ZAKHARIA 9:8 - Susula Malalaok Hehelu Palak Ma Hehelu Beuk

⁸ Neukose Au anea Au dae-oeng, ma Au apanggengge solda'du nusa dea fo ala sanga la'ok tunga ndia. Neukose Au ta fe seluk hataholi manatuni-ndenik-kala loak, fo ala paleta Au anang-ngala fa. Nana, Au ita basa doi-doson-nala so.”

ZAKHARIA 9:8 Referans Kwoze

YESAYA 54:14

O nananafofo'ak nenik netes ndoos ma matetuk, o dook-ka neme bibii-namata'u matuaina, ma tuni-ndenik-ka mai.

YESAYA 60:18

Neukose ta hapu seluk halak, la'eneu naseti-nalakak nai o nusam-ma fa, la'eneu nakalulutuk, ma manandefak nai o dae baba'em-ma fa, Neukose Au asulu-ahapa o, sama leo papala nanadamak-ka, fo neukose, o koa-kio Au, da'di leo o manasoi-manatefam.

YESAYA 52:1

Fo'a leon, hai Yerusalem, fo'a leona! Matetea-mahehele o dalem-ma! Pake o papake matua-mademan! Hai Yerusalem, kota fo malalao-malalafuk, hataholi manggenggeok-ka, ana ta masok tunga o lelesuinam-ma so'on.

YEREMIA 31:12

Neukose ala mai neme pupukuk Sion-na mai no mata-pana malengak, nanahu Au fefeng neu sila-la, nde gandum, mina, angol, sapi ma bi'ilopo. Sila neukose sama leo osi bubu'u-palusa fo oa ai manadaik, ma ala ta to'a-ta hata esa boen.

AMOS 9:15

Neukose Au fe Au anang-ngala, leo nai nusak fo Au fe basan neu sila so. Neukose, ala ta kalua leme naa mai so'on. Au Manetualain fo sila Manetualain-na nde manakokolak-ka.”

YESKIAL 39:29

Neukose, Au akona Au Duladaleng-nga neu leoina Israel-la, ma neukose Au ta la'oelas so'on. Au, Manetualain Fo mademaina, nde manakokolak-ka.”

YESAYA 52:12

Neukose emi ta makalupu lala'ok fa, ma ta sama leo, hataholi manamalaik-ka fa. Nana, neukose Manetualain hela-nole emi; Israel Manetualain-na, neukose nasulu-nahapa emi, neme bu'u-bu'uk lala'en-na mai.

YESAYA 31:5

Sama leo manupui-a, nakapepela li'dan-na, nai ndunun lain, soaneu nasulu-nahapa anan-nala, leondiak boe Au, Manetualain Fo Manakoasa, neukose asulu-ahapa, ma asala'e, ma soi-tefa Yerusalem.”

MAZMUR 72:4

Ela leo been-na, manek-ka nasala'e laun nuu ta-hata tak-ka, haak-ka, tulu-fali hataholi nuu ta-hata tak-kala ma tao namopo-namate manatuni-ndenis-sala.

MAZMUR 34:7

Hataholi ua-nale ta malole-a, naloo bou-bou, de Manetualain nataan, Ana soi-po'in neme makase'en lala'ena mai.

2 SEMUEL 16:12

Fafa'kama, Manetualain neukose Ana taoafik neu doidosok ia, fo Ana fe au baba'e-papalak, fo da'di ngganggatik neu soo-supak ndia.”

KELUARAN 3:9

Au amanene leoina Israel-la kikii-makaleleun, ma boeo Au ita leoina Masir-ra, tuni-ndenis tao leo beek so.

NINITAK 20:9

Boema ala tapasasala leo basa daebafa ka lala'ena leu de ala leu sapu la Manetualain hataholi nala mamana leleo nala ma kota fo Manetualain sue-lai ka. Tehu ha'i kona neme lalai mai de ana hotunisas.

HATAHOLI 7:34

Au ita ma Au taoafik neu basa Au hataholi kamaheheleng manai Masi ra doidoso nala so. Au amanene hoo-nggu'u nala de Au sanga kona u soaneu Au soi po'is. Besak ia mai dei! Te Au sanga adenu o fali mu'u ma leo Masir mu.’

ZAKHARIA 14:11

Neukose, hataholi-la leo no nee-nee lino-linok, nai kota ndia, no ala ta bii-lamata'u neu momopo-mamatek-ka fa.

ZAKHARIA 12:8

Nai faik ndia, neukose Au asulu-ahapa laun Yerusalem-mala; ma manandole-dakuk nanseli, nai sila dalek boeo, neukose ala da'di mabe'i-balakaik, sama leo Dauk be'i-balakain. Neukose Dauk tititi-nonosin hela-noles, sama leo Au ata nusa so'dang-nga hela-noles nakalenak, sama leo Au nde hela-noles-sala.

YEREMIA 46:13

Nai lelek Nebukadnezar fo manek Babel-la mai sapun-na Masir, boema Manetualain kokolak neu au nae,

YEREMIA 46:2

mulai la'eneu Masir. Ana nafa'da neu au la'eneu soloda'du Nekho-la, manek Masir-ra, fo nanatao nakalak neme Nebukadnezar fo manek Babel-la nai Karkemis fo dekak no Lee Efrat-ta nai teuk ka haan-na Yoyakim fo manek Yehuda ana paleta. Manetualain hala kokolan nde ia la'eneu dede'ak ndia.

YESAYA 26:1

Nai lelek ndia, neukose hataholi nakamee nakameek ia, nai dae Yehuda: “Ita kotan-na, balakain-na seli; Manetualain mesak-kana nafofo'a kota musun-na, Ita taso'da nai ndia.

YESAYA 4:5

Boema nai pupuku Sion-na, ma basa hataholi fo lakabubua nai ndia, Manetualain nakadada'dik ko'as-sa nai fai lele'don-na, boema ha'imasuk ma ha'ipila mangale'dok-ka, nai fai le'odaen-na. Manetualain no koasan-na mesak-kana, neukose Ana da'di leleo fo nasulu-nahapa kota ndia lala'en-na.

2RAJA-RAJA 24:1

Nai tepo-lelek fo Manek Yoyakim-ma paleta, Nebukadnezar, fo manek Babel-la, neu sapu-na Yehuda, de ana sengin. Yoyakim nakatele neu Nebukadnezar, teuk 3 dalen-na, tehu basa boema, ana ta tunga paletan-na so'on, de ana la'ban-nana.

KELUARAN 3:7

Boema, Manetualain, nafa'da nae, “Au ita basa Au anang manai Masir-rala doi-doson, ma Au amanene basa, ala nggasi loke soi-po'is leme hataholi fo manatuni-ndenis-sala. Te'e-te'e, Au bubuluk sila doi-doson lala'en-na.

ZAKHARIA 9:7

Neukose ala ta la'a seluk paa matak do nana'a nalulik so'on. Basa hataholi fo bei ela kala, neukose ala da'di Au anang-ngala, ma nanasipok, fo ala da'di leo esa nai leo Yehuda dalek. Neukose Ekron da'di Au anang, sama leo hataholi Yebus-sala nai tepo-lelek makahulun-na.

2RAJA-RAJA 19:34

Neukose, Au asala'e ma Au asulu-ahapa kota Yerusalem-ma, hu kande Au na'deng-nga, ma hu kande, Au hehelu-balataang no Au atang Dauk.’ ”

AMSAL 3:25

Ta paluu o bii-mamata'u neu soe fo ana mai no kaiboik, sama leo ani-sangu, fo ana tuni la'e hataholi manatao tatao-nono'i mangalauk-kala.

ZAKHARIA 12:4

Nai faik ndia, neukose Au tao-a basa ndala-la lapangamak ma manasa'en-nala lamulu, neukose Au anea laun Yehuda, tehu Au tao apoke basa ndala musun lala'en-na.