YUNUS 1:14 - Susula Malalaok Hehelu Palak Ma Hehelu Beuk

¹⁴ Hu ndia de, laloo neu Manetualain lae, “Ou Manetualain, ami dokodoe, fo ami boso mopo-mate, nanahu ami taomisa hataholi fo, ta nasala ami fa. Ou Manetualain, O tao basa hata fo O mahiik-kana so.”

YUNUS 1:14 Referans Kwoze

MAZMUR 115:3

Ita Manetualain-na, nai nusa so'dak-ka, Ana tao hata fo, nahiik-kana.

MAZMUR 135:6

Ana tao hata fo, nahiik-kana, nai lalai ma daebafak-ka, nai tasi ma nai tasi maloaina madema.

ULANGAN 21:8

Manetualain, fe do'o do ampon neu Israel, O anam fo, O soi-po'in neme Masir mai. Fe do'o do ampona neu ami, ma boso mafa'da mae, ami nde lu'a-lepa hataholi sala tak fo, nanataonisak ndia.’

EFESUS 1:11

Manetualain tao basa hata lala'ena tunga hihii-nanaun, ma nakeketu mesa na. Neme makasososan mai a, Ana hele basa ita so, nana Ana nau ita da'di Ndia hataholi kamahehelen, hu ka nde ita da'di esa to Kristus so.

MAZMUR 107:28

Nai sila susan-na dalek, laloo bou-bou neu Manetualain, de Ana soi-po'is leme makase'ek-ka dalek mai.

MATEOS 11:26

Fo ndia nde nandaa no, Ama ka dale na.”

YUNUS 1:16

Ofa isi sila-la, bii lanseli neu Manetualain, de ofak-ka see boema, ala tunu-hotu tutunu-hohotuk, ma ala helu dede'a mata-matak-kala neu Manetualain.

EFESUS 1:9

Tunga Manetualain hihii-nanau mesa na de, nafa'da dale tutu'u nafuni na neu ita; naketu basa nae, neukose Ana tao nakababasak dale tutu'u nafufunin ndia, tunga Kristus.

HATAHOLI 28:4

Lelek fo pulu ndia lau nala lita menge doko-doko nai Paulus lima na boema, esa naa'da esa nae, “Hataholi ia tao leo bee o hataholi kanisak, de leomae naso'da neme soe tasi mai, tehu Nitu Lalais Inak fo Mana Maketu-Mala'di tunga ndo na, ana ta po'ilota kana naso'da fa.”

YESAYA 26:16

O huku basa ami so, nai ami makase'em-ma dalek, ami fali leo O mai, ma hule-haladoi neu O, Manetualain.

KEJADIAN 9:6

Hataholi daebafak-ka, nananakadada'dik sama leo Au; hu ndia de, ba'eneu see, fo ana taonisa hataholi soona, neukose hataholi taonisa hataholi ndia boe.

YUNUS 1:13

Tehu basa ofa isi-la bei puselanggeok-ka no sefe ofak ndia leo dae ma'dak-ka neu. Tehu ani-sangu matuaina boetai nakadedele, nalosa sila puselai panan ndia sosoa-ndandaan ta.

YUNUS 3:8

Hataholi la ma bana-manu muse pake si'di kalong. Fo da'dileo ta'du-tana nasasale dalek, basa hataholi-la muse hule-haladoi te'e-te'e neu Manetualain. Sila muse tao matalolole sila ha'da tatao mangalaun-nala, ma sila ha'da-tataon fo henuk no sala-singok-ka.