, soc la yalic ta jamal ta scuenta chopol c'oblalil te ma ba ya xwe' x'uch'ic ha to teme la smilic te Pablo.

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

San Marcos 6:19

Ha yu'un te Herodías la yilintay, yo'tanuc ya smil te Juan, pero ma ba hu' yu'un,

San Mateo 5:28

Pero ho'on ya calbeyex, mach'ayuc a te ya yil ants te ya xbic'taj yo'tan yu'un, la yantsinix ta yo'tan abi.

Génesis 27:41

Te Esaú la sp'aj te Jacob yu'un te bendición a'bot yu'un te state, hich la yal ta yo'tan: Nopol sta yorahil mel-o'tan yu'un te ya xcham te jtate, tey ya jmil a te quihts'in Jacob, xchi.

1 Pedro 1:23

como cha'ayinemexix, ma ha'uc ta scuenta te ts'unubil te ya xlaj, ha ta scuenta te ts'unubil te ma xlaje, ha te sc'op Dios te cuxul soc te ma xlaj sbahtel q'uinal.

Deuteronomio 19:11

Yan teme ay mach'a ya yilintay te spat-xuhc soc ya spac'mucultay, ya xhahch scontrahin soc ya smil, patil ya xbaht ta ahnel ta bayuc pueblohetic ini,

1 Juan 2:9

Te mach'a ya yal te ay ta sacal q'uinal pero teme ya sp'aj te yermano, ay to ta yihc'al q'uinal abi.

1 Juan 2:11

Yan te mach'a ya sp'aj te yermano, ay ta yihc'al q'uinal, soc yac ta behel ta yihc'al q'uinal, ma sna' banti ya xbaht, como ha macbibil sit yu'un te yihc'al q'uinale.