YOSUA 9:4 - Susula Malalaok Hehelu Palak Ma Hehelu Beuk

⁴ Boema ala ho'i nakeketuk, fo ke'di-ndiu Yosua nenik, ala fua kalong palaak, ma mamana angol bana louk manada'di taak-kala neu sila keledein-nala lain. Ma ala sadia loti tuuk manapukuaik-kala da'di neu tua-lepa.

YOSUA 9:4 Referans Kwoze

LUKAS 16:8

Boema pegawi manape'da doik fo manaputa-paik ndia, malanga na koa-kion, nanahu tatao-nono'i puta-pain ndia. Maso'dak nai daebafak ia, sama na leondiak! Hataholi daebafak ia la ito-ato puta-paik lalelak sila ito-aton neme hataholi fo naso'da nai mangale'do ka dalek.”

MARKUS 2:22

Leondiak boe, ta hapu hataholi di'a angol beu ka leo alukosu bana lou palaak dale neu fa. Nanahu angol beuk ndia neukose ana tao naka'di alukosu bana louk ndia. Fo neu mate'e na te, tapaheni la'iesa kasa. Anggol beu ka muse di'an leo alukosu bana lou beuk dale neu boe!”

MATEOS 10:16

“Taoafik neu dede'ak esa nde ia te: Au adenu emi sama leo bi'i lopo tapandoe sa, neu leo busa fui makaa mangalau ka tala'da neu. Hu ndia de, emi muse manea sama leo menge a, tehu emi dale ma ndoos, sama leo manupui kalua sina.

MATEOS 9:17

Leondiak boe, ta hapu hataholi sali angol beu ka leo alukosu banalou palaak dale neu fa. Nanahu neukose alukosu ndia siba'en ma nalutun fo po'aheni ango la. Angol beu ka muse salin leo alukosu beuk dale neu boe, fo tao ka nde duas beuk mesa-mesan.”

MAZMUR 119:83

Au loung-nga kukulu, sama leo alukosu angol palaak-ka, tehu au ta afandele heni O nakeketum-ma fa.

KEJADIAN 34:13

Nanahu Sikhem tao nanggenggeo basa sila fa'din Dina na'den-na boema, Yakob anan-nala lasapepeko-lasandandali neu Sikhem ma aman Hemor.

YOSUA 9:3

Tehu, hataholi Gibeon-nala leme leoina Hewi-a mai, lamanene basa la'eneu hata fo, Yosua taon soaneu Yerikho ma Ai so.

YOSUA 9:5

Ala pake bua-lo'a si'da-saik ma ta'buein-nala palaak ma nanatanak.

YOSUA 9:13

Ma alukose angol ia-la bei beuk, nai lelek ami sali angol leo dalek neu; tehu besak ia, metes leona! Siiba'es so. Ami bua papakem-ma, ma ami ta'bueim-ma boeo, nalutus so, nanahu leleo-lala'o madooina ia.”

YOSUA 9:12

So'ba Tuan-tuan-nala mete loti, fo ami tua-lepam ia-la leona. Lelek ami la'o, loti ia-la bei lato'bi. Tehu besak ia, metes leon! Lamatuu, ma ala pukuai so.