1 Corintios 2:4 - Bible in Tzeltal Bachajón

⁴ Ma ba la jc'oponex soc ma ba la jcalbe sc'oblal Cristo ta scuenta sp'ijil-c'op ants-winiquetic soc tsaltamba-c'op, pero ha ta scuenta yaq'uel ta ilel te yu'el te Espíritu,

Nuevo Testamento Tzeltal de Amatenango

⁴ Y te kꞌalal la jkꞌoponex y sok te la kalbeyex te skꞌop Diose, ma jaꞌuk a tuun kuꞌun te spꞌijil jkꞌop yuꞌun te ya jtsalex aye. Ma jichuk. Jaꞌ a kaꞌbeyex achꞌuunik ta skuenta te Espíritu y sok ta spoder te Diose.

Bible in Tzeltal de Oxchuc y Tenejapa

⁴ Soc te la jc'oponex te la calbeyex te sc'op Diose, ma la jsujex ta xch'uunel ta swenta p'ijil c'op yu'un te ants-winiquetique. Ja' la cac'beyex ach'uunic ta swenta te Espíritu soc te yu'el te Diose,

1 Corintios 2:4 Referans Kwoze

1 Corintios 4:20

como te cuentahinel yu'un Dios ma ha'uc sc'oblal c'opetic, ha sc'oblal yip ta spasel.

1 Tesalonicenses 1:5

Te lec yach'il c'op te la jcalbeyexcotic, ma ha'uc ta c'op nax te c'oht ta atojolic, ha c'oht soc yu'el soc ya'tel te Ch'ul Espíritu, soc c'oht ta awo'tanic ta mero melel. Ana'ojic bin ut'il ayinotcotic ta awohlilic ta scuenta te c'uxex ta co'tancotique.

1 Corintios 1:17

Como ma ha'uc sticonejon ta yaq'uel ich'-ha' te Cristo, ha sticonejon ta spuquel te lec yach'il c'op, pero ma ha'uc scuenta sp'ijil-c'op ants-winiquetic, scuenta yu'un ma tojoluc ya xc'oht a te cham ta cruz te Cristo.

1 Corintios 2:1

Ha yu'un, quermanotac, te c'alal c'oht calbeyex awa'iyic te bin halbil yu'un Dios, ma ba c'oht cal t'ujbil c'opetic o p'ijil c'opetic,

Romanos 15:19

ta scuenta yip te señahiletic soc jchahp a'teliletic pasbil ta scuenta yu'el te Espíritu yu'un Dios. Hich c'alal Jerusalén soc ta sjoyobal ha to ta sq'uinal Ilírico, spisil la jnojes ta lec yach'il c'op yu'un Cristo.

2 Pedro 1:16

Te c'alal la jca'beyexcotic ana'ic bin ut'il ay sc'oblal te ya xtal te Cajwaltic Jesucristo soc bin ut'il ay sc'oblal te yu'el, ma ba jt'umbeyejcotic nopbil cuentohetic, ho'otcotic nix la jquilcotic ta jsitcotic te smuc'ul yutsilale.

1 Corintios 2:13

Ha ya calbecotic sc'oblal ini, ma ha'uc ta scuenta sp'ijil-c'op ants-winiquetic, pero ha te c'opiletic ya yac' ta nopel te Espíritu, te ha ya ca'becotic snopic te mach'atic ayic ta scuenta te Espíritu.

Colosenses 2:4

Hich ya calbeyex scuenta yu'un mayuc mach'a ya slo'loyex ta scuenta t'ujbil c'opetic te ya xlo'loywane.

2 Pedro 2:18

Ya xc'opojic ta toyba c'op soc tojol c'op, soc ta scuenta te bin chopol ya smulan ch'ich'-baq'uet ya smonic a te mach'atic ma to haluc ahnic loq'uel ta stojol te mach'atic howiyemic.

1 Pedro 1:12

A'bot sna'ic te ma ha'uc ya xc'oht ta scuentahic, ha ya xc'oht ta acuentahic te ha'exe. La yalbeyic sc'oblal te bintic la awa'iyiquix yu'un te mach'atic la yalbeyex te lec yach'il c'op ta scuenta te Ch'ul Espíritu ticombil tal ta ch'ulchan. Ha nix hich te ch'ul a'batetic, yo'tanuc xyilic te bin yac ta halbeyel sc'oblale.

Gálatas 1:10

¿Yu'un bal ya jle te lec jc'oblal yu'un winiquetic, o ha te lec jc'oblal yu'un te Diose? ¿Yu'un bal ha ya jc'an te ayuc yutsil yo'tan winiquetic cu'un? Te ha'uc ya jc'an te ay yutsil yo'tan winiquetic cu'un, yu'un nix ma ya'batucon Cristo abi.

Romanos 16:18

como te mach'atic hich ya spasic, ma ha'uc yac'oj sbahic ta a'batinel yu'un te Cajwaltic Jesucristo, ha nax ya spasic te bin ya sc'an yo'tanic stuquel. Ta scuenta t'ujbil c'opetic soc te bintic lec ta a'iyel ya slo'loybe yo'tanic te mach'atic ma sna'ic stsahtayel.

Hechos 20:27

como ma ba la jmuc ta co'tan te la jcalbeyex spisil bintic schapoj te Diose.

Ezequiel 13:6

Yilojic lotil nahalsitil soc lotil jna'ojel. Hich ya yalic: Hich yaloj te Jehová, xchihic, pero ma ha'uc ticombilic yu'un Jehová. Pero yac smahliybelic te ya xc'oht ta pasel te bin ya yalique.

Proverbios 7:21

La stsal ta scuenta st'ujbil c'op, hu' yu'un smonel ta yutsil sc'op.

Hechos 26:28

Ha yu'un te Agripa la yalbe te Pablo: Jteb xanix yac awa'bon jch'uhun te Cristo, la yut.

Jueces 16:5

Te príncipaletic yu'un te filisteohetic baht yilic te ants, hich la yalbeyic: Lo'loya soc joc'obeya banti ya xtal te bayel yip soc bin ut'il ya xhu' cu'untic stsalel, yu'un ya jchuctic, hich ya x'och ta jc'abcotic. Te jujutulotcotic ya ca'batcotic ho'lajunwinic yoxbahc' (1,100) ta sehp plata, xchihic.

Jueces 14:15

Ta shuquebal c'ahc'al la yalbeyic te yihnam Sansón: Suja ta yalel te amamalal te ac'a yalbotic te suhtib te chuhcul c'ope, teme ma'uque, ya jchic'atcotic soc te mach'atic ay yu'un te atate. ¿Yu'un bal la awic'otcotic tal yu'un yac apojbotcotic te bin ay cu'uncotic? xchihic.

Jeremías 20:10

La jca'iybe sajsaj c'opic tsobolic te hich ya yalic: ¡Ay tulan xiwel ta bayuc! ¡Halbeyahic smul! ¡Ya jlehbetic smul! xchihic. Spisil te mach'atic jun co'tan soc ya smahliyic te ya jc'ohchin te coque. Hich ya yalic: Ya wan xhu' ta lo'loyel, hich ya jtsaltic soc ya jsutbetic spacol, xchihic.

Proverbios 20:19

Te mach'a ya xlehawan ta c'op ya schicnajtes te bin muquen ay, ha yu'un ma me xajoquin te mach'a bayel ya xc'opoj.

Romanos 15:13

Te Dios yu'un smuc'ul-o'tanil ac'a snojesbeyex awo'tanic ta tse'el-o'tanil soc lamal-o'tanil ta scuenta te bin ach'uhunejic, scuenta yu'un ay bayel smuc'ul awo'tanic ta scuenta yu'el te Ch'ul Espíritu.

2 Corintios 6:6

ya xchicnaj ta scuenta te lecubtesbil jcuxlejalcotic, te ay bin na'bil cu'uncotic, te cuhchem cu'uncotic, te ay yutsil co'tancotic, te ay Ch'ul Espíritu ta co'tancotic, ay sc'uxul co'tancotic ta melel;