ZAKHARIA 1:20 - Susula Malalaok Hehelu Palak Ma Hehelu Beuk

²⁰ Boema, Manetualain natu'du au, tuka besi 4, leni ai kalapu'ak.

ZAKHARIA 1:20 Referans Kwoze

OBAJA 1:21

Yerusalem laun manasengin-nala, neukose leu sapu-la Edom, fo ala sengin. Soona Au, Manetualain neukose paleta da'dileo manek.”

NEHEMIA 9:27

boema O fes leo musun-na fo no dale susue-lalai tak, ala koasas ma tuni-ndenis. Tehu nai susa fo ana tuni-nalas-sa, laloo bebou neu O loke tutulu-fafalik. O mamanene neme nusa so'dak-ka mai; O fe natataak no susue-lalai henuk. O haitua mauli-malangan ma palani ta'ti batu, fo soi-po'is leme musu nok-ka mai.

SEMUEL SUSULAK-KA ESAN-NA 12:11

Basa boema, Manetualain nadenu Gideon, de basa boema Barak, de basa ndia boema, Yefta, ma mate'en-na au. Ami esa-esak soi-po'i emi neme emi musum-ma mai so, nalosa emi hapu maso'da no tetu-temak.

HAKIM-HAKIM 11:18

Basa boema, ala la'ok lakandoo tunga moo solokaek-ka, tehu ala ta tunga Edom ma Moab nusan-na fa, te ala ho'i eno manalu, nalosa ala losa Moab boboan dulu, fo nai Lee Arnon-na selik. Ala ofu leme naa, tehu ala ta lena leo lee ndia selik leu fa, nanahu dae ndia, nai Moab nusan dale.

HAKIM-HAKIM 11:16

Lelek hataholi Israel-la, la'oela Masir-ra, ala tunga moo solokaek-ka, de leu leo Namo Akaba leu, boema ala losa Kades.

ULANGAN 33:25

Ela leo been-na, nasulu-nahapa kotan-nala nenik lelesuina liti ma besi fo ela leo been-na, so'dan nee-nee lino-linok ma tetu-temak.”

YESAYA 44:12

Tuka besi esa, ana ho'in-na liti bibiak esa, fo ana taon leo ha'i lain neu, fo ana tutun nenik tututuk. Ana tutun nenik basa be'i-balakain lala'en-na. Lelek ana tutu boema, namala'a, maan-na ma'dak-ka, ma ana sota-mangu.