1 Corintios 3:5 - Bible in Tzeltal Bachajón

⁵ ¿Mach'a a te Pablo, soc mach'a a te Apolos? Ha a'batetic te ha ta scuentahic te la ach'uhunique; soc ha chican te bin a'bot spas jujutuhl yu'un te Cajwaltique.

Nuevo Testamento Tzeltal de Amatenango

⁵ Ya skꞌan ya anaꞌik: ¿Machꞌa a te jPabloe? ¿Y machꞌa a te Apolose? Kꞌouk ta awoꞌtanik te abat nax ayotik yuꞌun Dios te la kaꞌbeyex achꞌuunikix te Kajwaltike. Yuꞌun ta juju-tul te joꞌotike jaꞌ la jpastik te aꞌtel a yaꞌbotik te Kajwaltike.

Bible in Tzeltal de Oxchuc y Tenejapa

⁵ ¿Mach'a a te Pabloe? ¿Soc mach'a a te Apolose? Abatetic nax yu'un te Diose, te jich la ach'uunic Dios ta swentaique. Yu'un ja' nax ya spasic te bila ac'botic ta swentaic spasel juju-jtul yu'un te Cajwaltique.

1 Corintios 3:5 Referans Kwoze

2 Corintios 6:4

Pero ta spisil hich ya cac'cotic ta na'el te ha a'batotcotic yu'un Dios te bin ut'il bayel cuhchem cu'uncotic, soc te c'alal ayotcotic ta uts'inel, c'alal mayuc bin la jtahcotic, c'alal ay jwocolcotic,

2 Corintios 6:1

Ha yu'un te bin ut'il joc jbahcotic ta a'tel soc Dios, ya jtsitsexcotic te manchuc tojoluc ya xc'oht te la awich'iquix c'uxultayel yu'un Dios.

1 Pedro 4:10

Te mahtanil a'bot yu'un Dios ta jtuhlutuhl, tuhunahic ta stojol yantic scuenta lequil jcanan yu'un te bayel ta chahp mahtaniletic ya yac' te Diose.

2 Corintios 3:6

Ha nix la yac' hu'uc cu'uncotic te ya ca'telincotic yalbeyel sc'oblal te yach'il chapbil-c'op, ma ha'uc te bin ts'ihbabil hilel, ha te bin yu'un te Espíritu; como te bin ts'ihbabil hilel ya xmilawan, yan te Espíritu ya yac' cuxlejal stuquel.

2 Corintios 11:23

¿A'batetic bal yu'un Cristo? C'ax hichon a. (Sjel ta sohquem jol te bin ut'il hich ya xc'opojon.) C'ax hich a'tejemon a, c'ax hich quich'oj chuquel a, ma ahtaybaj quich'oj majel, c'ax bayel buelta c'an lajucon.

2 Corintios 4:7

Pero quich'ojcotic te c'uhlejalil ini ta vaso pasbil ta ahch'al, scuenta yu'un ya xchicnaj te ha nix yu'un Dios te yutsil yu'el, te ma cu'uncoticuc.

2 Corintios 4:5

Como ma ba ya jpucbe jc'oblalcotic, ha ya jpucbecotic sc'oblal te ha Ajwalil te Jesucristo, soc te ho'otcotic a'batotcotic awu'unic ta scuenta sc'uxul yo'tan Jesús.

2 Corintios 3:3

Jamal chican te ha'ex cartahex yu'un Cristo te pasbil cu'uncotic, ma ba ts'ihbabil ta tinta, ha ts'ihbabil ta Espíritu yu'un te cuxul Dios; ma ha'uc ta pehchel tonetic, ha ts'ihbabil ta awo'tanic.

1 Corintios 3:10

Ta scuenta te bin a'bibilon yu'un Dios, ho'on, te bin ut'il ya jna' ta lec pas-na, la jca'be yich'o-ip, yan mach'a ya sts'ahcuy mohel; pero jujutuhl ac'a yil bin ut'il ya sts'ahcuy mohel.

1 Corintios 12:28

Ta iglesia, Dios la yac' nahil jpuc-c'opetic, schebal jalwanejetic, yoxebal jp'ijubteswanejetic, patil te mach'atic ya spasic jchahp a'teliletic, patil te mach'atic ya slahmajtes jchameletic, mach'atic ya xcoltaywanic, mach'atic ya xcuentahinwanic, mach'atic ay smahtan ya xc'opojic ta yan c'opiletic.

1 Corintios 9:17

Teme soc sc'anojel co'tan ya jpas, ay bin ya x'a'boton yu'un; yan teme ma ha'uc soc sc'anojel co'tan ya jpas, ha nax yacon ta spasel te bin ticombilon ta spasele.

1 Corintios 3:7

Ha yu'un ma ha'uc ay sc'oblal te mach'a ya ya'iy ts'umbajel o te mach'a ya ya'be ya'lel, ha ay sc'oblal te Dios te ya yac' ch'ihyuc.

San Juan 3:27

La sjac' te Juan: Mayuc bin ya xhu' ya yich' te winic teme ma ha'uc a'bibil tal ta ch'ulchan.

San Lucas 1:2

hich te bin ut'il la ya'botic jnoptic te mach'atic ta shahchibal to la yil ta sitic te bintic c'oht ta pasel soc te a'tejic ta yalel te c'ope.

San Mateo 25:15

Te jtuhl la ya'be ho'eb talento, te yane la ya'be cheb talento, te yane la ya'be jun talento, ha chican bin ut'il ya xhu' yu'unic scuentahinel jujutuhl; patil baht ta namal.

Colosenses 1:25

Ha ya'bat te iglesia c'ohemon ta scuenta te ca'tel la ya'bon te Dios ta acuentahic, scuenta yu'un ts'acal ya calbeyex te sc'op Dios,

Efesios 3:7

Ha a'bat c'ohemon yu'un te lec yach'il c'op ini ta scaj te yutsil mahtanil yu'un Dios te la ya'bon ta scuenta te ya'tel te yu'ele.

Hechos 18:24

Ay c'oht ta Éfeso jtuhl judío-winic, Apolos sbihil, ha slumal te Alejandría, ya sna' c'op ta lec soc ya sna' ta lec te Shun Diose.

Hechos 19:1

C'alal ay ta Corinto a te Apolos, te Pablo la yocliy bahel te ahc'ol q'uinal, tal ta Éfeso. Ay jnopojeletic la sta tey a,

Romanos 15:16

scuenta yu'un ay ca'tel yu'un Jesucristo ta stojol te jyanlumetic, ha te ya ca'telin yalel te lec yach'il c'op yu'un Dios, scuenta yu'un ha mahtanil ya xc'ohtic te jyanlumetic te lec yo'tan Dios yu'un, te ha ch'uhltesbilic yu'un te Ch'ul Espíritu.

1 Corintios 3:22

teme ha te Pablo, o Apolos, o Cefas, o bahlumilal, cuxlejal, lajel, te bin ay ta ora ini o te bin ya xc'oht ta pasel ta patil. Spisil awu'unic,

1 Corintios 16:12

Yan te quermanotic Apolos la jcalbe bayel wocol te yacuc xtal yilex soc te yantic quermanotactic, pero ma ba la sc'an ya xbaht ta ora; ha ya xbaht te bin ora ya xhu' yu'une.

2 Corintios 4:1

Ha yu'un te bin ut'il quich'ojcotic te a'tel ini ta scuenta te sc'uxul yo'tan Dios, ma xpehc'aj co'tancotic.

2 Corintios 5:18

Ta spisil ini talem ta stojol Dios, te la yac' te jun co'tan jbahtic c'ohotic soc ta scuenta Cristo, soc la ya'botic ca'teltic yu'un te junuc yo'tan sbahic ya xc'oht soc Dios te yantique.

Colosenses 1:23

Pero ya sc'an te spisil ora ay yip te sch'uhunel awo'tanic, te ma ba ya xhil awu'unic te smuc'ul awo'tanic yu'un te lec yach'il c'op te awa'iyejic, te ha ya yich' halel ta stojol spisilic te ayic ta ye'tal ch'ulchan, te ho'on, Pablohon, quich'oj ca'tel ta yalel.

1 Timoteo 1:12

Ya calbe wocol te Cajwaltic Cristo Jesús te la ya'bon yip co'tan, como la yil te jun co'tan, hich la ya'bon quich' ca'tel ta stojol,