ZAKHARIA 4:7 - Susula Malalaok Hehelu Palak Ma Hehelu Beuk

⁷ Leomae mana mapanggenggek-ka ba'u letek-ka boeo, neukose nanasi'u henik neme o matam-ma mai. Neukose, o mafofo'a falik Au Umang-nga, ma nai lelek o pe'da batu makasososak-ka neu mamanan-na, neukose hataholi-la laloo beboo lae, ‘Mana'ahiik nanseli!’ ”

ZAKHARIA 4:7 Referans Kwoze

YEREMIA 51:25

Hei Babel, o sama leo letek fo ana tao nakalulutuk basa daebafak. Tehu Au, Manetualain neukose la'ban o, Au hele loloso ma loli o leo ha'i fo ela ha'i na'a heni o da'di afu.

ZAKHARIA 4:9

nae, “Zerubabel pe'da basa Au Umang-nga batu makasososan-na so, de neukose ana tao nakababasak uma ndia lala'en-na. Metema, dede'ak ndia ana da'di soona, neukose Au anang-ngala bubuluk, lae Au nde adenu o, fo Zakharia neu leo sila neu.

MIKHA 4:1

Nai fai-fai manamaik-kala, pupukuk, fo Manetualain Uma mamanan-na, neukose napadeik natetu ma boetai namadema lena heni letek-kala ma pupukuk-kala. Leoina lala'en-na, faa beosu leo naa leu.

MAZMUR 118:22

Tuka uma-la, tu'uheni batu-la, ana da'di batu netes.

MAZMUR 114:4

Letek-kala lakaboboku, sama leo bi'ihiik-ka, pupukuk-kala lakabibiti sama leo bi'ilopo ana.

1 PETRUS 2:7

Ba'eneu hataholi kamahehele kala soona, batu ndia beli na seli, tehu hapu Susula Malalao ka lalanen esa nde ia, ana tu'da la'e hataholi kamahehele tak sila la. Lalanek ndia nae leo ia, “Batu fo tuka uma la, ta pake fan, te see ko na, batu ndia ana da'di batu makasososak,”

HATAHOLI 4:11

Yesus ndia nde nananafa'dak nai Susula Malalao ka lalanen esa nde ia dalek nae, ‘Batu fo emi ndolu uma mala ta pake fan te see ko na ana da'di batu netes.’

YESAYA 41:15

Mete leona, te Au tao o da'di papa kee-keek, fo beuk, matane ma nisin dua, lakadadalak. Neukose o kee-kee letek-kala, ma o tao makalulutuk-kasa; o tao pupukuk-kala da'di sama leo ha'deuk-ka.

MAZMUR 114:6

Hai letek-kala lemin, hu beek de, emi makabobo'ku, ma hai pupukuk-kala lemin, hu beek de, emi makabibiti?

ROMA 11:6

Ana hele hataholi sila nana susue-lalain te ta hu ka nde tatao-nono'i nala fa. Nana metema hu ka nde hataholi daebafa ka tatao-nono'in de Manetualain heles soona, Manetualain susue-lalain ndia, ta matetuk so'on.

MIKHA 1:4

Letek-kala noe henis nai ei tata'bu daen-na sama leo lilik-ka nai ha'i manapilak dale; daen-na ndefa, de ana tu'da leo bafak-kala dalek neu, sama leo oe faa neme pupukuk lain leo dae neu.

YESAYA 28:16

Hu ndia de, Manetualain Fo Mademainan-nafa'da nae leo ia, “Neukose, Au tao uma latek fo, matea ma mahelek nai Sion; batu bu'uk kabelik esa, fo nanasulak nai batu ndia nae, ‘See fo namahehelena matea-mahelek soona, neukose ana ta nau kala fa.’

NINITAK 16:20

Basa pulu la mopos, ma basa lete kala boeo mopo kasa.

EFESUS 2:20

Emi nananafofo'ak nai netes fo Lamatua ka hataholi nadedenu nala lo nabi la, lafofo'a ka lain, fo Kristus Yesus nde da'di batu nete sa.

LUKAS 20:17

Yesus nanganalos boema nae, “Metema leondiak soona, Susula Malalao ka lalanen ia, sosoa na beek? ‘Batu fo tuka uma la ta pake fan so, ana da'di basa batu makasososak so.’

LUKAS 3:5

Masadokek lala'ena, ela leo bee na nanapo'ak, basa lete kala ma pupuku kala, tao matetus. Enok fo mana dopelele'u kala, ela leo bee na tao mamandoos, ma enok fo mana loe-nda'e kala, tao matetus.

MATEOS 21:42

Boema Yesus nafa'das nae, “Ade emi beita lees mita hata fo nanasulak nai Susula Malalaok dale fa do? Nae leo ia: ‘Batu fo tuka uma la ta pake fan ndia, ana da'di batu makasososak so. Manetualain tatao-nono'in leondiak; Tatao nono'in ndia mana'a hiik!’ ”

YEREMIA 33:11

Tehu nai mamanak ndia hapu lamanene halak namahokok-kala ma setelek-kala ma halak feta ka'bing-ngala seluk. Hapu lamanene hataholi-la leni nakamek tutunu-hohotu makasi lo Au umang-nga neu boe. Neukose lafa'da lae, ‘Toke makasi neu Manetualain Fo Manakoasa, nanahu Ndia malole-a, ma susue-lalain manaketu basa tak, ma matetuk.’ Neukose nusak ia Au taon da'di manahapu-manadaik sama leo makasososan-na. Au, Manetualain, nde manakokolak-ka.”

MARKUS 12:10

Tao leo bee o, emi lees basa Susula Malalao ka lalanen esa nde ia nae, ‘Batu fo tuka uma la ta pake fa na, ana da'di batu fo makasososak so.

MATEOS 21:21

Boema Yesus nafa'das nae, “Tete'e ka, metema emi mamahele, ma emi dale ma ta naba'e fa soona, emi hapu tao malak hata fo leo, besa ka Au tao basan neu kaak ia boe. Ma ta ka'da ndia mesa kana fa, te lena-lenak neukose emi hapu mafa'da pupukuk ia mae, ‘Pupuku ko nei, keko fo masok leo tasi dale muu’; soona dede'ak ndia ana da'di.

HABAKUK 3:6

Metema O hahae soona, daebafak-ka dele. Metema O mete soona, leoina-la lakalupu-lakasee. Lete matea-mahelek-kala hea ba'es, pupukuk fo namadema neme doon losa doon-na boeo, ala kaba'o, nai pupukuk sila-la lain nde O la'ok neme tepo-lelek makahulun eli mai.

EZRA 3:10

Lelek tuka uma-la mulai lafofo'a Manetualain Uman-na laten-na, boema basa imam-mala pake ba'du manalu no ala ho'u pupuuk, fo langatuuk leu esa-esak mamanan. Hataholi Lewi-la leme teidale-bobongi Asaf-fa mai boeo, lapadeik lai ndia no ala ho'u meko anak-kala. Ala koa-kio Manetualain nandaa no nakanenetek fo nananaketu basak, ndek Mane Dauk-ka tepo-lelen-na.

MAZMUR 84:11

Malole lenak faik esa, nai O Umam, lena heni faik lifun esa, nai mamana fe'ek. Au helen da'di manamanea lelesu nai au Manetualaing-nga Uman, lena heni leo nai hataholi mangalauk-ka uman.

ZAKHARIA 4:8

Boema, Manetualain hala hehelu fe'en-na, ana mai seluk,