1 Corintios 4:10 - Bible in Tzeltal Bachajón

¹⁰ Cuybilotcotic te mayuc bin jna'ojcotic ta scuenta Cristo, yan te ha'exe buen p'ijex ta scuenta Cristo; te ho'otcotic mayuc quipcotic, yan te ha'exe bayel awipic. Te ha'exe ich'bilex ta muc', yan te ho'otcotic p'ajbilotcotic.

Nuevo Testamento Tzeltal de Amatenango

¹⁰ Te joꞌotike jaꞌ ta skaj te Cristo te kuybilotik ta ma pꞌijukotike. Yan te jaꞌexe, ben pꞌijex ta skuenta Cristo ta akꞌopik. Te joꞌotike maꞌyuk jpuersatik. Yan te jaꞌexe bayal apuersaik ta akꞌopik. Te joꞌotike pꞌajbilotikix. Yan te jaꞌexe aꞌbilex ta jkuenta.

Bible in Tzeltal de Oxchuc y Tenejapa

¹⁰ Cuybilotic ta bol, ta swenta te Cristoe. Yan te ja'exe, ay ap'ijilic ta swenta Cristo. Te jo'otique, ma'yuc quiptic. Yan te ja'exe, bayal awipic. Ayex ta ich'el ta muc' yu'un te ants-winiquetique. Yan te jo'otique, p'ajbilotiquix.

1 Corintios 4:10 Referans Kwoze

1 Corintios 2:3

Te c'alal ayon ta awohlilic mayuc quip soc bayel ayon ta xiwel soc nihc co'tan yu'un.

Hechos 26:24

Hich yac yalbel ta scoltayel sba ta c'op a te Pablo, tulan c'opoj te Festo: Sohquem ajol, Pablo. Ta scaj te bayel bintic anopoj te sohquemix ajol yu'un, xchi.

Hechos 17:18

Ay cha'oxtuhl jp'ijubteswanejetic yu'un te epicúreohetic soc yu'un te estóicohetic la stsal sbahic ta c'op soc te Pablo. Ay mach'atic la yalic: ¿Bin ya sc'an ya yal te winic ini te bayel ya xc'opoj? xchihic. Ay yantic la yalic: Yu'un wan yac yalbel sc'oblal yach'il diosetic, xchihic, como yac yalbel sc'oblal te Jesús soc te cha'cuxajele.

1 Pedro 4:14

Teme ayex ta ixta'c'optayel ta scaj te sbihil te Cristo, bayel me awutsilic yu'un, como ay ta atojolic te Espíritu yu'un Dios te bayel yutsil.

2 Corintios 13:9

Ha yu'un tse'el co'tancotic te c'alal mayuc quipcotic, pero te ay awipic te ha'exe; soc ya jc'opombeyex Dios yu'un te lecuc ya xc'ohex.

1 Corintios 3:18

Ma me ayuc mach'a ya slo'loy sba; teme ay mach'a ay ta awohlilic te ya scuy sba ta p'ij ta scuenta te bahlumilal ini, ac'a sp'is sba te mayuc bin ya sna' scuenta yu'un hich ay sp'ijil yo'tan ya xc'oht.

1 Tesalonicenses 4:8

Ha yu'un te mach'a ya sp'aj ini, ma ha'uc ya sp'aj te winic, ha ya sp'aj te Dios te ha nix ya'beyejex te Ch'ul Espíritu.

2 Corintios 11:29

¿Mach'a a te mayuc yip, te ha nix mayuc quip ya ca'iy? Te mach'a ya x'a'bot sc'ohchin sba, ¿yu'un bal ma ba ya x'ilinon yu'un?

2 Corintios 11:19

como te bin ut'il p'ijex, jun awo'tanic yac awa'iybeyic sc'opic te mach'atic ma sna'ic q'uinal,

2 Corintios 10:10

Melel ay mach'atic ya yalic te tulan te cartahetic soc ay yipic, pero te c'alal li' ay, mayuc yip soc mayuc ta cuenta te bin ya yale.

1 Corintios 10:12

Ha yu'un te mach'a ya scuy te ay yip ta tec'lej, ac'a stsahtay sba te ma ba ya xyahle.

1 Corintios 4:8

Ayix awu'unic spisil, jc'uhlejexix, ochemex ta ajwalil, pero ma ha'uc ta jcuentacotic. ¡Co'tanuc te yacuc x'ochex ta ajwalil, scuenta yu'un pajal ya x'ochotic ta ajwalil a!

1 Corintios 3:2

La jca'beyex awuch'ic leche, ma ha'uc tulan we'elil, como ma to xhu' awu'unic,

1 Corintios 2:14

Te mach'a ma ba yich'oj te Espíritu, ma xc'oht ta yo'tan te bintic scuenta te Espíritu yu'un Dios, como scuyoj ta howilc'op, ma xhu' ya sna'be scuentahil, como ha ya sc'an tsahtayel ta scuenta te Espíritu.

Hechos 17:32

C'alal la ya'iybeyic sc'oblal te cha'cuxajel yu'un te mach'atic chamenic, ay la slabanic, ay yantic la yalic: Yan to buelta ya ca'iycotic xan sc'oblal ini, xchihic.

Hechos 9:16

Ya ca'be sna' te ya me xc'ax bayel swocol ta scuenta te jbihile, xchi.

San Lucas 18:9

Te Jesús la yalbe ya'iyic sloc'ombahil c'op te mach'atic scuyoj sbahic ta toj ta winiquil soc te mayuc sc'oblal ta yo'tan yantic, hich la yal:

San Lucas 10:16

Te mach'a ya ya'iybeyex ac'opic, ho'on me ya ya'iybon jc'op abi; te mach'a ya sp'ajex, ho'on me ya sp'ajon; soc te mach'a ya sp'ajon, ha ya sp'aj te mach'a la sticonon tale, xchi.

San Lucas 6:22

Bayel me awutsilic c'alal ya sp'ajex te ants-winiquetic, ya stenex loq'uel, ya yixta'c'optayex, soc ya yihlaybeyex abihilic ta scaj te Nich'anil ay ta scuenta winic.

San Mateo 24:9

Ya me yaq'uex ta c'abal scuenta uts'inel, ya smilex soc yac awich'ic ihlayel yu'un spisil ants-winiquetic ta scaj te jbihile.

San Mateo 5:11

Bayel me awutsilic teme ho'on ta jcuenta te ya yixta'c'optayex, ya yuts'inex, soc ya yalic spisil ta chahp c'opetic ta lot ta atojolic.

Oseas 9:7

C'ohtix sc'ahc'alel te castigo, c'ohtix sc'ahc'alel te ya x'a'bot stojolic. ¡Ya me sna' Israel! Cuyot ta sonso te jalwanej soc te sohquem sjol te winic te ay bin a'bot sna' yu'un Dios, ta scaj bayel achopolil soc bayel slab awo'tanic.

Isaías 53:3

Ha ihlaybil soc p'ajbil yu'un te ants-winiquetique, ha jtuhl winic te bayel bin c'ux ya ya'iy, ya sna' bin ut'il ay wocol; hich c'ohem te bin ut'il mach'a ma ba la sc'an ya quilbetic sit yelaw, ha p'ajbil, soc ma ba la jquich'tic ta cuenta.

Proverbios 11:12

Te mach'a ma sna' q'uinal ya sp'aj te spat-xuhc, yan te mach'a p'ij yo'tan mayuc bin ya yal.

2 Reyes 9:11

C'alal loc' tal te Jehú ta stojol te capitanetic yu'un te yajwal, joc'obot yu'unic: ¿Ay bal lamal q'uinal? ¿Bin yu'un tal slehat me jsohquejole? xchihic. Ha'ex ana'beyejic sba soc bin ut'il ya xc'opoj, xchi te Jehú.

1 Corintios 1:21

Ta scuenta sp'ijil yo'tan Dios, ma ba la sna'be sba Dios ta scuenta sp'ijil mach'atic ayic ta bahlumilal; lec la ya'iy Dios te ya yac' coluc te mach'atic ya sch'uhunic ta scuenta yalel sc'op Dios te cuybil ta howil c'ope.

1 Corintios 1:23

yan te ho'otic ya calbetic sc'oblal te cham ta cruz te Cristo: te ha c'ohchinojibal c'ohem yu'un te judíohetic, soc ha howil c'op cuybil yu'un te griegohetique;

1 Corintios 1:25

como te bin sonso yu'un Dios c'ax hich p'ij a te bin ut'il sp'ijil te ants-winiquetic, soc te bin mayuc yip yu'un Dios c'ax hich yip a te bin ut'il yip te ants-winiquetique.

2 Corintios 6:8

ta scuenta te ay ich'bilotcotic ta muc' soc te ay ma ba ich'bilotcotic ta muc', te ay ma lecuc jc'oblalcotic soc te ay lec jc'oblalcotic; cuybilotcotic ta jlo'loywanej, pero smelelil bin ya calcotic;

2 Corintios 4:12

Ha yu'un yac ta a'tel ta jtojolcotic te lajele, yan te ha'exe yac ta a'tel ta atojolic te cuxlejale.