1 Corintios 4:4 - Bible in Tzeltal Bachajón

⁴ Aunque mayuc bin chopol ya yalbon te co'tan, ma ha'uc yu'un te mayuc jmul; te mach'a ya schahpanon ha te Cajwaltique.

Nuevo Testamento Tzeltal de Amatenango

⁴ Maꞌyuk tut kechel ta koꞌtan ya kaꞌiy, pero makꞌ me kal te yuꞌun maꞌyuk jmule. Yuꞌun jaꞌ ya yichꞌon jkuenta te Kajwaltike.

Bible in Tzeltal de Oxchuc y Tenejapa

⁴ Melel ma'yuc bila amen jpasoj ya caiy ta co'tan, ja'uc me to, ma xcal te ma'yuc te jmule. Ja' ay ta swenta yalel stuquel te Cajwaltic te bi quilel ya yile.

1 Corintios 4:4 Referans Kwoze

Salmos 143:2

Ma me xawic' tal ta chahpanel te a'bat awu'un, como mayuc jtuhluc te toj ta atojol.

Salmos 130:3

Jehová, te yacuc awich' ta cuenta te muliletic, ¿mach'a ya xhu' te teq'uel ya xhil?

2 Corintios 1:12

Hich ay te bin ya xtohy q'uinal ya ca'iycotic yu'un: Ha te ya yal te co'tancotic te smelelil soc ta scuenta jun-o'tanil te ya yac' te Dios hich a'tejotcotic ta bahlumilal, soc c'ax to xan hich a ta awohlilic. Ma hichuc la jpascotic ta scuenta sp'ijil ch'ich'-baq'uet, ha la jpascotic ta scuenta yutsil yo'tan te Diose.

Proverbios 21:2

Spisil te behetic yu'un te winic ya scuy ta toj, pero te Jehová ya xna'bot yo'tan yu'un stuquel.

Salmos 19:12

¿Mach'a ya xhu' sna'el te banti howiyem? Pasbon perdón yu'un te muquen faltahetic cu'une.

2 Corintios 5:10

como jpisiltic ya me xc'ohotic ta chahpajibal yu'un Cristo, scuenta yu'un jujutuhl ya yich' stojol, ha chican bin la spas te c'alal ay to ta sbaq'uetal a, teme lec o teme ma lecuque.

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

Romanos 2:13

como ma ha'uc te mach'atic ha nax ya ya'iyic te Ley te toj ya x'ilotic yu'un Dios, pero ha te mach'atic ya spasic te bin ya yal te Ley te ya xhalbotic te toj ayique.

Job 40:4

Mayuc jtuc ya ca'iy; ¿bin ya xhu' ya jsuhtesbat? Ya jmac que ta jc'ab.

Job 27:6

Ya calulan te toj ayon, ma ba ya jquehchan; ta spisil jcuxlejal ma ba ya yal co'tan te ay jmul.

Job 25:4

Ha yu'un ¿bin ut'il ya xhu' ya xhalbot te toj yo'tan ta stojol Dios te winique? ¿Bin ut'il c'an lecuc yo'tan te mach'a ayintesot yu'un ants?

Hechos 23:1

Te Pablo la yilticlambe sit te jchahpanwanejetic, hich la yal: Quermanotac, lec ayon ya ca'iy ta stojol Dios c'alal ora, xchi.

San Juan 21:17

Joc'obot xan ta yoxebal buelta: Simón, snich'an Jonás, ¿c'uxon bal ta awo'tan? xchi. Te Pedro la smel yo'tan yu'un te yoxebalix buelta te joc'obot: ¿C'uxon bal ta awo'tan? te xchihe. Ha yu'un hich la yal: Cajwal, ana'oj spisil; ana'oj te c'uxat ta co'tan, xchi. Halbot yu'un te Jesús: Mac'limbon te tuminchijetic cu'une.

Job 15:14

¿Bin a te winic, te lec ya xhu' ya xc'oht, te ya xhalbot mayuc smul te mach'a ya x'ayintesot yu'un ants?

Job 9:20

Teme ya cal te tojon ta winiquil, ha nix te que ya yal te ay jmul; aunque lecon ta winiquil, ha me ya yal te jtahoj jmul.

Romanos 4:2

Te ha'uc halbil te toj ay te Abraham ta scuenta te ya'tel, ay bin ya stoy sba yu'un te hichuque, pero ma xhu' te hich ya spas ta stojol te Diose;

Salmos 50:6

¡Te ch'ulchan ya me yal ta jamal te toj bin ya spas, como ha jchahpanwanej te Diose! Selah

Salmos 26:12

Te coc ay ta pamal q'uinal; ya calbe yutsil sc'oblal te Jehová ta banti stsoboj sbahic te ants-winiquetic.

Proverbios 29:26

Tsobolic ya slehic te lec yo'tan yu'un te ajwalil, pero ha nax stuquel te Jehová te ya spas lequil chahpanwanej ta stojol spisilic.

1 Corintios 4:3

Te ho'one mayuc sc'oblal ta co'tan te ya quich' chahpanel awu'unic o ta chahpajibal yu'un ants-winiquetic. ¡Ni ma ho'ucon ya jchahpan jba!