ZAKHARIA 6:12 - Susula Malalaok Hehelu Palak Ma Hehelu Beuk

¹² Mafa'dan mae Au, Manetualain Fo Manakoasa, nafa'da nae, ‘Hataholi fo loken lae, Manabuku beuk-ka, neukose naua-nanale nai mamanak fo ana leo, ma neukose nafofo'a falik Manetualain Uman-na.

ZAKHARIA 6:12 Referans Kwoze

ZAKHARIA 3:8

Mamanene leon, hai Imam Matuaina Yosua, boeo emi, imam-imam fo manada'di Yosua nonoon-nala lemin, emi basa-basam-mala nde been-na, salaok neme emi maso'dam manamaim-mala, malole. Nai tepo-lelek ndia, neukose Au adenu Au atang fo loken lae, ‘Manabuku beuk’.

YEREMIA 33:15

Neu faik ndia te, Au hele hataholi esa fo ndos ma matetuk neme Dauk tititi-nonosin neukose ana da'di manek. Manek ndia neukose ana tao hata fo ndos ma matetuk ma tete'ek-ka nai basa nusak-ka lala'en-na.

YEREMIA 23:5

Manetualain nafa'da nae, “Neukose losa fain-na te, Au so'u-a manek esa fo ndoos ma matetuk neme Dauk tititi-nonosin-na mai. Manek ndia neukose ana paleta no ndolu ma malelak, ma ana tao beek soona, ndoos ma matetuk nai basa nusak-kala.

YESAYA 11:1

Mane Dauk-ka, tititi-nonosin sama leo ai nanalo'o henik-ka so. Tehu sama leo ai nanalo'o henik ndia huun-na nape'du beu, leondiak boe, neukose manek esa ana to'da mai neme Dauk tititi-nonosin mai.

YESAYA 4:2

Neukose losa fain-na te, Manetualain tao basa bubu'u-palusa, ma ai-la moli fo lamatua, fo nusak ia mana'ahiik. Nai faik ndia, neukose hataholi Israel fo maso'dak-kala, neukose lamahoko-setelee ma dalen-nala lamatua, nanahu dae-oen buna-boan-nala.

YESAYA 53:2

Manetualain nau, atan ndia sama leo nupuk-ka, fo ana moli nai dae tokotik. Ta hapu mana'ahiik, nai aopaan-na, fo ita meten fa; ta hapu hata esa fo nandaa, soaneu ita tahiik-kana fa.

HATAHOLI 17:31

Nana naketu basa faik esa soaneu naketu-nala'di basa daebafak ia lala'ena tunga matetu na. Manetualain hele basa hataholi esa soaneu nakalala'ok bela ba'uk ndia. Boema fo ela basa hataholi lala'ena lamahele dede'ak ndia de Manetualain tao naso'da falik hataholi ndia neme mamate sa mai so!”

IBRANI 8:3

Basa Imam Matua Ina la, nanaso'uk soaneu ana fe tutunu-hohotuk neu Manetualain. Leondiak boe, ita Imam Matua Ina; ana muse nanuu hata esa, soaneu Ana tunu-hotu.

IBRANI 7:24

Tehu Yesus naso'da losa dodoo na, da'di nangatutuun da'dileo ima ma, ta lali leo hataholi fe'ek neu fa.

IBRANI 7:4

Da'di ita titan nai ia, Melkisedek ia ba'u na seli; hu ka nde ba'u na seli leondia ka, de nalosa Abraham, fo ita leoina nala ama kai na, ana fen baba'ek esa neme baba'ek sanahulu neme basa hata lala'en fo ana hapun neme musu dale ndia.

1 KORINTUS 3:9

Ami nde bee na hataholi fo sama-sama maue-male'di soaneu Manetualain; ma emi nde bee na, sama leo Manetualain tina-osin. Tolanoo kala nde bee na, sama leo Manetualain uma na boe.

HATAHOLI 13:38

Hu ndia de, tolanoo kala muse bubuluk te tunga Yesus ia, de halak la'eneu sala-singok nanafe do'o do ampo na, nanatui-bengak neu emi; emi muse bubuluk, te hataholi fo namahele nana, nanasoi po'ik neme basa sala-singok fo ta bisa nanalosehenik tunga Manetualain paletan fo Musa nanduku-nalosa kana fa.

YOHANIS 1:45

Felipus natongo no Natanael boema, nafa'dan nae, “Ami matongo mo hataholi fo Musa sesei kana nai Manetualain Susula Hoholo-lalanen dale ka, fo nabi la tui-benga ka. Hataholi ndia nde Yesus neme Nazaret, fo Yusuf ana na.”

LUKAS 1:78

Ita Manetualain dale malole, bai te manasue-laik; soaneu Ana soi-tefa ita de Ana mai. Sama leo le'do tii nai fai fafai na,

MARKUS 15:39

Malanga solda'du matua fo napadeik nai ai nggange ka mata na, nita Yesus mate tao leo beek. Boema malanga solda'du matua ndia nae, “Memak tete'e ka, Manetualain Anan Hataholi ia!”

MARKUS 15:29

Basa hataholi manala'ok tunga mamanak ndia, lakakale langa ma lakamumulu-lakamamaek Yesus lae, “Hee, O nde nau tao matu'u Manetualain Uma na, fo O mafofo'a fali kana, ka'da nai faik telu dale na hetu.

MARKUS 14:58

“Ami mamanene hataholi ia nafa'da nae, ‘Neukose Au tao atu'u Manetualain Uman fo hataholi daebafa ka nde taon ia, fo basa faik telu soona, neukose Au apadedeik uma fe'ek esa, fo hataholi daebafa ka ta nde tao nana fa.’ ”

MATEOS 26:61

de lae, “Hataholi ia nafa'da nae, ‘Au hapu tao atu'u Manetualain Uma na fo Au apadedeik fali kana, ka'da nai faik telu dale na.’ ”

MATEOS 16:18

Hu ndia de bubuluk leona te, O nde bee na Petrus, fo batu matea-mahelek. Nai batu netes ndia lain, nde neukose Au apadedeik Au mamaso nga, fo ta hapu sengi fan, leomae mamate sa boe!

ZAKHARIA 13:7

Manetualain Fo Manakoasa, nafa'da nae, “Fo'a leon, hai tafaina, fo sapu-ma manafoo fo naue-nale'di fe Au! Taomisan leona, soona neukose bi'ilopo-la tapasasala. Neukose Au sapu-a Au anang-ngala,

ZAKHARIA 8:9

Manetualain, nafa'da anan-nala nae, “Matetea emi dalem-ma. Besak ia, emi boeo mamanene hala-kokolak fo nabi la kokolak-kana, nai lelek ala pe'da batu makasososak fo lafofo'a falik Au Umang-nga.

EZRA 3:10

Lelek tuka uma-la mulai lafofo'a Manetualain Uman-na laten-na, boema basa imam-mala pake ba'du manalu no ala ho'u pupuuk, fo langatuuk leu esa-esak mamanan. Hataholi Lewi-la leme teidale-bobongi Asaf-fa mai boeo, lapadeik lai ndia no ala ho'u meko anak-kala. Ala koa-kio Manetualain nandaa no nakanenetek fo nananaketu basak, ndek Mane Dauk-ka tepo-lelen-na.

EZRA 3:8

Boema neu hataholi Yahudi-la bula ka dua-na, fo nai lelek hataholi Israel-la fali ma'is leo Yerusalem mai nai teu ka dua-na, boema ala mulai lafofo'a falik Manetualain Uman-na. Zerubabel, Yesua no nonoon fo sila leoina esa, ma basa imam-mala, hataholi Lewi-la, dede'a keke'un-na, basa hataholi nanafoo haik-kala, ala tunga tao bela-ba'uk ndia. Ala hele hataholi Lewi, fo teun duahulu leo lain neu, fo lanea hataholi manalafofo'a Manetualain Uman-na ndia.

IBRANI 10:12

Nasafali na nae, Kristus fe ka'da tutunu-hohotuk la'iesa, fo nde aoina na mesa kana, sala-singo ka hapu do'o do ampon, ma tutunu-hohotuk ndia nanapakek soaneu losa dodoo na. Kristus fe basa tutunu-hohotuk ndia, boema neu nangatuuk neu Manetualain boboa kona na, de Ana paleta sama-sama no Manetualain.

YOHANIS 19:5

Boema lo Yesus leo deak neu te Ana paken ti'ilanga nggauk ma ba'du manalu pilabalanggeok esa. Boema Pilatus nafa'das nae, “Mete hataholi ndia leona.”

AMOS 9:11

Manetualain nafa'da nae, “Neukose fain-na losa, Au tao-a Dauk nusan-na fo'a seluk. Besak ia, nusak ndia da'di sama leo uma fo ana tu'u neu so. Tehu neukose Au tao ahii papala nanadaman-nala, fo Au afofo'a falik-kana, fo ana da'di sama leo makahulun eli.

YESKIAL 41:1

Touk ndia, noo au leo kama tala'dak-ka neu, fo loken lae Mamana Fo Malalao-malalafuk. Ana uku mangalolok manaleo ndia neu, de nalun-na metel telu,