ZEFANYA 1:6 - Susula Malalaok Hehelu Palak Ma Hehelu Beuk

⁶ Neukose, Au tao amopo-amate sila, fo ala ta mai leo Au mai fa, do loke Au hehela-nonoleng, ma sila fo manala'o ela Au, ma ala ta nau tunga Au so'on.”

ZEFANYA 1:6 Referans Kwoze

YEREMIA 2:13

Au anang-ngala tao sala-singok matak dua: ala la'o ela Au, fo oemata maso'dak-ka, de ala kali aon sila lifun-na, fo nde lifu fo, sama leo ule ba'ek-ka, fo oe ta nate'e nai dalek fa.”

YESAYA 1:4

Soe ba'eneu emi, leoina fo masala-masingok-kala, hataholi fo dale aafi tak-kala, ma manatao tatao-nono'i mangalauk-kala lemin! Emi kosik de emi tu'da, hu kande emi sala-singom-mala. Emi tipa heni Manetualain so, ma emi masadea Manetualain fo Malalao-malalafuk nanseli, fo emi muse sene-do'ok-ka.

YEREMIA 15:6

Emi tipa dede'a ma la'o ela Au, hu ndia de Au so'uk Au limang-nga soanu tao akalulutuk emi, nanahu Au pela-malua akatatakak doak Au nasa-melung-nga.

YEREMIA 2:17

O nde tataom basa manda'dik manala'e o aoinam-ma, nanahu nai lelek Au hela-nole o nai leleo-lala'ok-ka dalek, o masadea Au, fo Amam Manetualaim-ma.

HOSEA 11:7

ma latea-lahele soaneu la'oela Au. Hu ndia de, neukose nanatuni-ndenik-kala, fo leomae ala nggasi loke tutulu-fafalik boeo, ta hapu hataholi tulu-fali fas.”

YEREMIA 3:10

Yehuda fo ta mana lilinekak ndia, ana tao basa sila-la boema, ana fali ma'in leo Au mai, tehu ta no dale katema tuan-na, nanahu dalen-na ta ndoos fa. Au, fo Manetualain nde manakokolak-ka.”

YESAYA 9:13

Hu ndia de, ka'da nai faik esa dalen-na mesan, Manetualain huku Israel mauli-malangan ma laun-nala. Ana te'te heni langan-na ma ikon-na de Ana tapa henis.

IBRANI 2:3

Muda hata no so'dak-molek matua ina, fo nanananduku-nalosak tunga hala heheluk ndia bai! Metema ita ta taoafik neu so'da-molek ndia fa soona, tao leo bee o, neukose ita ta tatapo'i teme huhukuk ndia mai fa. Nanahu Lamatua ka mesa kana nde makasososa po'a-benga so'da-molek ndia, ma hataholi fo lamanene makasososa nana, ala fe basa buti ndo na neu ita so.

YESKIAL 3:20

Metema hataholi malole esa, ana tao sala-singok, fo Au fen nasasalematak no soe-a, de neukose maten, te metema o beita fen nasanene'dak fa. Neukose ana mate, nanahu sala-singon, de naukose Au ta afandele tatao-nono'i malolen-nala fa. Tehu neukose Au oke natataak neme o mai, la'eneu hataholi ndia mamaten-na.

MAZMUR 125:5

Tehu hataholi manake'di-ndiuk-ka, ela leo bee-na, Manetualain hukun, sama-sama no hataholi mangalauk-ka. Ela leo bee-na, O anam-mala so'da-molek!

MAZMUR 10:4

Hataholi masala-masingok-ka, ta taoafik neu Manetualain fa, nanahu koao-ndaeaon, de ana dudu'a-dodoo nae, Manetualain ta.

SEMUEL SUSULAK-KA ESAN-NA 15:11

“Au asasale dale, so'u Saul da'di manek, nana ana lepos nasadea Au so, ma ana ta nakalala'ok Au paletang-nga fa.” Semuel dalen-na he'dis-sa, de le'odae katemak esa, ana haladoi neu Manetualain.

HOSEA 7:7

No nasamelu mangalaun-nala, ala taolisa sila mauli-malangan-nala. Ala taolisa basa manek-kala bee iko. Tehu leomae ha'da-tataok-ka da'di mangalauk leondiak so, te ta hapu hataholi esa boen, hule-haladoi neu Au, fo noke tutulu-fafalik fa.”

MAZMUR 36:3

Ana nafa'da nae ndia aoinan-na anseli nanseli, nalosa tanamedan-na salan-na, de ana ta hahae tao salak fa

ROMA 3:11

ta hapu hataholi malelak esa boen, ma ta hapu hataholi esa boen, ana sene-do'ok neu Manetualain.

YESAYA 43:22

Manetualain nafa'da nae, “Tehu o, fo Israel, o ta sene-do'ok neu Au fa, ma ta makatele neu Au so'on.

YEREMIA 10:25

Po'a-ngganga O nasam-ma neu leoina fo ta nalelak O fa ma ta nau lakaluku-lakatele neu O fa. Nana sila tao lamate-lamopo O anam-mala makandondook ma ala tao lakalulutuk ami nusam-ma.

HOSEA 7:10

Hataholi Israel-la, koao-ndaeaon nananitak no mangale'dok, de ana da'di buti neu sila salan-nala. Leomae basa sila-la ala da'di so, te ala ta sanga Au boen, do ala fali leo Au, fo Manetualain, fo sila Aman Manetualain fa.

YOSUA 23:12

Metema, emi ta lilineka, ma emi sese'do-babalik moo leoina fo ala bei leo lai emi tala'da, boema emi taos da'di emi saom soona,

2 SEMUEL 22:22

Au tunga Manetualain paletan-na, ma au ta lepos asadea, au Manetualaing-nga fa.

2TAWARIKH 15:13

Su'di see boe, lasik do mulik, touk do inak, fo ta laso'da tunga Manetualain hihii-nanaun fa soona, tao leo bee o nanahukunisak.

YESAYA 9:12

Leoina Israel-la beita sale-dale boen, leomae Manetualain Fo Manakoasa, Ana hukus so; ala beita tukatei-saledale neun boen.

ZEFANYA 3:2

Soe ba'eneu kota, fo ana ta nau sipo Manetualain hala nasanene'dan-na fa, ma boeo ana ta taoafik neu Manetualain hala nabengan-na, ma ana ta nau fe so'dan-na neu Manetualain, ma ta noke tutulu-fafalik neu fan!