1 Juan 1:9 - Bible in Tzeltal Bachajón

⁹ Yan teme ya caltic ta jamal te jmultique, Dios ya spasbotic perdón yu'un jmultic soc ya spocbotic loq'uel spisil bintic chopol, como stalel jun yo'tan soc toj yo'tan stuquel.

Nuevo Testamento Tzeltal de Amatenango

⁹ Pero teme ya kaltik ta jamal te jmultike, ya xjuꞌ ya xchꞌuun koꞌtantik te jaꞌ ya yaꞌbotik te Diose te tut stojil aye: jaꞌ ya yaꞌbotik perdon yuꞌun te jmultike y ya spokbotik spisil te tut ma lekuke.

Bible in Tzeltal de Oxchuc y Tenejapa

⁹ Yan teme jamal ya caltic te jmultique, jna'ojtic stojol te jich ya spasbotic perdón te Diose, soc ya spocbotic loq'uel spisil ta jten te sbolil co'tantique. Yu'un toj yo'tan soc jun yo'tan stuquel te Diose.

1 Juan 1:9 Referans Kwoze

Salmos 32:5

La jcalbat ta jamal te jmule, ma ba la jmuc te bin chopol la jpas. Hich la jcal: Ya me cal ta jamal te jmul ta stojol Jehová, xchihon, hich la apasbon perdón yu'un te jmule. Selah

Proverbios 28:13

Te mach'a ya smuc smul, ma xp'ohl te bintic ay yu'un, yan te mach'a ya yal ta jamal smul soc ya yihquitay spasel, ya me sta c'uxultayel.

Jeremías 33:8

Ya jpocbe loq'uel spisil schopolilic te la sta smulic a ta jtojol; ya jpasticlambe perdón yu'un spisil smulic te la spasic ta jtojol soc te la stoyticlan sbahic ta jtojole.

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

Ezequiel 36:25

Ya jtsihtsinex ta lequil ha', hich pocbil ya xc'ohex yu'un spisil abohlilic, soc ya jpocbeyex ta spisil te loc'ombahetic awu'unique.

Hebreos 10:23

Ayuc me yip co'tantic spisil ora ta stojol te bin calojtic te yacotic ta smahliyel, ma me xchebetuc co'tantic, como ma xch'ay te bin yalojix te Diose.

1 Timoteo 1:15

Ha stojil c'op ini te ya sc'an ch'uhunel yu'un spisilic: ha te xtaluquix ta bahlumilal te Cristo Jesús ta swehtesbeyel scolel jmulawiletic, te c'ax hich jmulawilon a te bin ut'il spisil te yantique.

Nehemías 1:6

ya calbat wocol te jamaluc asit soc yacuc awa'iybe sc'op te a'bat awu'un te yacon ta yalel ta atojol c'ahc'al ahc'abal ta scuenta te snich'nab Israel te a'batetic awu'une. Ya calbat ta jamal te smul te snich'nab Israel te jtahojcotic ta atojol; ho'on soc te sna te jtat la jtahcotic jmulcotic.

Ezequiel 37:23

Ma ba ya sbohlobtesix xan sbahic ta scuenta te loc'ombahetic yu'unic, te bintic ilobtic sba soc te toybahil yu'unique. Ya jcoltay loq'uel ta spisil te toybahil yu'unic te la sta smulic yu'un, ya jpocticlan. Ha pueblo cu'un ya xc'ohtic, ho'on Dioson yu'unic ya xc'ohon.

1 Corintios 1:9

Stalel jun yo'tan stuquel te Diose, te ha la yiq'uex scuenta yu'un jun awo'tanic ya xc'ohex soc te Snich'an, ha te Cajwaltic Jesucristo.

Deuteronomio 7:9

Na'a me hiche te ha Dios stuquel te Jehová te Dios awu'un; ha Dios te stalel jun yo'tan ta atojol, te ya sc'ohtes ta pasel te chapbil-c'op soc c'ux ya ya'iy ta yo'tan mil ta caj sts'umbalic te mach'atic c'ux ya x'a'iyot ta yo'tan soc te ya sch'uhunic spasel te mandariletic yu'une;

Hechos 19:18

Tsobol te mach'atic sch'uhunejic, tal yalic ta jamal te bintic chopol spasojique.

San Marcos 1:5

Spisil mach'atic ayic ta sq'uinal Judea soc spisil mach'atic ayic ta Jerusalén loq'uic tal ta stojol Juan, la yalic ta jamal te smulic soc a'bot yich'ic ha' yu'un ta muc'ul-ha' Jordán.

Tito 2:14

Ha la yac' sba ta lajel cu'untic yu'un la smanotic loq'uel ta stojol spisil bintic chopol soc yu'un ya sch'ultes jun pueblo te yu'un ya xc'oht, te ya yo'tantayic spasel lequil a'teliletic.

Salmos 19:12

¿Mach'a ya xhu' sna'el te banti howiyem? Pasbon perdón yu'un te muquen faltahetic cu'une.

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

Lamentaciones 3:23

yach'il ay ta jujun sab. ¡Mero stalel jun awo'tan!

Hebreos 6:10

Ma yu'unuc te ma tojuc yo'tan te Dios, te ya sch'ay ta yo'tan te awa'telic soc te sc'uxul awo'tanic te la awaq'uic ta ilel ta scuenta sbihil, te bin ut'il la awac' abahic ta a'batinel ta stojol te mach'atic ch'uhltesbilic, soc te hich nix yaquex ta spasel c'alal ora.

1 Reyes 8:47

teme tey ta q'uinal ta banti ayic ta chuquel ya suhtes yo'tanic, ya suhtic tal ta atojol soc ya sc'oponat tey ta sq'uinal te mach'atic ic'otic bahel ta chuquel yu'un, teme hich ya yalic: La jta jmulcotic, la jpascotic te bin chopol, ma lecuc te bin la jpascotic, teme xchihique,

Apocalipsis 15:3

soc yac sc'ayojtaybelic te sc'ayoj Moisés, te ya'bat Dios, soc te sc'ayoj te Jcolel Tuminchij, hich yac yalbelic: Buen muc' soc bayel yutsil spisil awa'tel, Cajwaltic Dios te spisil ya xhu' awu'un; stojil soc smelelil te behetic awu'un, ha'at Muc'ul Ajwalilat yu'un te nacionetique.

Hebreos 11:11

Ha nix hich ta scuenta sch'uhunel yo'tan te Sara, aunque jma'al, a'bot yip yu'un ya xhahch yal; hich ayin yal aunque c'axemix ya'bilal a, como la sch'uhun te stalel jun yo'tan te mach'a yaloj te hich ya xc'oht ta pasele.

San Mateo 3:6

Jamal la yal smulic, hich ac'ticlambot yich'ic ha' yu'un ta muc'ul-ha' Jordán.

Isaías 45:21

C'opojanic, ac'a ta ilel pruebahetic, ac'a snopic ta comon. ¿Mach'a la yal ini c'alal ta shahchibal? ¿Mach'a la yalbe sc'oblal ta namey? ¿Ma bal ho'ucon, Jehovahon? Mayuc yan Dios ta jtojol, ha Dios te toj soc te ya xcoltaywan, mayuc yan ta jtojol.

Efesios 5:26

yu'un ya sch'ultes, c'alal lecubtesbil yu'un ta scuenta spoquel ta ha' ta scuenta te sc'ope,

Romanos 3:26

yu'un ya yac' ta ilel ta ora ini te stojil bin ya spas, scuenta yu'un ya xchicnaj te ha toj stuquel soc te ya yal te ha toj te mach'a ya sch'uhun te Jesús.

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

Éxodo 34:7

ay sc'uxul yo'tan ta stojol bayel ta mil, ya spas perdón yu'un te bin chopol, te toybahil, soc te mulile; pero ma ba ya yal te mayuc smul te mach'a ay smul, ha ya ya'be stoj smul te me'iltatiletic te yal-snich'nabic soc smamatac c'alal ta yoxcajal soc schancajal te sts'umbalique, xchi.

1 Reyes 8:30

A'iybeya awa'iy te sc'op te a'bat awu'un soc te sc'op te pueblo Israel awu'un. C'alal ya sc'oponat ta lugar ini, a'iybeya sc'opic c'alal banti nahinemat ta ch'ulchan. A'iybeya soc pasbeya perdón.

Jeremías 3:13

Na'a me hiche te achopolil, como acontrahinej te Jehová, te Dios awu'un, soc la awac' aba ta antsinel ta stojol yantic diosetic ta ye'tal spisil pimil ya'binal te'etic, ma ba la awa'iybon te jc'ope, xchi te Jehová.

San Juan 17:25

Jtat te toj awo'tan, ma ba sna'beyejat aba te mach'atic ayic ta bahlumilal, pero ho'on ya jna'bat aba, soc te mach'atic li' ayic sna'ojiquix te ha'at la aticonon tale.

San Lucas 22:57

Pero te Pedro la smuc ta yo'tan, hich la yal: Ants, ma jna'be sba, xchi.