ZAKHARIA 8:19 - Susula Malalaok Hehelu Palak Ma Hehelu Beuk

¹⁹ “Ala tao okaaok manai hataholi Yahudi-la bulak ka 4, ka 5, ka 7, ma ka 10-na dalek, neukose ana da'di feta fo henuk no namahokok-ka, ma hika-setelek ba'eneu laun Yehuda-la. Sue-lai ndoos ma mole-dame-a!”

ZAKHARIA 8:19 Referans Kwoze

YEREMIA 39:2

Manek Zedekia paleta neu bula kahaa fain sio teuk kasanahulu esa, boema musu-a tao nakalulutuk kota papala nanadaman-na,

ZAKHARIA 8:16

Emi muse tao tunga paleta-la nde ia nae: Metema emi kokolak soona, kokolak ndos neu emi nonoo hataholim-ma. Ho'i nakeketuk tunga ndoos ma matetuk, ma neni mole-dame.

ZAKHARIA 7:5

nae, “Mafa'da basa laun manai nusak ia lala'en-na, ma basa imam mala, mae okaok ma kii-makaleleuk fo sila taon nai hataholi Yahudi-la bula ka 5 ma bula ka hitun-na, nai teuk hituhulu dalen-na ia, ta neni ha'da-holomata ba'eneu Au fa.

ZAKHARIA 7:3

Boeo ladenus, fo latane imam-mala ma basa nabi-la, lae leo ia, “Bei paluu ami kii-makaleleu Manetualain, Uman-na nakalulutun-na nenik okaaok-ka nai tunga-tunga bula ka 5, sama leo ami taon dodoo basa ia do?”

YEREMIA 52:4

hu ndia de Nebukadnezar no basa soloda'dun-nala mai sapu-la Yerusalem nai bulak kasanahulu fain sanahulu ma teuk kasio fo manek Zedekia paletan-na. Ala lapadedeik kota musu nai kota deak, lafofo'a papala-nanadamak okofefeo-na.

2RAJA-RAJA 25:25

Tehu, nai hataholi Yahudi-la bula ka 7-na, fo nai teuk ndia dalen-na, Ismael, fo Netanya anan-na, Elisama upun-na, fo bei daa manek, sama-sama no hataholi 10 leu leo Mizpa leu. Ala sapu-la Gedalya, de ala taolisan no hataholi Yehuda ma hataholi Babel, manasama-sama loo Gedalya lai ndia.

MAZMUR 30:11

Mamanene leon, ou Manetualain, fo sue-lai au. Manetualain, tulu-fali au leona!”

YESAYA 35:10

Hataholi fo, Manetualain soi-po'ik-kala, neukose ala fali; ala masok kota Yerusalem-ma, nenik eeki-natadalek, mata-panan-nala lapena, nanahu namahoko-setelee manaketu-basa taak-ka. Neukose lamahoko-setelee, ma hika-latadale; toto'a-tataak ma hoo-nggu'uk, mopok-kana so.

YESAYA 12:1

Neukose fain-na losa, emi makamee mae: “Manetualain, au oke makasi neu O, nanahu O kokoe-nanasi au. Makahulun-na O mamanasa au, tehu besak ia, O nasam-ma tenak so.

ESTER 9:22

Nana nai faik sila-la nde ala sengi sila musun-nala, nalosa sila dale he'din ma dale susan-na, nasafali da'di namahokok ma maua-manalek. Hu ndia de, ala muse tao feta soaneu faik sila-la, fo la'a-linu sama-sama, boema esa fe esa nana'ak, ma ala fe hataholi nuu taa-hata taak-kala bua palsen.

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.

YESAYA 51:11

Boema hataholi fo, Manetualain soi-po'ik-kala, neukose ala fali, ala masok Yerusalem, no ala eeki kao-kao, mata-panan-nala, lapena, nanahu lamahoko manaketu-basa taak-ka. Ala lamahoko-setelee, nanahu toto'a-tataak ma hoo-nggu'uk-ka, mopok-kana so.

ESTER 8:17

Boeo, nai basa kota ma propensi-la, su'di nai bee boe, fo ala lees manek-ka susula paletan-na soona, hataholi Yahudi-la lamahoko, dalen-nala loa-loak mesan, ma ala tao feta-dote. Nakalenak bai, laun ba'uk-ka masok leo leoina Yahudi dale leu, nanahu ala bii-lamata'u neu leoina ndia.

YEREMIA 36:6

Hundia de hataholi-la fai oka aon-na losa soona, o muse mu lo naa mu fo lees-sana no hala matuaina basa hata fo au afa'dan neu o ndia, fo ela ala lamanene basa hata fo Manetualain nafa'dan neu au-a. Tao no'i ndia nai mamanak fo hapu nananamanenek neme basa hataholi fo manai Manetualain Uman dale-a, fo nde hataholi Yehuda fo manamaik neme sila kotan-nala mai.

ZAKHARIA 8:3

Neukose Au fali leo Yerusalem, fo Au kota malalao-malalafung ndia u, fo Au leo nai ndia. Neukose lalelak Yerusalem, da'di leo kota manalilinekak, ma neukose loke Manetualain Fo Manakoasa pupukun-na soona, lae Pupuku Malalao-malalauk.

ZAKHARIA 8:18

Manetualain Fo Manakoasa, fe au hala heheluk-ka nde ia, fo au anduku-alosak-kana neu anan-nala nae,

2RAJA-RAJA 25:1

Basa boema Zedekia la'ban Nebukadnezar, fo manek Babel-la paletan-na. Hu ndia de, Nebukadnezar no basa solda'dun-nala lala'en-na ala mai, de sapu-la Yerusalem, nai hataholi Yahudi-la bula ka 12-na, fain 10, fo nai lelek Zedekia paleta neu teuk-ka 9-na. Ala ofu leme kota deak, de lapadedeik papala nanadamak, okofeo kota Yerusalem-ma,

MAZMUR 34:15

Madook aoinam-ma, neme mangalauk-ka mai, ma tao-no'i hata fo malole-a, sanga enok soaneu mole-dame-a, nenik basa o be'i-balakaim lala'ena.

YESKIAL 18:8

Ana ta fe hataholi manatonak-kala, fe bunak fa. Ana ta nau tao, tatao-nono'i mangalauk fa, ma naketu tunga ndoon-na, nai basa nale'a-napilik lala'en-na dalek.

YESKIAL 24:1

Nai hataholi Yahudi-la, bula ka sanahulun-na, fain sanahulu, fo nai lelek ami nai mamana tu'u-tapak, teu ka sion-na, Manetualain nafa'da au nae,