ZAKHARIA 7:14 - Susula Malalaok Hehelu Palak Ma Hehelu Beuk

¹⁴ Au sapu balisis, sama leo ani-sangu-a, nalosa no nakasetik, leu leo nai nusa dea-la. Dae maisi-mamina ia, ana da'di nee-nee lino-linok, hataholin ta, ma na'u-aianan ta.”

ZAKHARIA 7:14 Referans Kwoze

ULANGAN 28:64

Neukose, Manetualain tao tapasasala emi, leo basa leoina manai daebafak-ka lala'en-na neu. Nai naa, neukose emi sene-do'ok neu lamatua daebafak fo nanataok neme ai-batu mai, lamatua daebafak fo, emi ta malelak-kana, ma emi bei-ba'i kaim-mala boeo, ta lalelak-kana fa.

ULANGAN 28:33

Leoina fe'ek esa, neukose ana ho'in-na basa emi dae-oem-ma buna-boan, fo emi hapun neme emi sosota-mamangum mai, fo emi ta hapu hata esa boen, te emi hapuk-ka nde, tuni-ndenik ma heheta-aa'ik nakandondoo henin.

YEREMIA 23:19

Manetualain nasa-melun nonokabai ani sangu-a fo manasa ina fo ana tuni-ndeni hataholi-hataholi mangalauk-ka.

ULANGAN 4:27

Neukose Manetualain tao tapasasala emi nai leoina fe'ek-kala tala'da, de ela ka'da emi hataholim lumanak laso'da lahele.

ZAKHARIA 2:6

Manetualain nafa'da anan-nala nae, “Au tao tapasasala basa emi, leo bu'u-bu'uk lala'en-na neu so. Tehu besak ia, hai hataholi nanafook-kala lemin, malai meme Babel mai leona, fo fali me'um-ma leo Yerusalem meu.

ZEFANYA 3:6

Manetualain nafa'da nae, “Au tao amopo leoina makadotok so. Au tao akalulutuk kotan-nala, ma papala nanadaman-nala, boema Au tao akalulutuk uma puni mademan-nala, de besenggela-besenggali. Kotan-nala da'di kota nees, de hataholi ta leo nai ndia so'on, boema nee-nee lino-lino.

ZAKHARIA 9:14

Neukose Manetualain natu'du aoinan-na neu anan-nala, Ana kou kokou isi manapilan-na, sama leo ndelas-sa. Neukose Manetualain fo Mademaina, Ana puu pupuuk-ka, fo da'di ta'du-tana natee-natatik mulai boema Ana la'ok tutulumatak, nai ani-sangu maneme kona, dalek.

HABAKUK 3:14

O kokou isim-mala tola mauli-malanga solda'du nai lelek ala mai sama leo ani-sangu, fo ala tao tapasasala ami. Ala hika no namahokok sama leo hataholi fo no denge-dengek ala tuni-ndeni hataholi manato'a-taak-ka.

NAHUM 1:3

Memak Manetualain ta haelai namanasa fa; tehu koasa-na, ba'un-na seli boe nalosa ba'eneu see fo ana tao salak soona Ana ta po'in neme huhukuk-ka mai fa. Manetualain la'ok nai bee soona, ani-sangu da'di nai ndia; Ana heta ein-na nai mamanak bee soona, daesopuk-ka da'di ko'as nai ndia.

AMOS 1:14

Hu ndia de, neukose Au haitua ha'i-a leo kota Raba papala-nanadaman-nala neu, fo na'a heni basa kota musun-nala. Nai lelek ndia, neukose lamanene musu nangguu mai, ma natee-natatik doto-doto sama leo ani-sangu.

DANIAL 8:9

Susula anak esa moli neme susulak sila-la esa mai, boema ana da'di matuaina nanseli, de koasan-na namaloa leo kona, leo dulu ma leo dae fo maoe-maisik-ka neu.

YEREMIA 44:6

Hundia de, Au po'a Au nasa-melung neu Yehuda kotan-nala, ma eno-enok manai Yerusalem. Au hotuheni la'iesak-kasa de nalosa da'di ai-batu madodouk, ma tokotik sama leo hata fo mana mitak besak ia.

YEREMIA 36:19

“O mo Yeremia muse mafuni. Boso fe hataholi bubuluk emi mamana nafunim ndia,” ala lafa'da lae leondia.

YEREMIA 30:23

Manetualain nasa-melun-na nonokabai lii manapopouk-ka, nonokabai ani sangu fo malepaka tuni-ndeni la'e hataholi mangalauk-kala, ma neukose ta naloe fa, metema ana dudu'a-dodonakala beita da'di fa. Neu fai makabuin-na fo neukose Au anang-ngala bubuluk dede'ak ndia.

YEREMIA 5:15

Ai hataholi Israel-la lemin, Manetualain nadenu leoina esa, ana mai neme nusa dook mai, fo ana sapu-na emi. Leoina ndia, nai ia, neme makahulun eli mai so, emi ta malelak dede'an-na fa. Hataholi sila, balakain-na seli,

YESAYA 21:1

Hala heheluk la'eneu Babel nde ia: Sama leo kutus-sa nakamiu tunga moo maloa, leondiak boe, soe mamain-na neme nusak fo maneni bibii-namata'uk-ka mai.

YESAYA 17:13

Ala tutulumatak sama leo faa matuaina mai. Tehu Manetualain fes nasanene'da mahelek, boema ala lalai losa dook-ka. Sila nanausik, sama leo anin-na fuu neni ha'deuk-ka nai pupukuk-ka huun-na, do sangu fuu neni afu-a.

MAZMUR 58:9

Nemen-na fo ala da'di sama leo nggonggoek-ka fo ana faa da'di fafalek, sama leo ni'iana bongi beuk-ka maten te beita nita mangale'dok-ka fa.

2TAWARIKH 36:21

Leondiak hata fo Manetualain nafa'dan tunga Yeremia, ana da'di nae neukose nusak ndia ana da'di dae tokotiik teuk hituhulu dalen-na da'di leo ngganggatik neu teu-teuk Sabat fo ala ta taoafik-kana fa.

ULANGAN 28:49

Neukose, Manetualain nadenu leoina esa, ana mai neme daebafak-ka pe'dan-na mai, fo ana la'ban emi, tehu emi ta malelak dede'an-na fa. Neukose, ala la'u leni emi, sama leo manupui kaka'ka, ana la'u neni manuana.

IMAMAT 26:33

Neukose, Au fe natee-natatik-ka, da'di nai emi nusam-ma, fo ana tao tapasasala emi, nai nusa dea-la. Neukose, emi tinam-mala, ma emi kotam-mala nanapo'ilotak, fo ala da'di ai-batu madodouk.

IMAMAT 26:22

Neukose, Au fe bana makaa-makisuk-kala leu leo emi tala'da heom leu. Neukose, bana sila-la kaa-la emi anam-mala, taolisa emi bana-manum, ma la'aheni emi, nalosa ela ka'da emi lumanak nanseli, ma enok manai emi nusam dale-la, da'di nee-nee lino-linok.

YESAYA 66:15

Tete'ek-ka, neukose Manetualain mai no ha'i; Neukose Ana sa'e kaletan-na, sama leo ani-sangu, fo ana kalua nasa-melun, ma nasapala napane'e.

YESAYA 60:15

Neukose, o ta nanala'oelak, ma ta nananakamuu-nakadauk fa, ma ta nanapo'ilotak da'di nee-nee lino-linok fa. Au tao o da'di dalen-namatutuak fo manaketu basa tak, mamana namahoko-setelek losa dodoon-na.

YEREMIA 12:10

Manakoasa nusa dea ba'uk-ka tao lalutu la'iesak Au osi angol-la, ma ala heheta-aa'i lakalulutuk basa Au tina-osing lala'en-na. Au nusang fo malole-mana'a, ala tao lasafalin da'di moo-solokaek fo mamana nes.

YESKIAL 5:10

Nekose hataholi lasik-kala, la'a seluk ana bongin-nala, ma anan-nala la'a seluk ina-aman. Neukose, Au hukus leondiak, ma Au tao tapasasala laun fo, bei maso'dak-kala, leo basa daebafak-ka bu'un-nala leu.

YESKIAL 12:19

Mafa'da basa leoina lala'en-na, hata fo Au, Fo Manetualain Mandemaina nafa'dan neu laun Yerusalem fo bei manaleo nai sila nusan-na. Neukose ala dele too-too nai lelek sila la'a, ma ala dele ngge'be-ngge'be no bibii-namata'uk-ka, nai lelek sila linu. Sila daen-na, neukose ana da'di dae tokotiik, nana basa hataholi manaleo nai ndia, ala la'olena Au hoholo-lalaneng nakandondoo henin.

YESKIAL 22:15

Neukose, Au tao tapasasala o laum-mala, leo basa nusak-kala ma leoina-kala leu, ma neukose Au tao ate'e, o tatao-nono'i mangalaum ndia.

YOEL 2:3

Ala tao lisa basa bubu'u-palusa lala'en-na, sama leo ha'i na'as de putus. Makahulun-na, nusak ndia sama leo Eden, fo Manetualain osin-na, Basa ndia boema, nalupa leo mo solokaek fo na'u-aiana ta moli fan. Ta ela hata esa boen, ta hapu hata esa boen, fo naladeak neme lamak sila mamain-na fa.

ZAKHARIA 8:1

Manetualain Fo Manakoasa, fe au hala heheluk-ka nde ia nae,

HOSEA 9:17

Manetualain fo au alalau-aoonon ndia, neukose Ana ta sipok anan-nala fa, nanahu ala ta lamanene fan. Neukose laleu-lalaak lai leoina-la tala'da.