1 Corintios 3:8 - Bible in Tzeltal Bachajón

⁸ Pajal ayic te mach'a ya ya'iy ts'umbajel soc te mach'a ya ya'be ya'lel, soc jujutuhl ya x'a'bot yich' stojol, ha chican bin yilel ya'telic.

Nuevo Testamento Tzeltal de Amatenango

⁸ Te machꞌatik ya yawe y sok machꞌatik ya yaꞌbe yaꞌlele, pajalik nax. Dios ya xtojtalanot yuꞌun ta juju-tul chikan te yaꞌtele.

Bible in Tzeltal de Oxchuc y Tenejapa

⁸ Te mach'a ya sts'une soc te mach'a ya yac'bey ya'lele, pajal sc'oplalic. Ja'uc me to, Dios ya yac'bey stojol, chican bi yilel yat'el juju-jtul.

1 Corintios 3:8 Referans Kwoze

Romanos 2:6

te ha ya yac'ticlambe stoj ta tuhlutuhl, ha chican bin yilel ya'telic:

2 Juan 1:8

Tsahtaya me abahic scuenta yu'un ma ba ya xch'ay a te sit te awa'telic, te ts'acaluc yac awich'ic stojol ac'abic.

San Mateo 16:27

como te Nich'anil ay ta scuenta winic ya xtal soc yutsilal te Stat, sjoquinej te ch'ul a'batetic yu'un, hich ya yac'ticlambe stojol sc'ab jujutuhl, ha chican bin yilel ya'telic.

Apocalipsis 22:12

Hich la yal te Jesús: ¡Nopol ya xtalon! Soc quich'oj ya xtal te stojol sc'abic, ya ca'be stojol ta jtuhlutuhl ha chican bin spasoj.

Salmos 62:12

soc ha'at awu'un, Cajwal, te c'uxultaywanej. Ta jujutuhl yac awa'be stojol sc'abic, ha chican bin yilel te ya'telique. Salmo yu'un David te c'alal ay ta jochol taquin q'uinal yu'un Judá.

1 Corintios 15:58

Ha yu'un, quermanotac te c'uxex ta co'tan, ayuc me yip awo'tanic soc junuc me awo'tanic, spisil ora behbehuc me ta muc'ubel awu'unic te ya'tel te Cajwaltic, como ana'ojic te ma tojoluc ya xc'oht te awa'telic yu'un te Cajwaltique.

1 Pedro 5:4

Hich te c'alal ya xchicnaj tal te muc'ul Jcanantaywanej ya me awich'ic te corona te ay yutsilal te ma xlaje.

Hebreos 6:10

Ma yu'unuc te ma tojuc yo'tan te Dios, te ya sch'ay ta yo'tan te awa'telic soc te sc'uxul awo'tanic te la awaq'uic ta ilel ta scuenta sbihil, te bin ut'il la awac' abahic ta a'batinel ta stojol te mach'atic ch'uhltesbilic, soc te hich nix yaquex ta spasel c'alal ora.

Gálatas 6:4

Jtuhlutuhl ac'a stsahtay bin yilel ya'tel, hich ya xhu' ya yal lec sc'oblal stuquel, ma ha'uc ya spaj yan,

1 Corintios 3:14

Teme stalel ya xhil te ya'tel te mach'a la sts'ahcuy mohel, ya me x'a'bot smahtan.

1 Corintios 3:9

Como te ho'otcotic joc jbahcotic ta a'tel soc Dios; te ha'exe sts'unubex Dios, ha snahex Dios.

Daniel 12:3

Te mach'atic ay sp'ijil yo'tanic hich ya xtihl sts'anabul te bin ut'il sts'anabul te syaxal ch'ulchan; te mach'atic ya sp'ijubteslan tsobolic ta bin toj ta pasel hich ya xc'ohtic te bin ut'il te eq'uetic sbahtel q'uinal.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

Proverbios 27:18

Te mach'a ya scanantay te higuera, ha nix ya slo'be sit, soc te mach'a ya scanantay te yajwal ya x'ich'ot ta muc' yu'un.

1 Corintios 3:7

Ha yu'un ma ha'uc ay sc'oblal te mach'a ya ya'iy ts'umbajel o te mach'a ya ya'be ya'lel, ha ay sc'oblal te Dios te ya yac' ch'ihyuc.

1 Corintios 4:15

Aunque ay jpic soc ho'bahc' (10,000) jp'ijubteswanejetic awu'unic ta stojol te Cristo, mayuc tsobol atatic; ho'on cal-jnich'anex ta scuenta Cristo Jesús te bin ut'il la jcalbeyex te lec yach'il c'ope.

1 Corintios 9:7

¿Mach'a ya x'och ta soldadohil te ha nix ya stoj sba? ¿Mach'a ya sts'un sts'usubil te ma ba ya swe'be te site? ¿Mach'a ya scanantay wacaxetic te ma ba ya yuch'be te leche yu'une?

Gálatas 6:5

como ta jtuhlutuhl ya sc'an ya scuch stuquel te yihcatse.

San Lucas 19:19

Ya ca'bat acuentahin ho'pahm pueblo, xchi xan te yajwale.