ZEFANYA 3:9 - Susula Malalaok Hehelu Palak Ma Hehelu Beuk

⁹ Tehu basa boema, Au tao asafali leoina sila-la dalen-nala, nalosa ala sene-do'ok ka'da neu Au mesang-nga, te ta neu lamatua daebafa fe'ek-kala fa. Neukose, basa leoina sila-la, ala tunga Au.

ZEFANYA 3:9 Referans Kwoze

KEJADIAN 11:1

Makasososan-na, basa leoina manai daebafak-ka, lanuu ka'da dede'ak esa, ma kokolan-nala matak esa.

YESAYA 19:18

Nai lelek ndia, kota lima lai Masir, ala pake dede'a Ibrani. Hataholi manai naa-la, ala soo-supa lenik Manetualain Fo Manakoasan-na'den-na. Kota esa neme kota ka limak sila-la, neukose nanafoik na'de “Kota Le'do”.

MAZMUR 22:27

Neukose hataholi nuu-taa hata-taak-ka, na'a losa nakabete; hataholi fo ana mai leo Manetualain mai, neukose ana koa-kion. Sa'di leo been-na, emi tetu-temak losa dodoon-na!

ZAKHARIA 2:11

Nai lelek ndia, neukose leoina makadotok, ala mai leo Au mai, fo ala da'di Au anang. Neukose, Ana leo nai emi tala'daheom, ma neukose emi bubuluk, mae Manetualain haitua basa au leo emi neu so.

HABAKUK 2:14

Tehu sama leo oe henu tasi-a, leondiak boe daebafak-ka, neukose henuk no malelak la'eneu Manetualain, ma koasan-na.

EFESUS 4:29

Metema emi kokolak soona, boso kokolak dede'a manggenggeok. Pake ka'da dede'a-kokolak fo nini nanoli-nafa'dak fe hataholi fe'ek. Dede'a-kokolak leondia ka, neukose nini malole fe hataholi mana mamanene nana.

MATEOS 12:35

Hataholi malole a, ana kokolak dede'a malole, nanahu dale na henuk no malole a. Nasafali na, hataholi mangalau ka, ana kokolak dede'a mangalauk, nanahu dale na henuk no mangalau ka.

ZAKHARIA 14:9

Boema neukose, Manetualain Ana paleta da'dileo manek neu basa daebafak-ka lala'en-na; basa hataholi-a, neukose sene-do'ok neun, da'di leo Manetualain, ma lalelak-kana nenik na'dek sama.

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”

ZEFANYA 2:11

Neukose, Manetualain tao-nalas ala bii-lamata'u lanseli. Neukose Ana tao nakalulutuk, lamatua daebafak manai daebafak-kala. Boema, basa leoina lala'en-na, neukose ala sene-do'ok neu Manetualain, nai esa-esak nusan-na.

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

MAZMUR 113:3

Manetualain na'den-na, muse nanakoa-nanakiok neme dulu losa muli.

KEJADIAN 4:26

Set bongin-na anatouk esa, de ana foin na'de Enos. Nai tepo-lelek ndia, nde hataholi-a mulai seseik Manetualain na'den-na, metema ala sene-do'ok neu Manetualain.

YESAYA 57:19

Neukose, Au fe tetu-temak neu basa hataholi-lala'en-na, nau manai mata, do manai dook-kala boe. Neukose Au tao alea-ahai Au anang-ngala.

YESKIAL 37:17

Basa soona, ho'u matalolole aitete'e ka duak sila-la, fo pe'dan duas lakabubua, fo ala da'di aitete'ek esa.

YESAYA 6:7

Ana fe ha'ikaa manafolokakaak ndia koi la'e au bafang-nga, boema nafa'da nae, “Ha'ikaa manafolokakaak ia, koi la'e o difadoom-ma so. Besak ia, o salam-ma nanalose henik, ma Manetualain fe do'o do ampon neu o sala-singom so.”