ZAKHARIA 11:16 - Susula Malalaok Hehelu Palak Ma Hehelu Beuk

¹⁶ Nanahu neukose Au paleta manafoo esa, fo nanea Au bi'ilopo bubuang-nga, tehu ana ta taoafik neu bi'ilopo manasalak-ka, boeo ana ta puli-namo'do bi'ilopo bisuk-ka, ma ana ta fe bi'ilopo maso'dak-ka, na'a fa. Te se'kona, ndia nde na'a bi'ilopo maao-a paan-na, ma ana fe'a bana ndia eifangan-nala.

ZAKHARIA 11:16 Referans Kwoze

YOHANIS 10:1

“Au dede'ang ia tete'e ka la'en. Metema hataholi esa, ana kae tunga bi'i lalae a, te ana tunga lelesu a fa soona, hataholi nakodaa ma manabonga uma ndia, nanahu ana ta tunga lelesu a fa.

YESKIAL 34:21

Emi seseti, ma emi puka bi'ilopo kamahe'dis-sala, nalosa lalai la'oela nonoon-nala,

YESKIAL 34:16

Neukose Au sanga manamopok-kala, neukose Au foo falik manasalak-kala, neukose Au poti-palu manamakahinak-kala, neukose Au puli-amo'do kamahe'dis-sala; tehu neukose Au tao amate-amopo maao-la, ma mabe'i-balakaik-kala, nana Au manafoo fo, tao hata fo malole.

YESKIAL 34:10

Au Manetualain Fo Mademaina, afa'da emi, ae emi musum-ma nde Au ia. Neukose Au ho'i falik Au bi'ilopong-ngala leme emi mai, fo Au ta fe falik-kasa leo emi neu so'on; Au ta fe emi loak, soaneu emi dodoo-dudu'a emi paluu mesam-ma so'on. Neukose, Au soi-po'i Au bi'ilopong-ngala leme emi mai, fo ela emi boso boe do'do fo emi bai.’ ”

YEREMIA 23:22

Leounik-ka ala bubuluk hata fo nanape'da-fuak a Au dudu'a-aafing dale soona, tao leo beo ala tui bengan neu Au anang-ngala basa hata fo Au afa'dak-ka. Soona neukose Au anang-ngala Tuka Tei-sale dale neme sala-singok ma ha'da palik fo mangalauk-ka.

YESAYA 40:11

Sama leo manafoo esa, Ana nakaboboi bana-manun; Ndia mesak-kana, nde tao nakabubuas-sala. Ana ko'o bi'ilopo ana-la, Ana nakalala'ok inan-nala, no dale mangana'uk.

KEJADIAN 33:13

Yakob nataa nae, “Ka'a bubuluk mae ni'iana ia-la tapandoes, ma au muse anea matalolole basa bana-manu bei manasu'uk-kala. Metema foo nakasetik, fo leomae ka'da faik esa mesak-kana boe, neukose mate la'iesak-kasa.

KEJADIAN 31:38

Au leo o To'o, teuk duahulu dalen-na so. To'o bi'ilopo bi'ihiin-nala lamade'u so, tehu au beita u'a ita bi'ihii mane esa boen, neme To'o bana-manun mai fa.

DANIAL 11:36

Neukose manek nusak kii-a, ana tao tunga ka'da dale hihiin-na. Neukose no koao-ndaeaok, nafa'da nae, ndia ba'ulena lamatua daebafak lala'en-na, nakalenak ndia boeo, ba'ulena Manetualain Fo Mademaina. Neukose ana bisa tao leondiak, losa Manetualain nasa-melun nate'e. Nana hata fo Manetualain naketu basan, muse nakahuluk nanatao natetuk dei.