1 Corintios 12:2 - Bible in Tzeltal Bachajón

² Yac ana'ic te c'alal ma to ach'uhunejic Dios a, ic'otex bahel ta howiyel ta banti ay uma' loc'ombahetic.

Nuevo Testamento Tzeltal de Amatenango

² Te jaꞌexe anaꞌojik te kꞌalal ma to achꞌuunejikuk a te Diose, jun awoꞌtanik likbilex te chꞌayemex bael te ba ay te lotil diosetik te makꞌ xlaj kꞌopoje.

Bible in Tzeltal de Oxchuc y Tenejapa

² Te ja'exe, ya ana'ic stojol te bit'il ayex a te c'alal ma to ach'uunejic a te Diose. Jun nax awo'tanic la awac' abaic ta jowil alajinbel abaic ta stojol te loc'ombaetic te ma xc'opojique.

1 Corintios 12:2 Referans Kwoze

1 Pedro 4:3

Tic'uquix a te yorahil te c'axix awu'unic ta spasel te bin ya smulanic spasel te mach'atic ma ba ya sna'be sba te Diose, ha te ma q'uexlalil, chijil-o'tanil, yacubel, pas-q'uin, yac'oltayel q'uinal, soc sch'uhuntayel lotil diosetic te ihlaybilique.

1 Tesalonicenses 1:9

Ha'ic nix ya yalic bin ut'il la awic'otcotic ta atojolic, soc bin ut'il la awihquitayic hilel te loc'ombahetic yu'un yac awac' abahic ta a'batinel yu'un te Dios te cuxul soc te melel ay,

Salmos 115:5

Ay yehic, pero ma xc'opojic; ay sitic, pero ma xyilic q'uinal;

Gálatas 4:8

Ta nahil to, te c'alal ma ba la ana'beyic sba te Diose, ayex ta mosohil yu'un bintic ma ha'uc diosetic.

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

Jeremías 10:5

Te loc'ombahetic yu'unic ma xc'opojic hich te bin ut'il xutax ta banti ts'umbil melón; ya x'ich'otic bahel yu'un ma xhu' ya xbehenic. Ma me xaxi'ic, mayuc bin chopol soc mayuc bin lec ya xhu' ya spasic, xchi te Jehová.

1 Pedro 1:18

como ana'ojic te ma ha'uc ta scuenta bin ya xlaj, hich te bin ut'il oro o plata, te mambilex loq'uel tal ta apoco' talelic te mayuc scuentahil, te awich'ojic yu'un te ame'atatique,

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

San Mateo 15:14

Ac'a yil sbahic; ha'ic ts'o'sitetic te yac stojobtesbelic ts'o'sitetic; teme ts'o'sit nix te ya stojobtes ts'o'sit, pajal me ya xch'ayic cohel ta ch'en soc, xchi.

Isaías 46:7

Ya sq'uechic bahel, ya yaq'uic ta yawil; tey ya xhil a, ma stij sba ta yawil. Aunque ya yawtayic, ma ba ya sjac', ma ba ya scoltaylan loq'uel ta swocolic.

Salmos 135:16

Ay yehic, pero ma xc'opojic; ay sitic, pero ma x'ilawanic;

Salmos 115:7

ay sc'abic, pero mayuc bin ya stsaquic; ay yoquic, pero ma xbehenic; soc ma xc'opojic ta snuq'uic.