1 Corintios 1:6 - Bible in Tzeltal Bachajón

⁶ hich smuc'ul awich'ojic te bin ut'il ban c'alal yich'oj yip ta awo'tanic te testigo-c'op sc'oblal te Cristo,

Nuevo Testamento Tzeltal de Amatenango

⁶ Komo kꞌoemix ta awoꞌtanik te tutꞌ la awaꞌibeyik skꞌoplal te Cristoe.

Bible in Tzeltal de Oxchuc y Tenejapa

⁶ Jich la ataic lec yip awo'tanic yu'un la awaiyic stojol te sc'oplal Cristoe.

1 Corintios 1:6 Referans Kwoze

Apocalipsis 1:2

te la yal ta testigo-c'op te sc'op Dios soc te bin la yal ta testigo-c'op te Jesucristo, ta spisil te bintic yiloje.

2 Timoteo 1:8

Ha yu'un ma me xq'uexawat ta yalel ta testigo c'op te sc'oblal Cajwaltic, soc ma me xq'uexawat cu'un te bin ut'il ayon ta chuquel ta scuenta, pero ta scuenta te yu'el Dios joquinawon ta sc'asesel wocol ta scuenta te lec yach'il c'ope.

1 Timoteo 2:6

te la yac' sba ta lajel yu'un smambeyel scolel spisilic, ha te la yich' halel ta testigo c'op te c'alal la sta yorahil.

Apocalipsis 19:10

La jpahcan jba ta ye'tal yoc yu'un ya jch'uhuntay, pero la yalbon: ¡Ma me hichuc xapas! Pajal ayotic ta a'batinel soc nix te awermanotac te ay ta yo'tanic te testigo-c'op yu'un te Jesús. Ch'uhuntaya te Diose, xchi. (Te testigo-c'op yu'un Jesús ha te espíritu yu'un te sc'op-jalwanej.)

2 Corintios 12:12

Te bintic ya yaq'uic ta na'el te ha jpuc-c'op, ha te señahiletic, yutsil a'teliletic soc jchahp a'teliletic, bayel buelta la yich'ic pasel ta awohlilic.

Romanos 15:19

ta scuenta yip te señahiletic soc jchahp a'teliletic pasbil ta scuenta yu'el te Espíritu yu'un Dios. Hich c'alal Jerusalén soc ta sjoyobal ha to ta sq'uinal Ilírico, spisil la jnojes ta lec yach'il c'op yu'un Cristo.

Hechos 20:24

Pero mayuc sc'oblal ta co'tan te jcuxlejal, ha nax ay sc'oblal te yacuc xhu' cu'un slajinel soc yutsil co'tan te ahnimal soc te ca'tel quich'oj yu'un te Cajwaltic Jesús, ha te yalbeyel sc'oblal te lec yach'il c'op yu'un te yutsil yo'tan te Diose.

Apocalipsis 12:17

Te dragón bayel ilin yu'un ta stojol te antse, hich baht ya'be guerra te jayeb xan sts'umbal te antse, ha te mach'atic ya sch'uhumbeyic te smandar Dios soc te yich'ojic te testigo-c'op yu'un te Jesucristo.

2 Tesalonicenses 1:10

c'alal ya sta sc'ahc'alel te ya xtal yu'un ya xhalbot yutsil sc'oblal ta scuenta te mach'atic yu'un te ch'uhltesbilic soc ya x'ich'ot ta muc' yu'un spisil te mach'atic sch'uhunejic. Te ha'ex la ach'uhunic te bin la jcalcotic ta testigo c'op ta awohlilique.

Gálatas 3:5

Te mach'a ya ya'beyex te Espíritu soc te ya spas jchahp a'teliletic ta awohlilic, ¿ha bal ya spas ta scuenta spasel te bin ya yal te Ley o ta scuenta sch'uhunel te bin yac awa'iyique?

Hechos 28:23

Ha yu'un la schapic bin c'ahc'alil ya xtal ya'iyic, hich tsobolic talic ta ban nahin te Pablo. Hahch ta sab c'alal ta tibiltic te Pablo, jamal la yalbe soc la yal ta testigo-c'op sc'oblal te cuentahinel yu'un Dios; la ya'be sna'ic bin ut'il ay te Jesús, hich la spas ta scuenta te Ley yu'un Moisés soc ta scuenta te jalwanejetique.

Hechos 23:11

Ta ahc'abal te Cajwaltic la stehc'an sba ta stojol te Pablo, hich la yalbe: Ayuc me smuc'ul awo'tan, Pablo. Hich te bin ut'il la awalbon jc'oblal ta Jerusalén, ha nix hich ya sc'an yac awal ta Roma, xchi.

Hechos 22:18

La jquil te Cajwaltic, hich la yalbon: Suja aba, loc'an ta ora ta Jerusalén, yu'un ma ba ya yich'ic ta cuenta te testigo-c'op te yac awalbon jc'oblal, xchi.

Hechos 20:21

Jamal la jcalbe ya'iyic judíohetic soc jyanlumetic bin ut'il ya sc'an ya suhtes yo'tanic ta stojol Dios soc bin ut'il ya sc'an ya sch'uhunic te Cajwaltic Jesucristo.

Hechos 18:5

C'alal hulic te Silas soc Timoteo te talic ta Macedonia, ya'telinej yalel sc'op Dios a hul stahic te Pablo, yac yalbebel te judíohetic te ha Cristo te Jesús.

San Marcos 16:20

Hich te jnopojeletic loq'uic bahel ta spuquel ta bayuc te lec yach'il c'op, soc te Cajwaltic yac scoltaybel soc yac yac'bel ta na'el te ha smelelil te sc'op, ta scuenta te señahetic te joquimbilic yu'un. Hichuc.

Apocalipsis 12:11

Ha'ic la stsalic ta scuenta sch'ich'el te Jcolel Tuminchij soc ta scuenta te testigo-c'op la yalique. La sloq'ues sbahic ta yo'tanic, ma ba la xi'ic lajel.

Apocalipsis 6:9

C'alal la sjam te yo'ebal sello, la jquil ayic ta ye'tal te scajtajib ta chiq'uel mahtanil te sch'uhlelic mach'atic la yich'ic milel ta scuenta te sc'op Dios soc te testigo-c'op la yalique.

Apocalipsis 1:9

Ho'on te Juan, awermanohon soc jmohlol jbahtic ta wocol, ta cuentahinel yu'un Dios soc te jun co'tantic yacotic ta smahliyel ta scuenta Jesús; ayon ta Patmos sbihil te tut q'uinal ay ta yohlil mar, ta scaj te sc'op Dios soc te testigo-c'op yu'un te Jesucristo.

Hechos 11:21

Joquimbilic yu'un te yu'el Cajwaltic, tsobol mach'atic la sch'uhunic soc la suhtes yo'tanic ta stojol te Cajwaltique.

Hechos 11:17

Ha yu'un teme ha nix Dios te hich la yac'ticlambe te mahtanil te bin ut'il te ho'otic te jch'uhunejtic te Cajwaltic Jesucristo, ¿mach'ahon a te ya jcom te Diose? xchi te Pedro.