1 Corintios 1:8 - Bible in Tzeltal Bachajón

⁸ ha te mach'a ya ya'beyex yip awo'tanic yalel c'alal ta slajibal ora, scuenta yu'un hich mayuc amulic ya xtahbotex c'alal ya xtal te Cajwaltic Jesucristo.

Nuevo Testamento Tzeltal de Amatenango

⁸ Dios me ya yaꞌbeyex spuersa awoꞌtanik jaꞌ to kꞌalal ta slajibal kꞌaal. Jich ma me ayuk amulik te kꞌalal ya sujt tal te Kajwaltik Jesucristoe.

Bible in Tzeltal de Oxchuc y Tenejapa

⁸ Ja' me ya yac'beyex yip awo'tanic, ja' to c'alal ta slajibal c'aal. Jich me ma'yuc amulic ya xjul staex te Cajwaltic Jesucristoe.

1 Corintios 1:8 Referans Kwoze

1 Tesalonicenses 3:13

Te Cajwaltic ac'a ya'beyex yip awo'tanic scuenta yu'un hich mayuc amulic a soc ch'ultesbilex ya xc'ohex ta stojol te Jtatic Dios te c'alal ya xtal te Cajwaltic Jesucristo soc spisil te mach'atic yu'un te ch'ultesbilique.

Colosenses 1:22

pero ta ora ini, la scha'lecubtesbeyex awo'tanic soc ta scuenta te sbaq'uetal Cristo te laje, scuenta yu'un ch'ultesbilex soc mayuc banti jihnem awu'unic soc mayuc bin quechel ta acuentahic a ya stehc'anex ta stojol.

Filipenses 1:6

Sch'uhunej co'tan te mach'a la shach te lequil a'tel ta atojolic, ya me shu'tes bahel ha to c'alal ya sta sc'ahc'alel yu'un te Jesucristo.

2 Tesalonicenses 3:3

Pero stalel jun yo'tan ta jtojoltic te Cajwaltic, ya me ya'beyex yip awo'tanic soc ya me scanantayex yu'un te bin chopole.

Efesios 5:27

scuenta yu'un ya stehc'an te iglesia ta stojol, ha jun iglesia te ay yutsilal, te mayuc yabaquil, mayuc bin jihnem o yan bin ma lecuc, ha ch'ultesbil soc mayuc bin chopol ay ta stojol.

Romanos 16:25

Te mach'a ya xhu' ya ya'beyex yip awo'tanic ta scuenta te lec yach'il c'op cu'un soc ta scuenta halbeyel sc'oblal te Jesucristo, ta scuenta te ac'bil ta na'el te bin muquen ay c'alal ta sbahtel q'uinal,

1 Pedro 5:10

Pero te Dios te ay bayel yutsil yo'tan, te ha ta scuenta Jesucristo la yic'otic ta utsilal yu'un te sbahtel q'uinal ay, te c'alal c'axix awocolic cheb oxeb c'ahc'al, ha ni me ya slecubtesex, ya ya'beyex awipic, ya ya'beyex yip awo'tanic soc te jun awo'tanic.

Filipenses 1:10

scuenta yu'un hich yac atsahic a te bin lec, scuenta yu'un mayuc awa'baquilic soc mayuc bin quechel ta acuentahic a ta yorahil sc'ahc'alel te Cristo,

2 Pedro 3:14

Ha yu'un, quermanotac te c'uxex ta co'tan, te bin ut'il yaquex ta smahliyel ini, o'tantayahic me te hichuc ya stahex a te Dios te mayuc awa'baquilic soc mayuc bin ya stijex ta c'op yu'un, soc te lamaluc q'uinal soc.

Romanos 14:4

¿Mach'a yac acuy aba a te yac awalbe smul te ya'bat te yane? Ha chican stuquel te yajwal teme lec ya yil o teme ma lecuc ya yil te ya'bate. Lec ya xc'oht, como ay yu'el te Cajwaltic te ya yac' te lec ya xc'oht yu'une.

Salmos 37:28

como te Jehová c'ux ta yo'tan te bin stojil ta pasel, soc ma ba ya spihtes te mach'atic jun yo'tanic ta stojol. Spisil ora ya yich'ic canantayel, yan te sts'umbal te mach'atic chopol yo'tanic ya yich'ic lajinel.

2 Pedro 3:10

Pero te c'alal ya xtal te Cajwaltic hich ya xtal te bin ut'il j'elec' ta ahc'abal. Ta hich ora ya xch'ay bahel te ch'ulchan soc tulan c'op, spisil bintic pasbil ya xlaj ta c'ahc', soc te bahlumilal soc spisil te bintic pasticlambil tey a ya me xlajic ta chiq'uel.

2 Corintios 1:21

Ha nix te Dios te ya yac' te ay yip co'tantic ta stojol Cristo, ho'otcotic soc ha'ex, soc te parte la yac'otic,

Salmos 37:17

como ya yich'ic wac'beyel sc'abic te mach'atic chopol yo'tanic, pero te Jehová ya scanantay te mach'atic toj yo'tanique.

2 Corintios 1:14

hich te bin ut'il ana'ojiquix jtebuc, scuenta yu'un ta sc'ahc'alel te Cajwaltic Jesús ya xhu' ya xtohy q'uinal awa'iyic ta jcuentacotic hich te bin ut'il ya xtohy q'uinal ca'iycotic ta acuentahique.

1 Corintios 5:5

ac'a yich' aq'uel ta sc'ab Satanás te winic scuenta yu'un ya xc'ax swocol ta sbaq'uetal, scuenta yu'un hich ya xcol sch'uhlel a te c'alal ya xtal te Cajwaltic Jesús.

San Lucas 17:24

como hich te bin ut'il xliplujet ya xtihl tsantsehwal ta sti'il ch'ulchan c'alal ta yan sti'il, hich ya xc'oht te bin ora ya xtal te Nich'anil ay ta scuenta winic.

San Lucas 17:30

Ha nix hich te bin c'ahc'alil ya xchicnaj tal te Nich'anil ay ta scuenta winic.

Romanos 8:19

como spisil te bintic pasticlambil c'ax lec yo'tan yac smahliybel ya xchicnajtesot te al-nich'aniletic yu'un Dios.

1 Corintios 3:13

ya me xchicnaj bin yilel ya'tel ta jujutuhl, como ya me xchicnaj ta yorahil, ta scuenta c'ahc' ya xchicnaj; ya me yich' tsajel ta c'ahc' te ya'tel jujutuhl.

2 Corintios 1:13

Mayuc yan bin ya jts'ihbabeyex, ha nax te bin ya xhu' yac awilic ta hun soc te yac ana'beyic scuentahil; soc co'tanuc te ya xc'oht ta awo'tanic spisil,

Colosenses 2:7

c'uhbenuc ochel alohp'ic, soc ts'ahcubiluquex hahchel ta stojol soc yich'ojuc yip te sch'uhunel awo'tanic, hich te bin ut'il a'bilex anopic, soc bayeluc xawalbeyic wocol.

1 Tesalonicenses 5:2

como ana'ojic ta lec te sc'ahc'alel te Cajwaltic hich ya xtal te bin ut'il j'elec' ta ahc'abal.

2 Tesalonicenses 2:2

te ma me xyanij ta ora te snopojibal awu'unic soc ma me xiw awo'tanic yu'un sc'op-jalwanej o yan c'op o carta te sjel ta cu'uncotic te ya yal te c'ohtix sc'ahc'alel te Cajwaltique.

2 Timoteo 1:12

soc ha scuentahil te yac ta c'axel jwocol yu'une. Pero ma xq'uexawon, como jna'oj Mach'a a te jch'uhunej, soc sch'uhunej co'tan te ay yu'el ta scanantayel te bin ca'beyej scanantaybon ha to c'alal ya sta sc'ahc'alel.

2 Timoteo 1:18

Ac'a me yich' c'uxultayel yu'un te Cajwaltic te c'alal ya sta yorahil ya xtale. Soc ana'oj ta lec bin ut'il bayel la scoltayotic ta Éfeso.