1 Corintios 7:2 - Bible in Tzeltal Bachajón

² Pero ta scaj te ay ya sta smulic ta scuenta antsiwej, ha lec te ayuc yihnam te jujutuhl winiquetic, soc ayuc smamalal te jujutuhl antsetic.

Nuevo Testamento Tzeltal de Amatenango

² Pero ta skaj te ay antsiwejele, ta juju-tul ya skꞌan te ayuk batsꞌi yiname y ta juju-tul te antse ya skꞌan te ayuk batsꞌi smamlale.

Bible in Tzeltal de Oxchuc y Tenejapa

² Ja'uc me to, scaj te ay yalel ta mulile, jich yu'un juju-jtul ayuc me yinam te winique soc ayuc me smamlal te antse.

1 Corintios 7:2 Referans Kwoze

Efesios 5:28

Ha nix hich te winiquetic, c'ux me ac'a ya'iy ta yo'tanic te yihnamic hich te bin ut'il c'ux ya ya'iyic stuquel te sbaq'uetalique. Te mach'a c'ux ya ya'iy te yihnam, ha nix c'ux ya ya'iy sba,

Efesios 5:33

Pero jujutuhlex c'ux me xawa'iy te awihnam hich te bin ut'il c'ux yac awa'iy aba; soc te antse ac'a yich' ta cuenta te smamalale.

1 Corintios 7:9

Pero teme ma ha'uc smahtanic te ya xhu' ya scom sbahic, ac'a nuhpunicuc, como ha lec xan teme ya xnuhpunic te bin ut'il yac ta c'axel swocol yu'un.

Proverbios 18:22

Te mach'a ya sta yihnam ha ya sta te bin lec soc ya sta c'uxultayel yu'un Dios.

1 Corintios 6:18

Ahnanic ta stojol antsiwej. Spisil yantic muliletic te ya spasic ants-winiquetic ma ba ay ta sbaq'uetal; yan te mach'a ya ya'iy antsiwej, ya sta smul ta stojol te sbaq'uetale.

1 Timoteo 4:3

Ya xcomawanic ta nuhpunel soc ya yalic mandar te ay we'elil te ma me swe'ic, te ha nix pasbil yu'un Dios te ya swe'ic ta scuenta halbeyel wocol Dios te mach'atic sch'uhunejic soc te sna'ojic te bin melele.

Malaquías 2:14

Pero hich yac ajoc'oyic: ¿Bin yu'un? xchihex. Como te Jehová ha testigo ta atojol soc ta stojol te ants nuhpunat soc te c'alal queremat to a, te ma ba junix awo'tan ta stojol, aunque ha amohlol soc ha achapoj ac'op soque.

Proverbios 19:14

Te na soc te c'ulejalil ha te bin ya x'a'bot yich' yu'un sme'stat, yan te ants yic'oj te ay sp'ijil yo'tan, ha mahtanil yu'un Jehová.

San Mateo 5:32

Pero ho'on ya calbeyex te mach'a ya yihquitay yihnam, teme ma ba ta scaj te yac'oj sba ta antsinel, ha me ta scuenta te ya yac' ta antsinel te yihname; soc te mach'a ya yic' te ihquitaybil ants, yac me ta antsiwej abi.

1 Corintios 7:1

Te bin ut'il ay sc'oblal te bintic la ajoc'obonic ta hun: Lec teme ma ba ya sta sba soc ants te winique.

1 Corintios 7:3

Te winic ac'a spas te bin ya sc'an pasel ta stojol te yihnam, hich nix te ants ta stojol te smamalale.

1 Tesalonicenses 4:4

te jujutuhlex yac ana'ic bin ut'il ya yic' jtuhl nax yihnam hich te bin ut'il ya sc'an scuenta ch'ultesel soc ich'el ta cuenta,

Jueces 21:22

Teme ya xtal sc'oponotcotic te static o sbanquiltac te ach'ixetic, ya calbecotic: Awocoluc, a'botcotic te ach'ixetic, yu'un ma ba la jtahbecotic yihnamic spisil te winiquetic te c'alal ay guerra. Soc ma ha'uquex te la awa'beyic, hich mayuc amulic ya xc'oht, xchihotcotic.