1 Corintios 2:5 - Bible in Tzeltal Bachajón

⁵ scuenta yu'un ma ha'uc ta scuenta sp'ijil-c'op winiquetic te ipajem te sch'uhunel awo'tanic, ha ta scuenta yu'el te Diose.

Nuevo Testamento Tzeltal de Amatenango

⁵ Jaꞌ yuꞌun te tutꞌil ay xchꞌuunel awoꞌtanike jaꞌ ta skuenta spoder te Diose y ma jaꞌuk ta skuenta spꞌijil te genteetike.

Bible in Tzeltal de Oxchuc y Tenejapa

⁵ swenta yu'un ma me ja'uc ta swenta sp'ijil sc'op ants-winiquetic te ay xch'uunjel awo'tanique, ja' nax ta swenta yu'el stuquel te Diose.

1 Corintios 2:5 Referans Kwoze

2 Corintios 4:7

Pero quich'ojcotic te c'uhlejalil ini ta vaso pasbil ta ahch'al, scuenta yu'un ya xchicnaj te ha nix yu'un Dios te yutsil yu'el, te ma cu'uncoticuc.

2 Corintios 12:9

Pero la yalbon: Tic'at a yu'un te cu'ele, como tey ya xchicnaj xan a te cu'el te banti mayuc awip, xchi. Ha yu'un tse'el co'tan ya jtoy jba yu'un te mayuc quip, scuenta yu'un ya xchicnaj te yu'el Cristo ta jcuenta.

2 Corintios 6:7

ya xchicnaj ta scuenta te smelelil c'op ya calcotic soc ta scuenta te yu'el Dios, ta scuenta te quich'oj ca'tejibcotic yu'un te bin stojil ta pasel, te ay ta jwa'elcotic soc ta jq'uexamcotic;

1 Corintios 1:17

Como ma ha'uc sticonejon ta yaq'uel ich'-ha' te Cristo, ha sticonejon ta spuquel te lec yach'il c'op, pero ma ha'uc scuenta sp'ijil-c'op ants-winiquetic, scuenta yu'un ma tojoluc ya xc'oht a te cham ta cruz te Cristo.

1 Corintios 3:6

Ho'on la jts'un, te Apolos la ya'be ya'lel, pero Dios la yac' ch'ihyuc.

Hechos 16:14

Ay jtuhl ants te yac ta ya'iyel, Lidia sbihil, talem ta Tiatira, te ya schon chi'in-yaxal pac'; yich'oj ta muc' te Diose. Jambot yo'tan yu'un te Cajwaltic yu'un ya xch'uhun te bin yac yalbel te Pablo.