ZEFANYA 3:12 - Susula Malalaok Hehelu Palak Ma Hehelu Beuk

¹² Neukose Au po'ilotak leoina esa nai naa, dalen-na taidaek, boema namahena Au tutulu-fafaling, de ana bole leo nahele neme ndia.

ZEFANYA 3:12 Referans Kwoze

YESAYA 14:32

Natataak beek kande, neukose ita fen neu leoina Filistin-na, hataholi nadedenun-nala? Neukose ita tafa'das, tae Manetualain nafofo'a basa Sion so, de anan fo manadoi-dosok-kala, neukose ala hapu nasulu-nahapak lai ndia.

NAHUM 1:7

Manetualain ndia malole. Nasulu-nahapa anan-nala nai lelek ala susa, Nanea hataholi fo nasulu-nahapa neun.

MATEOS 5:3

“Maua-manalek neu hataholi fo name'da nana balakain ta, de namahena neu ka'da Lamatua ka mesa kana; nanahu sila nde da'di Manetualain hataholi kamahehele nala!

YESAYA 50:10

Hai emi fo, manafe ha'da-holomata neu Manetualain, manamamanene atan-na, hala-kokolan-na, enok fo emi tungak-ka, fafa'kama makahatuk, de ta hapu mangale'dok, nasalaa ba'eneu emi fa; tehu, mamahele neu Manetualain leona; masala'da o deam-ma, neu o Manetualaim.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.

1 PETRUS 1:21

Tunga Yesus Kristus, de emi mamahele Manetualain nde tao naso'da fali kana neme mamate sa mai, boema namatutua-namadedeman. Da'di, emi mamahele, ma emi tao emi namahehena ma, neu ka'da Manetualain mesa kana.

ROMA 15:12

Boema Yesaya nafa'da nae leoia boe, “Neme Isai tititi-nonosin, neukose hataholi esa to'da mai fo neukose Ana paleta basa leoina lala'ena; Hataholi ndia nde leoina sila la lamahena ka.”

MATEOS 12:21

Neukose basa leoina lala'ena, tao namahehena nala neun.”

MATEOS 11:5

Hataholi poke kala lita, hataholi lu'u kala la'ok, hataholi he'di lou mangalau kala lea-hai; hataholi pake kala lamanene, hataholi mate sala laso'da falik, ma Manetualain Hala Malole na, nanatui-bengak neu hataholi nuu taa-hata ta kala.

ZAKHARIA 11:11

Nai faik ndia boe, hehelu-balataak ndia, ta paken so'on. Basa manadangan bi'ilopo sila-la, taoafik neu au, de lame'da lae, Manetualain bei kola-kola tunga au tatao-nono'ing lala'en-na.

MAZMUR 37:40

Ana tulu-fali, ma Ana soi-tefas, ma Ana fes lala hataholi mangalauk-kala deak, nana, ala lasulu-lahapa leu Manetualain.

YESAYA 14:30

Neukose la'a-ndoes matuaina, la'e emi, ma bei ela hataholi-la, neukose nanatao nisak. Nasafalin-na, Manetualain anan fo, nuu taa-hata taak nanseli, neukose ana hapu nana'a-nininuk, ma hataholi tapandoes-sa, neukose naso'da no nee-nee lino-linok, ma so'da-molek.

ZAKHARIA 11:7

Au, Zakharia, boema manadangan bi'ilopo-la se'ba au, soaneu foo bi'ilopo, fo neukose nanado'ok sila-la. Au aitete'eng 2; de Au foi esa na'de “Dale Malole” ma esak-ka seluk, na'de, “Hehengek.” Basa boema, au mulai anea, ma au akaboboi bi'ilopo sila-la.

EZRA 9:8

Tehu, besak ia, ou ami Manetualain, besak-ka, O madale malole neu ami. O soi-po'i hataholi de'ubee nai ami dalek, neme mamana ata mai, fo ami maso'da no mole-dame nai mamana hehelik ia. O fe ami so'da beuk.

YESAYA 6:13

Nakalenak, metema nai hataholi sanahulu dalek, bei hapu hataholi esa leo nai nusak ndia soona, neukose ndia boeo nanatao namopo-namatek boe. Tehu sama leo ai keka, metema lo'o henin soona, bei ela huun-na, leondiak boe, neukose bei ela leoina ndia, fo ana da'di hataholi malalao-malalafu makasososak.”

YESAYA 29:19

Hataholi nuu taa-hata taak-kala, ma matasi'da-matasaek-kala, neukose ala hapu falik tetu-temak fo, Israel Manetualain malalao-malalafun-na, fek-ka.

YEREMIA 17:7

Tehu hataholi fo manamamahena neu Au neukose Au ba'e-palan tatas esa.

YEREMIA 50:20

Nai fain ndia Israel ma Yehuda balisi neme sala-singok-ka mai, hu ka nde Au fes do'o do ampon neu hataholi fo Au tulu-falis-sala, Au, Manetualain de manakokolak-ka.”

YESKIAL 6:8

Neukose, Au fe sila lumanak, lala kanisak ndia deak, tehu neukose sila nanatao tapasasalak nai leoina-la tala'da;

MIKHA 5:6

Bei ela hataholi Israel-la, neukose ala da'di dinis makasufuk neme Manetualain mai soaneu leoina makadotok, ma sama leo u'dan-na mai soaneu sesele-nganggalik nai fai sele-nggalin-na. Neukose lasalai dean-nala neu Manetualain, te ta neu hataholi daebafak fa.