ZAKHARIA 6:6 - Susula Malalaok Hehelu Palak Ma Hehelu Beuk

⁶ Ndala nggeok-ka hela kaleta natee-natatik-ka, neu leo Babel boboan kii neu. Ndala fulak-ka, neu leo muli neu, ma ndala keke'ak-ka, neu leo nusak manai kona neu.”

ZAKHARIA 6:6 Referans Kwoze

YESKIAL 1:4

Au anganalo leo lain neu, de au ita ani-sangu matuaina neme kii mai. Ndela-ta'tas latutu'tiao leme ko'as bubua matuaina esa dalek mai, ma lalai manai boboa-kaisun mangale'dok. Au ita hatak esa mangadilak, sama leo liti-a, nai ndelas manatuti-natok sila-la dalek.

YEREMIA 51:48

Basa hata manai lalai ma daebafak-ka lamahoko-setele hu ka nde Babel tu'da nai leoina kii-la liman dale fo manatao nakalulutuk-kala.

YEREMIA 6:1

Hai hataholi Benyamin-nala lemin! Meu leo mamana fe'ek meu. La'oela Yerusalem leona! Puu pupuuk-ka nai Tekoa, ma tao mapila ha'i ta'du-tana nai Bet-Kerem! Soe matuaina, ana mai neme kii mai.

YEREMIA 4:6

Matu'du enok leo Sion, fo Manetualain Pupukun-na neu, la-lai, malai la'oela nusak-ka, boso ka'da pe'daaom. Manetualain fe soe-a mai ma nakalulutuk matuaina neme kii mai.

DANIAL 11:40

Metema manek nusa kii ndia, koasan-na sanga deka basan soona, manek nusa kona sapu-nan. Boema manek nusa kii-a, neukose ana balas natee-natatik ndia no mamate-momopon. Neukose neni kaleta musu, ndala ma ofak makadotok. Neukose ana sapu sama leo faa oek-ka, de nangatuu-na nusak makadotok.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

DANIAL 11:9

Basa boema, manek nusa kii, neukose nata'ti no nusa kona, tehu neukose nakadedeak, fo ana fali ne'un leo nusan-na neu.

YEREMIA 46:10

Tehu au, Yeremia afa'da ae, ia soona Manetualain Fo Mademaina ma Manakoasa fain ia; neu faik nde te, ana tao babalak neu basa musunom-mala lala'en-na. Neukose tafan-na na'as losa lakabete, ma ninu daan-nala losa ana doak. Faik ia Manetualain Fo Manakoasa do'do tutunu-hohotun-nala nai ki, nai lee Efrat ndia su'un-na.

NINITAK 6:5

Boema Bi'ilopo Ana ndia siiba'e segel katelu. Boema au amanene mahahae katelu nae, “Kalua leona!” Au mete boema, Au ita ndala nggeok esa. Manasa'e nana, ana ho'u tatais nai liman dale.

YESAYA 43:6

Au paleta kii ma kona, fo ela po'is no lai-laik. Nemen-na fo, o ana toum-mala fali ma'is leme dook-ka mai, ma o ana inam-mala, fali leme daebafak-ka bu'u-bu'un-nala mai.

YESAYA 30:6

Manetualain hala hehelun-na leo iak, la'eneu basa bana fo manaleo dae kona, “Basa hataholi nadedenuk-kala fua sila keledein ma ontan-nala nenik bua palsen, boema ala la'ok tunga mamanak fo henuk no soe, ma singa, menge malasok, ma buta mali'dak-ka mamana leleon-na. Ala tunu-hotu bua palsen sila-la, neu leoina esa, fo ana ta hapu tulu-fali sila fa.