YOSUA 8:4 - Susula Malalaok Hehelu Palak Ma Hehelu Beuk

⁴ ma ana fes paleta nde ia nae, “Ke'ke meu kota ndia boboan eli, tehu boso nai dook-ka nanseli; ma maheheleaom, fo meu sapu-malas.

YOSUA 8:4 Referans Kwoze

HAKIM-HAKIM 20:29

Hataholi Israel-la, lamanene Manetualain natataan ndia boema, ala pe'da sila solda'dun-nala neu mamana nafunik-kala nai Gibea boboa-kaisun.

HATAHOLI 23:21

Tehu Ama boso tunga hataholi sila la nonoken ndia, nana hataholi hahulu lenak leu lahani Paulus nai eno tala'dak. Hataholi sila basa-basas soo-supa basa lae, ta la'a linu fa, metema ala beita taolisa Paulus fa. Besak ia lahehele aon basa so, te bei lahani ka'da Ama hala natataa na.”

PENGKHOTBAH 9:16

Da'di, au hahapung-nga la'en nae manatee-tenok-ka lena heni bei-balakaik-ka. Leomae leondiak boe, hataholi nuu-taa hata-taak-ka manatee-tenon-na ta nanataoafik fa. Ta hapu hataholi taoafik neu hala-kokolan fa.

PENGKHOTBAH 7:19

Manatee-tenok-ka tao-na hataholi fo nanuu manatee-tenok-ka aon-na boetai makadelek neme manakoasa 10 nai kota esa.

SEMUEL SUSULAK-KA ESAN-NA 15:5

Basa ndia boema, Saul no solda'dun-nala leu sama-sama leo kota Amalek-ka leu, de ala sapu-la musu-a nai lee ma'dak esa dalek.

SEMUEL SUSULAK-KA ESAN-NA 15:2

Neukose Ana huku hataholi Amalek-kala, nanahu sila bei-ba'i kain-nala la'ban hataholi Israel-la, nai lelek hataholi Israel-la mai leme Masir mai.

HAKIM-HAKIM 20:36

Besak-ka Benyamin hataholin-nala lame'da, lae sila kala so. Israel solda'dun manai uluk-kala, lalai keke'dik leme Benyamin hataholin-nala mai, nanahu lamahele sila solda'dun manake'ke nai mamana nafunik-kala, nai Gibea boboa-kaisun.

HAKIM-HAKIM 20:33

Lelek Israel solda'dun-nala lakadedeak, ma ala ito-ato seluk sila solda'dun-nala nai Baal-Tamar, boema sila hataholin fo ala pe'das nai Gibea boboa-kaisun-na, no lai-laik, ala kalua leme sila mamana nafunin-nala nai kota deak.

HAKIM-HAKIM 9:25

Hataholi Sikhem sila-la, pe'da hataholi manamahanik-kala lai letek-kala poin-na, fo ala ho'u Abimelekh. Hataholi see tunga ndia soona, hataholi manamahanik sila-la ho'u-lan, fo loso-la bua-lo'an. Boema lafa'da dede'ak ndia neu Abimelekh.

YOSUA 8:16

Ala paleta basa touk manai kota Ai-a, fo leu usi Yosua no solda'dun-nala, de ala boetai dook-ka leme sila kotan-na mai.

YOSUA 8:3

Boema Yosua naheheleaon, fo neu leo Ai neu, sama-sama no la'iesak solda'dun-nala. Ana hele-na, solda'du palani lifun teluhulu boema, nadenus, fo ala la'o le'odaek,

2RAJA-RAJA 7:12

Nai lelek ndia, bei makahatuk-ka, tehu manek-ka, kalua neme kama susungun dale mai boe, de nafa'da basa hataholi mana'a ngga'din-nala nae, “Mamanene te! Au bubuluk, hataholi Siria-la dale tutu'un-na! Ala bubuluk ita bei popo-tamala'a-popo-tamandoe, hu ndia de, ala la'oela uma ofun-nala, de leu ke'ke nai mook-ka, fo ala fufu'di ita kalua, fo teu sanga nana'ak. Basa ndia soona, neukose ala sapu-la ita, fo langatuu-la, ita kotan-na.”

2TAWARIKH 13:13

Ndia te, Yerobeam haitua solda'dun-nala seli soaneu leu sapu-la Yehuda solda'dun-nala leme dea mai, boema solda'dun-nala seli seluk sapu leme uluk mai.

HAKIM-HAKIM 9:32

Hu ndia de, ela leo been-na, le'odae soona, o moo o hataholim-mala meu ke'ke nai tina.