ZAKHARIA 6:5 - Susula Malalaok Hehelu Palak Ma Hehelu Beuk

⁵ Nataa nae, “Metema, lasasalematak basa loo Manetualain fo manamakadada'dik lalai maloa soona, leu leo bu'u 4 leu.

ZAKHARIA 6:5 Referans Kwoze

NINITAK 7:1

Basa ndia boema, au ita ata nusa so'dak ha lapadeik lai daebafa ka bu'un has. Ala tahan ani na matan has nai daebafa ka, fo ela boso hapu anin nai dae ma'da ka do nai tasi a, do nai ai la lain boe.

IBRANI 1:14

Metema leondiak soona, tunga ndo na, ata nusa so'dak sila la beek sila? Sila nde bee na dula dalek fo lalalau-laoono Manetualain, ma fo Manetualain nadenus, soaneu tulu-fali hataholi fo neukose sipo so'da-mole ka.

IBRANI 1:7

La'eneu ata nusa so'da kala, Manetualain nafa'da nae leo ia, “Manetualain tao na ata nusa so'da nala da'di anin, ma malalau-maoono nala, ala da'di ha'i pilak.”

YESKIAL 37:9

Boema Manetualain nafa'da au nae, “Hai hataholi daebafak fo, manasapu-manalalok-konei, kokolak moo anin-na. Mafa'da mae Au, Manetualain Fo Mademaina, nafa'da neun, fo ela ana mai neme bu'u-bu'uk lala'en-na mai, fo ana fuu ani hahaek leo aopaa manamatek sila-la dalek neu, fo daenga ala laso'da falik.”

MATEOS 24:31

Pupuu matua ina nanapuuk soona neukose Ana Hataholi ka nadenu ata nusa so'da nala tao lakabubua hataholi kamahehele nala leme daebafa ka bu'un has mai, ma leme lalai pe'dan esa losa pe'dan esa.”

ZAKHARIA 4:14

Boema nafa'da nae, “Ndia nde bee soona, hataholi 2, fo Manetualain fo mana makadada'dik lalai maloa, Ana hele basa duas so, de natu'du duas fo lalalau-laoonon.”

DANIAL 7:10

ma ha'i-a nasalolo'de neme kandela manek ndia mai. Hataholi lifu-lifun lalalau-laoonon, ma hataholi duta-duta lapadeik lai matan-na. Basa boema, mulai buka sidang nakeketuk-ka, ma susulak-kala nanabukak.

YESAYA 54:5

O saotoum-ma nde, Manamakadada'dik o-a. Israel Manetualain malalao-malalafun-na nde bee-na, o Manasoi-manatefam. Na'den-na nde, Manetualain Fo Manakoasa, Ndia nde Manetualain fo, manakoasa daebafak-ka lala'en-na.

MAZMUR 68:17

Tao le'e de, neme o leteana makadotom manai o poim-ma ndia, o mete no nape'da dalek neu Pupuku Sion fo Manetualain helen, da'di mamana leleon-na? Neukose Manetualain leo nai naa losa dodoon-na.

AYUB 1:6

Faik esa boema, mahahaek nusa so'dak-kala, leu leo Manetualain leu, de nitu neu boe.

1RAJA-RAJA 22:19

Mikha nafa'da seluk nae, “Besak ia, mamanene hata fo Manetualain nafa'dan! Au ita Manetualain nangatuuk nai kandela Mandela-masa'an lain nai nusa so'dak-ka, ma basa ata nusa so'da nala lapadeik deka loon.

LUKAS 1:19

Ata nusa so'dak ndia nataa nae, “Au ia Gabrial. Au alalau-aoono Manetualain, ma Ndia nde nadenu au anduku-alosak hala malole ia neu o.

MATEOS 18:10

“I'akouk! Fo boso makamumulu-makamamaek hataholi esa boen neme hataholi kadi'ianak ia la mai. Nanahu mafandendelek te, sila ata nusa so'da nala lahele tataas esa lai Au Amang manai nusa so'da ka matan. [

YESKIAL 11:22

Mahahaek sila-la, ala mulai laa, de ban sila-la, ala tunga boe. Mandela-masa'ak fo, manada'di ta'du-tana esa neu Israel Manetualain, mamain-na, nai mahahaek sila-la lain.

MAZMUR 148:8

hai ndelas ma u'da eis, salju ma ko'as-sa, anin matuaina, fo ana tunga Manetualain paletan-na lemin!

1RAJA-RAJA 19:11

Manetualain nafa'dan nae, “Kalua meme leak ndia dalek mai leon, fo mapadeik masale leo Au mai, nai letek lain.” Boema Manetualain tunga ndia, fo ani matuainan-nakahuluk, nalosa heaba'e pupukuk kala ma lete batu la hea ba'es. Tehu Manetualain ta natu'du aoinan-na nai anin ndia dalek fa. Lelek anin ndia nakamate, boema dae manggengo ka da'di, tehu Manetualain ta natu'du aoinan-na nai dae manggengok ndia dalek boen.

YEREMIA 49:36

Neukose Au fuu anin-na leo Elam neme basa mamanak lala'en-na, ma Au fe laun-nala leu leo mamana fe'ek fo ta hapu nusak esa boen soaneu mamanak malaik neme Elam ndia.

DANIAL 11:4

Tehu losa fai matua-mademan mate'en-na soona, neukose nusan-na heaba'en fo nanababa'ek da'di baba'ek 4. Mane-manek fo ndia tititi-nonosin ta sila fa, neukose ala paleta nggatin, tehu be'i-balakain-nala ta sama no fan.

ZAKHARIA 6:1

Au hapu ninita fe'ek. Oek ia, au ita kaleta natee-natatik 4, ala kalua leme lete liti 2 tala'da mai.