1 Corintios 13:4 - Bible in Tzeltal Bachajón

⁴ Te c'uxul-o'tanil spisil ya xcuhch yu'un, bayel yutsil yo'tan; mayuc sbic'tal yo'tan, ma stoy sba;

Nuevo Testamento Tzeltal de Amatenango

⁴ Te xkꞌuxul-oꞌtanile ya snaꞌ tutꞌ ya xkujch yuꞌun. Bayal slekil yoꞌtan sok maꞌyuk il-oꞌtan. Ni makꞌ yakꞌ sba ta akꞌel ta jkuenta, ni makꞌ stoy sba,

Bible in Tzeltal de Oxchuc y Tenejapa

⁴ Te mach'a ay xc'uxul yo'tane, spisil ya xcujch' yu'un, soc ay yutsil yo'tan, soc ma spas jex-o'tanil. Ma xyac' sba ta ich'el ta muc', soc ma stoy sba.

1 Corintios 13:4 Referans Kwoze

1 Pedro 4:8

Ha tulan sc'oblal te talel c'axel c'ux xawa'iy abahic ta mero melel, como te c'uxul-o'tanil ya stup'be sc'oblal bayel muliletic.

Efesios 4:32

Talel c'axel xawa'be aba awil yutsil awo'tanic soc c'uxultaywanej, talel c'axel xapasbe abahic perdón, hich te bin ut'il Dios la spasbeyex perdón ta scuenta Cristo.

Colosenses 3:12

Ha yu'un, ha'ex te tsahbilex yu'un Dios, te ch'ultesbilex soc c'uxultaybilex, lapahic te c'uxultaywanej, lequil-o'tanil, peq'uel-o'tanil, manso-o'tanil, soc ac'a cuhchuc awu'unic.

Proverbios 10:12

Te il-o'tanil ya shach c'op, yan te c'uxul-o'tanil ya stup'be sc'oblal spisil bintic ma lecuc.

1 Juan 4:11

Ha'ex te c'uxex ta co'tan, teme hich la sc'uxultayotic te Diose, ya sc'an te ha nix hich talel c'axel c'ux ya ca'iy jbahtique.

Proverbios 17:9

Te mach'a ya slajintay te bin chopol halbot, yac ta slehel bin ut'il ya sc'uxultay sbahic, yan te mach'a ya spuc bahel ta halel, ya yac' ya spit sbahic te mach'atic c'ux ya ya'iy sbahique.

1 Pedro 3:8

Ta scuenta slajibal, junuc me awo'tan abahic ta apisilic, na'a yo'bolil abahic, c'ux me xawa'iy abahic te bin ut'il awermano abahic, a'iyahic c'uxultaywanej soc peq'uel me xawac' abahic.

1 Tesalonicenses 5:14

Soc ya calbeyexcotic wocol, quermanotac, tsitsahic te mach'atic ch'ajic, a'beyahic smuc'ul yo'tanic te mach'atic mayuc yip yo'tanic, coltayahic te mach'atic mayuc yipic, soc cuhchuc me awu'unic spisilic.

2 Pedro 1:7

teme la ach'uhunic ta lec, ya sc'an te jun awo'tanic soc awermanotac; teme jun awo'tanic soc awermanotac, ya sc'an te ay sc'uxul awo'tanic.

Efesios 4:2

Peq'ueluc me xawac' abahic, lamaluc me awo'tanic, talel c'axel cuhchuc awu'unic ta scuenta sc'uxul awo'tanic,

2 Corintios 6:6

ya xchicnaj ta scuenta te lecubtesbil jcuxlejalcotic, te ay bin na'bil cu'uncotic, te cuhchem cu'uncotic, te ay yutsil co'tancotic, te ay Ch'ul Espíritu ta co'tancotic, ay sc'uxul co'tancotic ta melel;

Proverbios 19:22

Te bin ya sc'an ta stojol te winique, ha te stalel jun yo'tan ta stojol yantic; ha lec xan te pobre te bin ut'il mach'a ya ya'iy lot.

Colosenses 1:11

Behbehuc ac'a yich' yip awo'tanic ta scuenta spisil yu'el, ha chican bin ut'il ay te yu'el te ay yutsilal, scuenta yu'un ay yip awo'tanic te ya xcuhch awu'unic spisil,

Gálatas 5:26

Ma me jtoy jbahtic, ma me cuts'in jbahtic soc ma me talel c'axeluc ya jti'ti'o'tantay jbahtic.

1 Corintios 4:6

Quermanotac, ta scuenta sc'uxulex ta co'tan hich la jta ta halel bin u'til ayon soc te Apolos, scuenta yu'un hich yac anopic ta jcuentacotic te ma me xjelawex ta bin ts'ihbabil, te mayuc mach'a muc' xan ya xc'oht sc'oblal awu'unic a te bin ut'il sc'oblal te yane,

2 Timoteo 4:2

hala te sc'op Dios, a'telina spasel ta yorahil o teme ma yorahiluc. A'iya comaw, coma soc tsitsa ta scuenta lamal awo'tan soc ta scuenta nohptesel;

2 Timoteo 3:10

Yan te ha'ate at'unoj te nohptesel cu'un, te bin yilel jtalel, te bin jnopoj ya jpas, te sch'uhunel co'tan, te sc'uxul co'tan, te ya xcuhch cu'un spisil,

Proverbios 31:26

Ay sp'ijil yo'tan ya xc'opoj, soc yutsil yo'tan ya xnohpteswan.

Proverbios 31:20

Ya sjam sc'ab ta stojol te pobre, ya shach sc'ab ta stojol te mach'atic mayuc bin ay yu'unic.

Proverbios 17:14

Te shachel c'op hich c'ohem te bin ut'il ya yich' malel loq'uel ha' ta yawil; ha yu'un ihquitaya te hach-c'op te ma to ba schucoj sba a.

Nehemías 9:17

Ma ba la sc'an la ya'iyic soc ma ba la sna'ic te jchahp a'teliletic te la apasticlan ta yohlilic. Tulan la yac' sbahic, soc ta scuenta stoybahilic la snopic ya yotsesic mach'a ya yic'ticlan suhtel ta mosohil. Pero te ha'at Diosat te yac apas perdón, lec awo'tan soc sts'ujet awo'tan, ma orahuc ya x'ilinat, soc muc' te sc'uxul awo'tan, ha yu'un te ma ba la apihteslan.

1 Pedro 2:1

Ha yu'un jc'axel me ac'a hiluc awu'unic spisil bintic chopol, lo'loyel, chebal-o'tanil, ti'ti'o'tantaywanej, soc spisil lehaw ta c'op.

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

1 Corintios 3:3

como ayex to ta scuenta ch'ich'-baq'uet. Te bin ut'il ay ta awohlilic xut'et-o'tanil soc hach-c'op ¿ma bal ayuquex ta scuenta ch'ich'-baq'uet soc te hich ayex te bin ut'il yantic winiquetic?

Hechos 7:9

Te tatiletic, ta scuenta sbic'tal yo'tanic, la schonic bahel ta Egipto te José; pero ha joquimbil yu'un Dios,

Eclesiastés 10:4

Teme ya x'ilin ta atojol te ajwalil, ma me xawihquitay te alugare; como te lamal-o'tanil ya slajin te bintic muc' te ma stojiluque.

Proverbios 13:10

Ya shach c'op te toybahil, pero te p'ijil-o'tanil ay ta stojol te mach'atic ya sch'uhunic tojobtesel.

Salmos 10:5

Spisil ora lec ya xloc' te bin ya spas; namal ya yil te chahpanel awu'un; ya slaban spisil te scontrataque.

2 Timoteo 2:25

Soc yutsil yo'tan ya stojobtes mach'atic ya scontrahinic, yu'un ayuc bin ut'il ya sutesbot yo'tanic yu'un Dios yu'un hich ya xhu' ya sna'beyic scuentahil te smelelil c'op,

1 Timoteo 6:4

ha stoyoj sba soc mayuc bin ya sna', ha nax ay ta yo'tan shachel c'op soc tentamba-c'op te ya yac' hahchuc bic'tal-o'tanil, tsaltamba-c'op, bohlc'op, te chopol ya yil yan,

1 Corintios 8:1

Te bin ut'il ay sc'oblal te milbil mahtaniletic ac'bilic ta stojol loc'ombahetic, jna'ojtic te jpisiltic bayel na'bil cu'untic. Te bin na'bil ya yac' toybahil, yan te c'uxul-o'tanil ya xmuc'ubteswan.

Romanos 1:29

Nojel ta yo'tanic spisil ta chahp te bintic ma stojiluc ta pasel, te bin chopol, bic'tal-o'tanil, bohlobel, nojel ta ti'ti'o'tantaywanej, milaw, hach-c'op, lo'loywanej, le-mulil;

Génesis 37:11

Te sbanquiltac ti'ti'o'tantayot yu'un, yan te stat la sna'ulan ta yo'tan.

Santiago 4:5

O ¿ya bal acuyic te tojol hich ya yal te Shun Dios: Te espíritu te la yac' ayinuc ta co'tantic, ha bayel xut'et yo'tan, te xchihe?

1 Corintios 4:18

Ay mach'atic te stoyoj sbahic, yu'un scuyojic te ma ba ya xtal quilex.

Romanos 13:13

Lecuc me ac'a ayinucotic ta q'uinal, hich te bin ut'il ya sc'an ta c'ahc'alel; ma me ha'uc ya xbaht ta co'tantic puro we'el soc yacubel, ma me xca'iytic antsiwej soc ma me xawac' abahic ta antsinel, ma me xca'iytic chijil-o'tanil, ma me xca'iytic hach-c'op soc ti'ti'o'tantaywanej.

Colosenses 2:18

Ma me xawac' spojbeyex te premio awu'unic te mach'a sp'isoj sba te peq'uel ay soc te ya sch'uhuntay ch'ul a'batetique. Ha ya slom ta halel te bin ma ba yiloj, tojol ya stoy sba yu'un te bin snopoj ta scuenta ch'ich'-baq'uet;

Filipenses 1:15

Melel ay nix mach'atic te ya spucbeyic sc'oblal Cristo ta scuenta il-o'tantaywanej soc ta scuenta tsaltamba; pero ay yantic te ya spasic soc sc'anojel yo'tanic.

2 Corintios 12:20

Ya jxi' te c'alal ya xc'ohon ma hichuc ya jtahex te bin ut'il ya jc'an, soc ma hichuc yac atahonic te bin ut'il yac ac'anique. Ya jxi' te ay wan c'op ta awohlilic, o il-o'tantaywanej, ilimba, jatamba, hach-c'op, le-c'op, toybahil soc ma ba ich'apastay.

1 Corintios 5:2

Soc te ha'exe atoyoj abahic yu'un. ¿Ma bal ha'uc ya sc'an te lajuc amel awo'tanic yu'un soc te lajuc aloq'uesic ta awohlilic te winic te hich la spase?

San Mateo 27:18

Como sna'oj te ta scaj yil-o'tantaybelic te la yaq'uic ta c'abal.

Génesis 30:1

C'alal la yil te Raquel te ma ba ya yayintesbe snich'an te Jacob, hahch sti'ti'o'tantay te swix, hich la yalbe te Jacob: A'bon calatac, teme ma'uque, ya xchamon, la yut.