1 Corintios 1:12 - Bible in Tzeltal Bachajón

¹² Ay laj hich yac awalic: Ho'on jt'unoj te Pablo; o: Ho'on jt'unoj te Apolos; o: Ho'on jt'unoj te Cefas; o: Ho'on jt'unoj te Cristo, ay laj xchihex.

Nuevo Testamento Tzeltal de Amatenango

¹² Jaꞌ te ay jtul-chebex te ya awalik: “Joꞌon ayon ta skuenta jPablo”, yan ya yal: “Joꞌon ayon ta skuenta Apolos”, yan ya yal: “Ayon ta skuenta jPedro”, yan ya yal: “Joꞌon ayon ta skuenta Cristo”, xchaex.

Bible in Tzeltal de Oxchuc y Tenejapa

¹² Ja' ya calbeyex ta jamal te ay jich ya awalic juju-jtul te ja'exe: “Jo'on ayon ta swenta Pablo”. “Jo'on ayon ta swenta Apolos”. “Jo'on ayon ta swenta Pedro”. “Jo'on ayon ta swenta Cristo”, te xaexe.

1 Corintios 1:12 Referans Kwoze

San Juan 1:42

Hich la yic' tal ta stojol Jesús. C'alal ilot yu'un te Jesús, hich halbot: Ha'at Simón, snich'anat Jonás, Cefas ya xc'oht abihil, xchi sc'oblal. (Ha Pedro, xchi c'ohem.)

Gálatas 3:17

Ha yu'un ya cal ini: Te Ley te tal jbahc' soc lajuneb scha'winic (430) ha'bil ta patil ma xhu' ya slajimbe sc'oblal te chapbil-c'op nahil schapoj te Dios, te hich ya slajin bin yaloj te Diose;

Gálatas 2:9

Te Jacobo, Cefas soc te Juan, te ich'bilic ta cuenta te ha yoyal te iglesia, c'alal la yilic te a'tel te a'bibilon, la ya'botcotic swa'el-c'abic ho'on soc te Bernabé scuenta seña te jmohlol jbahtic ta a'tel, scuenta yu'un ho'otcotic ya xbohotcotic ta stojol te jyanlumetic, yan stuquelic ya xbahtic ta stojol te mach'atic yich'ojic circuncisión.

2 Corintios 9:6

Na'ahic ini: Te mach'a jteb nax bin ya sts'un, jteb nax bin ya stsob, soc te mach'a bayel bin ya sts'un, bayel bin ya stsob.

1 Corintios 16:12

Yan te quermanotic Apolos la jcalbe bayel wocol te yacuc xtal yilex soc te yantic quermanotactic, pero ma ba la sc'an ya xbaht ta ora; ha ya xbaht te bin ora ya xhu' yu'une.

1 Corintios 15:50

Pero ya calbeyex, quermanotac, te ch'ich'-baq'uet ma xhu' ya x'a'bot yich' te cuentahinel yu'un Dios, soc te bin scuenta c'a'el ma xhu' ya x'a'bot yich' te bin ma xc'a'e.

1 Corintios 15:5

la yac' sba ta ilel yu'un te Cefas, patil la yac' sba ta ilel yu'un te lahchaytuhl.

1 Corintios 9:5

¿Yu'un bal ma xpas te ya quic'cotic ta behel quihnamcotic te sch'uhunejic Cajwaltic, hich te bin ut'il ya spasic te yantic jpuc-c'opetic soc te yihts'inab te Cajwaltic soc te Cefas?

1 Corintios 7:29

Quermanotac, ya calbeyex ini: Com xanix yoarhil. Te mach'atic ay yihnamic, ac'a sp'is sbahic te mayuc yihnamic;

1 Corintios 4:6

Quermanotac, ta scuenta sc'uxulex ta co'tan hich la jta ta halel bin u'til ayon soc te Apolos, scuenta yu'un hich yac anopic ta jcuentacotic te ma me xjelawex ta bin ts'ihbabil, te mayuc mach'a muc' xan ya xc'oht sc'oblal awu'unic a te bin ut'il sc'oblal te yane,

Hechos 18:24

Ay c'oht ta Éfeso jtuhl judío-winic, Apolos sbihil, ha slumal te Alejandría, ya sna' c'op ta lec soc ya sna' ta lec te Shun Diose.

San Mateo 23:8

Yan te ha'exe ma me xawac' abahic ta cuyel ta rabí, como jtuhl nax te Maestro awu'unic, soc awermano abahic ta apisilic.

Hechos 19:1

C'alal ay ta Corinto a te Apolos, te Pablo la yocliy bahel te ahc'ol q'uinal, tal ta Éfeso. Ay jnopojeletic la sta tey a,

1 Corintios 1:11

como te mach'atic ayic yu'un Cloé la yalbonic te ay hahchem c'op awu'unic, quermanotac.

2 Corintios 10:7

Te ha'axe ha nax yac awilic te bin chican ta ilel ta asitic. Teme ay mach'a ya yal sba te ha yu'un Cristo, ac'a me sna' te ha nix hich te ho'otcotic yu'unotcotic te Cristo.

1 Reyes 16:21

Ha yu'un te pueblo Israel cha'chahp la yac' sbahic. Jchahp la yac' sba ta scuenta Tibni snich'an Ginat yu'un ya yotsesic ta ajwalil; te jchahp xan la yac' sbahic ta scuenta Omri.