1 Corintios 3:10 - Bible in Tzeltal Bachajón

¹⁰ Ta scuenta te bin a'bibilon yu'un Dios, ho'on, te bin ut'il ya jna' ta lec pas-na, la jca'be yich'o-ip, yan mach'a ya sts'ahcuy mohel; pero jujutuhl ac'a yil bin ut'il ya sts'ahcuy mohel.

Nuevo Testamento Tzeltal de Amatenango

¹⁰ Te joꞌone jich kꞌoemon yuꞌun Dios tutꞌil statal alwanil te la yaꞌbon ta jkuenta te ya jlijkes te yiptajib nae, y yan machꞌa ya stsꞌak moel. Pero ta juju-tul a me yil tut yilel ya stsꞌak moel.

Bible in Tzeltal de Oxchuc y Tenejapa

¹⁰ Ta swenta nax yutsil yo'tan te Diose, la yac'on ta maestro albañil ta yaq'uel yiptajib te sts'ajc'ule. Yan mach'a ya sts'ajc'uy moel ta sba. Ja'uc me to, juju-jtul ac'a yil te bi yilel ya xbajt' ta ts'ajc'uyel yu'une.

1 Corintios 3:10 Referans Kwoze

1 Corintios 3:11

Mayuc mach'a ya xhu' ya ya'be yan yich'o-ip te bin ut'il ayix, ha te Jesucristo.

Efesios 2:20

awich'ojic ts'ahcuyel ta sba te jpuc-c'opetic soc te jalwanejetic, soc te yich'o-ip xuhc na ha te Jesucristo.

Romanos 15:20

Hich la jco'tantay spuquel te lec yach'il c'op, ma teyuc a ta banti halbilix sc'oblal te Cristo, scuenta yu'un ma ba ya x'a'tejon ta banti hahchemix ya'tel yan,

Daniel 12:3

Te mach'atic ay sp'ijil yo'tanic hich ya xtihl sts'anabul te bin ut'il sts'anabul te syaxal ch'ulchan; te mach'atic ya sp'ijubteslan tsobolic ta bin toj ta pasel hich ya xc'ohtic te bin ut'il te eq'uetic sbahtel q'uinal.

San Mateo 24:45

¿Mach'a yac awa'iy a te a'bat te jun yo'tan soc p'ij, te a'bot scuentahimbe sna te yajwal yu'un ya ya'iy mac'linwanej ta yorahil?

Apocalipsis 21:19

Te yich'o-ip te sts'ahcul te muc'ul pueblo ch'albil ta spisil ta chahp buen t'ujbil tonetic: Te shahchibal yich'o-ip sts'aylajan-ton, te schebal yaxts'ajts'aj, te yoxebal xlup'lon ta c'an, te schanebal yaxal-ton,

1 Corintios 9:2

Aunque ma jpuc-c'opucon yu'un te yantique, pero jpuc-c'opon awu'unic te ha'exe, como ha'ex sello c'ohemex yu'un te quich'oj ca'tel ta jpuc-c'opil ta scuenta te Cajwaltique.

San Mateo 7:24

Mach'ayuc a te ya ya'iy te c'op ini soc te ya spas te bin ya yal, ha ya jpaj soc jtuhl p'ijil winic te la spas sna ta sba muc'ul ton.

1 Pedro 4:11

Teme ay mach'a ya xc'opoj, hich ac'a c'opojuc te bin ut'il mach'a yac ta yalel te bintic yaloj te Diose; teme ay mach'a ya yac' sba ta a'batinel, ac'a me spas ta scuenta te yip te ya x'a'bot yu'un Dios, scuenta yu'un ta spisil ya xhalot yutsilal Dios ta scuenta te Jesucristo, te ha yu'un te utsilal soc te yu'el scuenta sbahtel q'uinal. Hichuc.

2 Timoteo 2:15

Ayuc bin ut'il lec ac'oblal te c'alal yac atehc'an aba ta stojol Dios, hich te bin ut'il mach'a ya x'a'tej te mayuc bin ya xq'uexaw yu'un, te stojil ya sna' stuhunel te smelelil c'ope.

Colosenses 4:17

Halbeyahic te Arquipo: Ilawil te yacuc ahu'tes te awa'tel la ya'bat te Cajwaltique, xchihanic.

Romanos 12:3

Ta scuenta te bin a'bilon yu'un Dios, ya calbeyex ta apisilic te ma me c'ax hich muc' yac acuy abahic a te bin ut'il ya sc'ane, yich'ojuc me scuentahil te yac ap'is abahic, ha chican hich smuc'ul sch'uhunel awo'tan a'botex yu'un Dios ta jujutuhlex.

Romanos 1:5

Ha ta scuenta te Jesucristo te quich'ojcotic yutsil-o'tanil soc a'tel ta jpuc-c'op scuenta yu'un hich ya sch'uhunic Dios a te mach'atic ayic ta spisil nacionetic, ta scuenta yich'el ta muc' te sbihile.

Hechos 18:27

Te bin ut'il la sc'an ya xc'ax ta Acaya te Apolos, a'bot yip yo'tan yu'un te yermanotac soc la sts'ihbabeyic hun te jnopojeletic tey a te yacuc yiq'uic ta stojolic. C'alal c'oht tey a, bayel la scoltay ta c'op te mach'atic sch'uhunejic ta scuenta yutsil yo'tan Dios,

San Lucas 11:35

Tsahtaya me abahic hiche, ma me sutp'ij ta yihc'al q'uinal te sacal q'uinale.

Eclesiastés 12:9

Te jayeb ay sp'ijil yo'tan te Jp'ijubteswanej, hich la ya'be snop te ants-winiquetique. La ya'iy, la stsahtay yil soc la schahpan bayel tsahbil c'opetic.

Santiago 3:1

Quermanotac, ma me tsoboluquex te yac awa'iyic p'ijubteswanej, como ana'ojic te c'ax tulan xan ya quich'cotic ich'el ta c'op.

1 Timoteo 4:16

Tsahtaya aba soc tsahtaya te bin yac awac' ta nopele; o'tantaya, como teme hich yac apase, hich ya xcolat a soc te mach'atic ya ya'iybat te ac'ope.

Colosenses 1:29

Ha scuentahil te ya x'a'tejon, ya cac' fuersa ta scuenta yu'el stuquel, te tulan yac ta a'tel ta jtojol.

Romanos 15:15

Ay nix banti tulan la jts'ihbayex yu'un ya ca'beyex ana'ic xan a, ta scuenta te bin a'bilon yu'un Dios

San Lucas 21:8

Halbotic yu'un Jesús: Tsahtaya me abahic te manchuc yac awich'ic lo'loyel, como ay tsobol mach'atic ya xtalic ta scuenta jbihil, te hich ya yalic: Ho'on Cristohon, xchihic, soc: Nopolix yorahil, xchihic. Pero ma me xat'unic.

Zacarías 4:9

Te sc'ab Zorobabel ya yotses te yich'o-ip te Na ini, soc ha nix te sc'ab te ya shu'tes. Hich yac ana'ic a te ticombilon yu'un te Jehová te scuentahinej spisil.

2 Crónicas 2:12

Soc hich la yal xan: Bayel me yutsil te Jehová, te Dios yu'un Israel, te la spas te ch'ulchan soc te bahlumilal, soc te la ya'be te ajwalil David jtuhl snich'an te ay sp'ijil yo'tan, te ya sna' soc stsahtayel spisil, te ha ya spas na yu'un te Jehová soc muc'ul na yu'un ajwalil.

Apocalipsis 21:14

Ay lahchayeb yich'o-ip te ts'ahc yu'un te muc'ul pueblo, tey ts'ihbalambil sbihilic a te lahchaytuhl jpuc-c'opetic yu'un te Jcolel Tuminchije.

2 Corintios 10:15

Soc ma ba ya xjelawotcotic ta stoyel jc'oblalcotic yu'un ya'tel yantic. Te bin yacotcotic ta smahliyel, ha te behbe ya yich' xan yip te sch'uhunel awo'tanic, hich ya xmuc'ub ca'telcotic ta awohlilic te ban c'alal p'isbil te ya x'a'tejotcotique.

Proverbios 9:1

Te p'ijil-o'tanil la spas sna, la spasbe huqueb yoyal.

1 Tesalonicenses 3:2

Ha la jticoncotic bahel te quermanotic Timoteo, te a'bat yu'un Dios soc jmohlolcotic ta a'tel yu'un te lec yach'il c'op yu'un Cristo, scuenta yu'un ya ya'beyex yip awo'tanic soc smuc'ul awo'tanic ta sch'uhunel te Diose,

2 Pedro 3:15

Na'ahic me, te bin ut'il te Cajwaltic yac ta smahliyel, ha scuenta colel, hich te bin ut'il te quermanotic Pablo te c'ux ta co'tantic la sts'ihbabeyex ta scuenta sp'ijil yo'tan te a'bibile.

Éxodo 36:4

Ha yu'un spisil te mach'atic ay sp'ijilic te ayic ta a'tel ta ch'ul awilal la squehchanic hilel te ya'telic,

Proverbios 12:8

Te winic ay ta halbeyel yutsil sc'oblal, ha chican te sp'ijil yo'tan, pero ya x'ihlayot te mach'a bohl yo'tane.