1 Corintios 8:1 - Bible in Tzeltal Bachajón

¹ Te bin ut'il ay sc'oblal te milbil mahtaniletic ac'bilic ta stojol loc'ombahetic, jna'ojtic te jpisiltic bayel na'bil cu'untic. Te bin na'bil ya yac' toybahil, yan te c'uxul-o'tanil ya xmuc'ubteswan.

Nuevo Testamento Tzeltal de Amatenango

¹ Te ora to jaꞌ ya kalbeyex te tutꞌil ay skꞌoplal te weꞌeliletik te ya xꞌakꞌot ta skuenta te lotil diosetike. Batsꞌi jich te tut ya xꞌalote te jpisiltik pꞌijubenotik. Pero ay ya jtoy jbajtik yuꞌun te pꞌijiltike. Yan teme ay slekil koꞌtantike jaꞌ ya yakꞌ lekubotik ta skuenta Espíritu.

Bible in Tzeltal de Oxchuc y Tenejapa

¹ Ta ora to ya calbeyex sc'oplal te milbil majt'anil yu'un te loc'ombaetique. Melel jna'ojtic jpisiltic te bit'il ay te loc'ombaetique. Ja'uc me to, te bila jna'ojtic stojole, ja' ya jtoy jbatic yu'un. Yan te xc'uxul-o'tanile, ya xmuc'ubotic yu'un stuquel.

1 Corintios 8:1 Referans Kwoze

1 Corintios 8:7

Pero ma spisiluc hich sna'ojic, ay mach'atic c'ahyemic soc te loc'ombahetic, ha yu'un te bin ya swe'ic ay ta yo'tanic te ha a'bibil ta stojol loc'ombahetic, hich ya xbohlob yo'tanic, yu'un mayuc yip yo'tanic.

Romanos 14:3

Te mach'a ya swe' spisil, ma me sp'aj te mach'a ma ba ya swe'e. Ha nix hich te mach'a ma ba ya swe' spisil, ma me xyich'o-c'optay te mach'a ya swe' spisil, como ic'bil yu'un Dios.

Isaías 5:21

¡Ay me swocolic te mach'atic ya scuy sbahic ta p'ij, te ya scuy sbahic te ya sna'ic q'uinal!

Apocalipsis 2:14

Pero ay bintic ma lecuc co'tan awu'un: ay mach'atic sch'uhunejic te bin la yac' ta nopel Balaam, te la ya'be snop te Balac bin ut'il ya yac' c'ohchinojibal ta stojol te israeletic, ha te ya swe'ic te bin a'bibil ta milbil mahtanil ta stojol lotil diosetic soc te ya ya'iyic antsiwej.

1 Corintios 8:4

Te bin ut'il ay sc'oblal te we'elil te ya yich' aq'uel scuenta milbil mahtanil ta stojol loc'ombahetic, jna'ojtic te mayuc stuc ta q'uinal te loc'omba, te junax Dios ay.

1 Corintios 8:2

Teme ay mach'a ya scuy te ay bin ya sna', ma to hichuc sna'oj a te bin ut'il ya sc'an ya na'e.

Romanos 15:14

Quermanotac, sch'uhunej co'tan te ay bayel yutsil awo'tanic soc te ay bayel bin ana'ojic, hich talel c'axel ya xhu' yac anohptes abahic.

Efesios 4:16

te ha nix ta scuenta te spisil te baq'uet, te ts'acticlambil soc te junax c'ohem ta scuenta spisil te schihal, ha chican bin yilel ya'tel ta jujuchahp, ya xmuc'ub soc ya yich' yip ta scuenta c'uxul-o'tanil.

1 Corintios 15:34

Cuxuluc me awo'tanic soc ma me xalehulan amulic, yu'un ay mach'atic ma ba ya sna'beyic sba te Diose. Scuenta aq'uexlalic te hich ya cal.

Hechos 15:29

Ma me xawe'ic te bin a'bot scuenta milbil mahtanil yu'un loc'ombahetic, ma me xawe'ic ch'ich' o te bin ts'otbil nax ta snuc', soc ma me xawa'iyic antsiwej o ma me xawac' abahic ta antsinel. Teme hich yac ach'uhunic spasele, lec bin yac apasic, xchi te carta.

Isaías 47:10

Como ha la smuc'ulin awo'tan te achopolil, hich la awal: Mayuc mach'a ya yilon, xchihat. La slo'loyat te ap'ijil soc te bintic ana'oj, soc la awal ta awo'tan: Ho'on nax, mayuc yan, xchihat.

Números 25:2

te ha ic'otic bahel yu'unic ta banti ya yich' a'beyel milbil smahtan te diosetic yu'unique. We'ic te israeletic soc la squejan sbahic ta stojol te diosetic yu'unique.

1 Corintios 10:28

Yan teme ay mach'a ya yalbeyex: Ha ini a'bot scuenta milbil mahtanil yu'un te loc'ombahetic, teme xchihe, ma me xawe'ic ta scaj te mach'a hich la yal soc scuenta yu'un ma ba ya x'och na'etel yu'un, como ha yu'un Cajwaltic te bahlumilal soc spisil bintic ay tey a.

Hechos 21:25

Yan te jyanlumetic te sch'uhunejiquix, la jcalbetiquix ta hun te ma me swe'ic te bin ac'bil scuenta milbil mahtaniletic yu'un loc'ombahetic, ma me swe'ic te bin ts'otbil ta snuc', o ch'ich', soc ma me xya'iyic antsiwej o antsinel, xchihic.

Hechos 15:10

Ha yu'un ¿bin yu'un yac atsajic te Diose, ha te yac awa'beyic ta snuc' te jnopojeletic jun yugo c'ohem yu'un ya scuchic te bin ma ba hu' scuchbelic te jme'jtatic soc te ho'otique?

Apocalipsis 2:20

Pero ay bin ma lecuc co'tan awu'un: ha te mayuc bin yac awal yu'un te ants Jezabel, te scuyoj sba ta jalwanej-ants, te ya ya'be snopic soc ya smon te a'batetic cu'un te ya ya'iyic antsiwej soc te ya yac' sbahic ta antsinel, soc te ya swe'ic te we'elil a'bibil ta stojol loc'ombahetic.

Colosenses 2:18

Ma me xawac' spojbeyex te premio awu'unic te mach'a sp'isoj sba te peq'uel ay soc te ya sch'uhuntay ch'ul a'batetique. Ha ya slom ta halel te bin ma ba yiloj, tojol ya stoy sba yu'un te bin snopoj ta scuenta ch'ich'-baq'uet;

1 Corintios 14:20

Quermanotac, ma me hichuc apensaric te bin ut'il alaletic; ha lec hichuquex te bin ut'il alaletic ta stojol te bin chopol, pero muc'ul ants-winicuquex ta scuenta apensaric.

1 Corintios 5:6

Ma lecuc te atoyoj abahique. ¿Yu'un bal ma ba ana'ojic te jteb nax levadura ya spajubtes sc'ohlol te we'bal?

1 Corintios 5:2

Soc te ha'exe atoyoj abahic yu'un. ¿Ma bal ha'uc ya sc'an te lajuc amel awo'tanic yu'un soc te lajuc aloq'uesic ta awohlilic te winic te hich la spase?

1 Corintios 4:18

Ay mach'atic te stoyoj sbahic, yu'un scuyojic te ma ba ya xtal quilex.

1 Corintios 4:10

Cuybilotcotic te mayuc bin jna'ojcotic ta scuenta Cristo, yan te ha'exe buen p'ijex ta scuenta Cristo; te ho'otcotic mayuc quipcotic, yan te ha'exe bayel awipic. Te ha'exe ich'bilex ta muc', yan te ho'otcotic p'ajbilotcotic.

1 Corintios 1:5

como ha ta scuenta te buen jc'uhlej c'ohemex, ta spisil c'opetic soc spisil bintic ay ta na'el,

Romanos 14:22

Te bin ach'uhunej, ch'uhuna atuquel ta stojol Dios. Ha bayel yutsil te mach'a ya sna' te ma teyuc ya sta smul a te bin lec ya ya'iy ya spase.

Romanos 14:14

Jna'oj soc hich ay ta co'tan ta scuenta te Cajwaltic Jesús, te mayuc bin bohloben sc'oblal; pero te mach'a ya scuy te bohloben sc'oblale, yu'un nix bohloben sc'oblal ta stojol abi.

Romanos 14:10

Pero te ha'ate ¿bin yu'un yac awalbe smul te awermano? Ha nix hichat, ¿bin yu'un yac ap'aj te awermano? como jpisiltic ya xc'ohotic ta ich'el ta c'op ta stojol te chapajibal yu'un Cristo.

Romanos 12:16

Junuc me awo'tan abahic. Ma me xatoy abahic, joquinahic te mach'atic peq'uel ayique. Ma me p'ijuc xacuy abahic.

Romanos 11:25

Quermanotac, ma jc'an te ma ba yac ana'ic bin ut'il ay ini te bin mayuc ta na'el ta namey, scuenta yu'un ma ba yac acuy abahic ta p'ij: Ta Israel ay banti tonob yo'tanic ha to c'alal ts'acay ochel te jyanlumetique.

Romanos 14:19

Ha yu'un ya me jt'untic bin ut'il ya xlahmaj q'uinal yu'un soc te talel c'axel ya quich'tic quiptic a.

1 Corintios 4:6

Quermanotac, ta scuenta sc'uxulex ta co'tan hich la jta ta halel bin u'til ayon soc te Apolos, scuenta yu'un hich yac anopic ta jcuentacotic te ma me xjelawex ta bin ts'ihbabil, te mayuc mach'a muc' xan ya xc'oht sc'oblal awu'unic a te bin ut'il sc'oblal te yane,

1 Corintios 10:15

Hich ya jc'oponex te bin ut'il ha'ex yac ana'ic q'uinal; nopa awa'iyic teme lec o teme ma lecuc te bin ya calbeyexe.