ZAKHARIA 4:14 - Susula Malalaok Hehelu Palak Ma Hehelu Beuk

¹⁴ Boema nafa'da nae, “Ndia nde bee soona, hataholi 2, fo Manetualain fo mana makadada'dik lalai maloa, Ana hele basa duas so, de natu'du duas fo lalalau-laoonon.”

ZAKHARIA 4:14 Referans Kwoze

NINITAK 11:4

Sakasii kaduak sila la nde bee soona, ai zetun ndanak dua ma banu eik dua lai Manetualain fo manamakadada'dik lalai no daebafa ka, matan.

KELUARAN 40:15

Boema lose mina neus sama leo o lose mina neu sila aman, fo ela sila boeo hapu lalalau-laoono Au da'di leo imam. No feta mina ndia, de sila leon-na ho'u lahele imam-ma bela-ba'un neme tititi-nonosik leo tititi-nonosik neu.”

ZAKHARIA 6:13

Neukose, ndia nde nafofo'a falik Au Umang-nga ma ana sipo ha'da-holomata, sama leo manek esa, de neukose ana paleta laun-na. Neukose imam esa non, fo lalau-laoono leuesa no mole-dame.’

MIKHA 4:13

Manetualain nafa'da nae, “Hai laun Yerusalem-mala lemin, meu leona fo heheta-aa'i emi musum-mala! Neukose Au tao a emi da'di balakaik, sama leo sapi fo susulan-na besi ma eifangan-na liti. Neukose emi tao makalulutuk leoina makadotok, ma ala loso-la su'i-betes-sala, neukose emi tunu-hotu fen leo Au, Manetualain, fo manamakadada'dik lalai ma daebafak-ka.”

YEREMIA 49:19

Sama leo meoasu to'da neme lasi dale deka no Lee Yarden ma ana neu leo mook fo bi'i lopo-la mamana nana'an-nala, neukose au mai sama leondiak fo hataholi Edom-mala lalai la'o ela nusan no kaiboik anak. Boema neukose au hele hataholi malanga esa fo ana nalanga nusak ndia. Hapu see fo nakasasamak no au? See napalani tao dede'ak neu au? Ade hapu malangan esa fo ana bisa lena-la'ban au?

SEMUEL SUSULAK-KA ESAN-NA 16:1

Basa teuk de'ubee boema, Manetualain nafa'da Semuel nae, “O dalem-ma he'dis losa fa'ihi'da hu kande Saul? Ade, Saul ta da'di manek Israel so'on hetu? Besak ia, ho'i-ma mina setun, fo muu leo Betlehem muu, soona muu leo hataholi esa na'de Isai, nanahu Au hele basa anan esa da'di manek so.”

SEMUEL SUSULAK-KA ESAN-NA 10:1

Basa boema, Semuel ho'i-na kete mina setun-na, de ana po'a mina ndia neu Saul langan lain, ma ana de'in, boema nafa'da nae, “Manetualain ndo ei basa o da'di manek neu Ndia anan Israel so. Neukose o paleta anan-nala, ma masulu-mahapas leme musun-nala mai. Ta'du-tanan nde ia, nae Manetualain hele basa o da'di manek neu anan-nala:

ULANGAN 10:8

Nai lelek bei leme letek-ka ndia, Manetualain hele hehelik hataholi Lewi-la, fo ala ito-ato Peti Hehelu-balataak-ka, ma lalalau-laoono Manetualain, boema ala kokolak baba'e-papalak nenik Manetualain na'den-na. Sila bela-ba'un nde ndia, losa besak ia.

KELUARAN 29:7

Boema ho'i-ma mina feta fo po'an neu langan lain ma lose neu aon-na.

LUKAS 1:19

Ata nusa so'dak ndia nataa nae, “Au ia Gabrial. Au alalau-aoono Manetualain, ma Ndia nde nadenu au anduku-alosak hala malole ia neu o.

ZAKHARIA 6:5

Nataa nae, “Metema, lasasalematak basa loo Manetualain fo manamakadada'dik lalai maloa soona, leu leo bu'u 4 leu.

YESAYA 54:5

O saotoum-ma nde, Manamakadada'dik o-a. Israel Manetualain malalao-malalafun-na nde bee-na, o Manasoi-manatefam. Na'den-na nde, Manetualain Fo Manakoasa, Ndia nde Manetualain fo, manakoasa daebafak-ka lala'en-na.

YESAYA 5:1

Mamanene au nakameeng, la'eneu au tia-laing-nga osi angon-na Au tia-laing-nga, nanuu osi angol nai pupukuk malolek-ka huun-na.

MAZMUR 110:4

Manetualain soo basa so, de neukose, “Ana ta hela falik hehelu-balataan fo nae, O nde imam losa dodoon-na, sama leo Melkisedek.”

MAZMUR 89:20

Makahulun eli, fo nai ninitak esa dalek, O mafa'da neu O atam fo, manalilinekak mae, “Au tulu-fali basa palani tatibatu esa so, Au hele hataholi esa neme laun-na mai, de Au tao amadedeman so.

MAZMUR 2:6

nae, “Nai Sion, fo Au pupuku malalao-malalafung-nga, Au ndo ei basa manek fo Au helek-ka.”

1RAJA-RAJA 17:1

Hapu nabi esa na'de Elia. Ana da'di neme Tisbe, fo kota esa nai nusa Gilead. Faik esa boema, neu leo Mane Ahab neu de nafa'da nae, “No Manetualain fo maso'dak-ka na'den-na, fo hataholi Israel-la Manetualain-na fo au alalau-aoonon, au afa'da Tuan ae nai teuk dua do telu manamaik ia, neukose ta hapu dinis do u'dan faa anak boen, ta'da fe'e au nde afa'dan nana.”

YOSUA 3:13

Mahani te, metema basa imam-mala fo manandolo Manetualain Peti Hehelu-balataan-na heta ein-nala lala Lee Yarden ndia oen dale soona, oe fo manafaa neme lee langan lain mai-a, neukose nanabakate'te nisak nai mamanak esa.”

IMAMAT 8:12

Basa ndia boema, Musa ndo ei Harun, nenik ana po'a mina feta faaanak leo Harun langan lain neu.

EZRA 5:2

Lamanene nabi ka duak sila-la hala hehelun-na boema, Zerubabel fo Sealtiel anan-na, ma Yesua fo Yozadak anan-na, no lai-laik, ala mulai lafofo'a falik Manetualain Uman manai Yerusalem-ma, de nabi ka duak sila-la tulu-falis.