ZAKHARIA 9:15 - Susula Malalaok Hehelu Palak Ma Hehelu Beuk

¹⁵ Tao leo bee-o, Ana fe anan-nala nasulu-nahapak, nalosa ala hapu sengi basa musu lala'en-na. Sama leo hataholi mana mafuk nininuk-ka, ana eki, leondiak boe, ala eki nai natee-natatik-ka dalek. Sama leo bana tutunu-hohotuk-ka daan-na, nanapo'ak leo mei tunu-hotuk lain neu leondiak boe, ala ta'ti heni musu daan-na.

ZAKHARIA 9:15 Referans Kwoze

ZAKHARIA 12:6

Nai faik ndia, neukose Au tao-a Yehuda teidalen-nala da'di sama leo ha'i-a nai ai ha'i madodouk dale, do obol-la pila nai gandum aik-kala dalek; neukose ala tao lamopo-lamate leoina manai boboa-kaisun-nala Tehu laun Yerusalem-mala, neukose ala leo lahele leme kota dale no nee-nee lino-linok.

ZAKHARIA 10:7

Hataholi Israel-la, neukose sama leo palani ta'tibatu mabe'i-balakaik, sama leo hataholi maninu angol, fo neukose lamahoko-setelee Sila tititi-nonosin neme tepo-lelek leo tepo-lelek neu neukose ta lafandeleheni, sesengik fo Au fen ia. Neukose ala lamahoko nanahu Au tatao-nono'ing ba'eneus.

ZAKHARIA 12:8

Nai faik ndia, neukose Au asulu-ahapa laun Yerusalem-mala; ma manandole-dakuk nanseli, nai sila dalek boeo, neukose ala da'di mabe'i-balakaik, sama leo Dauk be'i-balakain. Neukose Dauk tititi-nonosin hela-noles, sama leo Au ata nusa so'dang-nga hela-noles nakalenak, sama leo Au nde hela-noles-sala.

ZAKHARIA 10:5

Neukose laun Yehuda-la, ala sengi, sama leo palani ta'tibatu-la, ala heheta-aa'i musu-a, sama leo tane-a nai enok lain. Neukose, lata'ti lakandoo, hu kande Au, Manetualain tulu-falis, ma solda'du musu manasa'e ndala-la, neukose ala sengi la'iesak-kasa.

KELUARAN 27:2

Nai mei tunu-hotuk ndia bu'un-nala lain, bu'un esa soona tao masusulak, sama leo bana susulan-na, fo ala da'di esa loo mei tunu-hotuk-ka. Muse makadiditak liti neu susulak fo sama leo bana susulak sila-la basa-basan lala'en-na.

MAZMUR 78:65

Boema Manetualain fo'a, sama leo hataholi fo ana fo'a neme susungun-na mai, sama leo hataholi balakaik-ka, besak-ka ninu basa angol.

IMAMAT 4:25

Imam-ma muse dope limaku'un-na leo bana ndia daan dale neu, fo ana losen neu mei tunu-hotuk-ka susulan-nala nai mei bu'un haas, ma ana pisi daak fo bei elak-ka leo mei tunu-hotuk-ka sosolon dale neu.

IMAMAT 4:18

Muse, ana lose daak ndia seli neu mei tunu-hotu boomenik-ka susulan manai bu'un haas, nai Lalaa Temak dale, boema muse ana pisi daak fo bei elak ndia, neu mei tunu-hotu nanatunuk-ka sosolon dale, nai Lalaa Temak-ka lelesun-na bafan-na.

EFESUS 5:18

Boso mafuk angol, nana ndia nde tao nalutu emi a. Dede'a nasafali na, ela leo bee na, Manetualain Dula Dale na koasa na emi.

1 KORINTUS 1:18

Nana ba'eneu hataholi fo ana la'ok nasale leo mamate-momopo ka neu a, halak la'eneu Kristus mamaten nai ai nggangek lai na, nalupa tutui masapepekok basa sila la. Tehu ba'eneu ita fo Manetualain soi tefa basa ka, tutui-bebengak ndia, nalupa eno-dalak soaneu Manetualain natu'du koasa na.

ZAKHARIA 14:20

Nai faik ndia, kileik-kileik manai ndala-la bua papaken-na, neukose nanadoki-dulak nenik dede'ak-ka nae, “Nanafe hehelik soaneu Manetualain.” Kete-kete manai Manetualain Uman-na, neukose nanafe ha'da-holomata, sama leo mango-mango manai mei tunu-hotuk-ka matan-na.

ZAKHARIA 9:17

Mahani te, Manetualain, daen-na malole nanseli, malole ma mana'ahiik nanseli! Angol ma gandum-mala moli no malole nai ndia, fo ana tao-na ta'eanak anafe'oanak boetai balakaik.

MIKHA 5:8

Neukose Israel sengi musun-nala, boema ana tao nakalulutuk la'iesak-kasa.

YESAYA 55:1

Manetualain nafa'da nae, “Mai leon, basa emi fo, manamaa ma'dak-kala, fo minu oe nanasadiak-ka leona. Mai leon, emi fo doi tak-kala, sipo gandum, te ta bae fa, fo mi'a leona! Angol ma kapaoe-a, nanasadiak, sipon no ta bae fa.

YESAYA 37:35

Neukose Au asala'e, ma asulu-ahapa kota Yerusalem-ma, hu kande Au na'deng-nga mesak-kana, ma hu kande Au hehelu-balataang o Au atang Dauk.’ ”

KIDUNG AGUNG 7:9

o bafam-ma makeek leo oe angol-la. nemen-na fo angol ndia oen-na faa leo au touana susueng-nga neu no ta ketu basa fan; ma nafofo'a susue tou-ta'ek, nakalenak soaneu hataholi bei manasunguk-kala.

KIDUNG AGUNG 5:1

Au u leo au osing dale u, fa'ding-ngo, au saoinang-ngo, au hehele akabubua au ai daa tuung-ngala, ma au bumbung-ngala; au u'a au fani popolang-nga, ma au inu au fanioeng-nga, au inu kapoe, ma au angol-la. Mi'a-minu leon, tia-laing-ngala lemin, Minu losa mafuk hu kande susue tou-ta'ek.

KIDUNG AGUNG 1:4

Ata la'o lai-lai, ou au maneng-ngonei, moo au leo o kamam dale neu. Hu ka nde o de ami basa-basam-mala mamahoko, ma koa-kio o susue tou-ta'em lena heni angol-la; hu ndia de anafe'oanak-kala susue tou-ta'en soaneu o!

SEMUEL SUSULAK-KA ESAN-NA 17:45

Tehu Dauk nataa nae, “O mai la'ban au nenik tafaina, tee ma dongi, tehu au mai la'ban o nenik Manetualain Fo Manakoasa, fo solda'du Israel-la Manetualain, fo o makamumulu-makamamaek-kana ndia, na'den-na.

IMAMAT 4:7

Muse, ana lose daak ndia seli neu mei tunu-hotu boomeni kaboomenik-ka, susulan manai bu'un haas, nai Lalaa Temak dale, boema, muse ana pisi daak fo bei elak ndia, neu mei tunu-hotu nanatunuk-ka sosolon dale, nai Lalaa Temak-ka lelesun-na, uluk.

AYUB 41:28

Ta bisa usi henin, nenik kokouk fa, batu fo nanapiak neun-na, nono'kabai ha'deaik-ka.

ZAKHARIA 14:3

Boema neukose Manetualain tutulumatak, fo natee-nata'ti la'ban leoina sila-la, sama leo Ana taon nai tepo-lelek makahulun-na.

ZAKHARIA 2:9

“Neukose Manetualain mesak-kana nde la'ban emi, ma neukose emi usi heni emi atam-mala, sila nde lamanako seluk emi. Metema, dede'ak ndia ana da'di soona, neukose emi bubuluk, mae Manetualain Fo Manakoasa, nadenu basa au so.”