YUDAS 1:23 - Susula Malalaok Hehelu Palak Ma Hehelu Beuk

²³ Tulu-fali hataholi fe'e kala fo daenga laso'da, nono'ka bai de, emi hela henis leme ha'i pilak dale mai. Tulu-fali hataholi fe'ek, tehu manea matalolole, fo daenga emi boso tunga hataholi sila la, sala-singon. Soaneu hataholi fe'e kala, ela leo bee na emi sue-lais no bibii-namatua'uk, tehu mamanasas, nakalenak bua papake nala, hu ka nde sala-singo nala.

YUDAS 1:23 Referans Kwoze

1 TIMOTIUS 4:16

Manea o ao ina ma, ma manea o nanoli ma boe. Ela leo been-na, o lilineka mahele nai basa dede'ak sila la dalek, nana no enok ndia, neukose o moo hataholi fo lamanene o nanoli mala, hapu so'dak.

1 KORINTUS 15:33

Boso fe hataholi ke'dindiu na emi. Leleo-napalasa ta malole a, tao nalutu ha'da-palii malole a.

NINITAK 3:4

Tehu hataholi de'ubee nai emi dalek lai Sardis, bei laso'da malalaok lahele da'dileo hataholi Salani ka. Mahani te neukose hataholi sila la pake bua-lo'a fulak fo ala la'ok sama-sama lo Au, nanahu sila landaa soaneu dede'ak ndia.

NINITAK 3:18

Hu ndia de Au anoli-afa'da emi fo ela asa lilopilas neme Au mai, fo nde lilopila isi ka, fo ela emi da'di kamasu'ik. Boeo asa bua-lo'a fulak neme Au mai, fo ela emi mabua-lo'ak fo babaketu emi ha'da-tatao makaholam ma manini mamae ka. Ma asa aidok boe, fo lose neu emi mata ma fo ela emi hapu mita.

ROMA 11:14

Au amahena, au uni nape'da dalek fe au leoina ngala, fo no enok ndia, au hapu soi tefa ala sila nggelok.

2 TESALONIKA 3:14

Fafakama neukose hapu hataholi ta nau tunga hata fo ami mafa'dan nai susulak ia dalek fa. Soona, ia'akouk hataholi matak leondia ka, ma boso leo-mapalasa moon, fo daenga ana mae.

YESAYA 64:6

Ami basa-basam-mala nde been-na, hataholi manggenggeok, nakalenak ami tatao-nono'i malolem-ma boeo, ta kandaak ma maggenggeok. Neukose mopok ami, nanahu ami tatao-nono'i mangalaum-ma, sama leo anin-na fuu neni akidook-ka.

AMOS 4:11

Au tao amopo-amate emi nggelok, sama leo Au tao amopo-amate Sodom ma Gomora. Fo bei ela emi hataholi maso'dam-mala nde been-na, sama leo ho'i-na ha'ilutek-ka neme ha'i dale mai. Leomae leondiak boe, emi ta nau fali leo Au mai boen.

IMAMAT 14:47

Ba'eneu see, fo ana sungu do na'a-ninu nai uma ndia dalek soona, muse ana safe bua papaken-na.

1 KORINTUS 3:15

Tehu metema hataholi ndia ue osan ha'i na'ahenin soona, neukose ana tu'da; neukose aoina na naso'da, tehu sama leo hataholi fo besa ka nala ha'i selik.

RATAPAN 4:14

Sama leo hataholi pokek-ka naleu-nalaak nai enok-kala lain, kota Yerusalem-ma mauli-malangan-nala leondiak. Bua papaken-nala langgenggeo nanahu daak-ka nalosa ta hapu hataholi nau koila'e fas.

IMAMAT 15:17

Bini-ngges ndia la'e su'di beek fo taon neme temak do neme ai louk do bana louk-ka mai soona, muse safe buas sila-la; buas sila-la manggenggeok losa le'do tenak.

2 KORINTUS 5:11

Ami bubuluk, sosoak hata ita bii Lamtua ka; hu ndia de ami sanga enok fo hataholi la lamahele, see ami ia. Manetualain nalelak besa-besa no ami, de au amahena emi boeo malelak ami nai emi dalem dale.

2 YOHANIS 1:11

Nana, see nate'a hataholi matak leondia ka soona, ana tunga hataholi ndia, fo duas tu'da leo tatao-nono'i mangalauk ndia dalek leu.

YUDAS 1:22

Ba'eneu hataholi dale ka ba'e kala, ela leo bee na emi matu'du emi dale susue-lalaim neus.

AMSAL 7:8

Nai fai le'donoson-na nai lelek sanga makahatu soona, touanak ndia la'o-la'o nai enok kaba'ek fo mana neu leo inak ndia uman-na.