YOSUA 7:6 - Susula Malalaok Hehelu Palak Ma Hehelu Beuk

⁶ Yosua ma basa hataholi Israel-la, mauli-malangan-nala, dalen-nala he'dis nanseli, nalosa ala sisii-lulu'i bua-lo'an, de lele'dok esa dalen-na, losa le'odae, ala sene-do'ok nai Manetualain Peti Hehelu-balataan matan-na, ma ala tao afu neu langan-nala lain, fo da'di leo ta'du-tana dale he'dik.

YOSUA 7:6 Referans Kwoze

KEJADIAN 37:29

Lelek Ruben fali leo oedolu ndia neu te, ta nita Yusuf nai ndia so'on boema, ana sii sii-lulu'i bua-lo'an nanahu dalen-na he'di sa.

KEJADIAN 37:34

Yakob siiba'e bua-lo'an nanahu dalen-na he'di sa ma ana pake bua-lo'a manafaluk. Ana kii-makaleleu anan ndia fai-faik.

RATAPAN 2:10

Lasi nggolok manai kota, langatuuk denge-denge nai dae lain; ala nggali afu leo langan-nala lain neu, ma ala pake lafa kalong fo da'di ta'du-tana susa. Anafe'oanak-kala boeo, lakatele langan-nala losa dae lain.

2 SEMUEL 13:31

Manek-ka fo'a napadeik, boema ana sii sii-lulu'i bua papaken-na, nanahu dalen-na he'dis-sa, ma ana bala aoinan-na neu dae lain. Basa hataholi mana'a ngga'din-nala boeo, ala sii sii-lulu'i sila bua papaken-nala.

BILANGAN 14:6

Yosua, fo Nun anan-na, ma Kaleb, fo Yefune anan-na, fo hataholi ka duak ia-la, lai manamakuk sila-la dalek boe, ala sisii-lulu'i bua papaken-nala, fo da'di neu ta'du-tana manasusak.

NINITAK 18:19

Boema ala sosonu daesopuk leo langa nala lain neu, da'dileo ta'du-tana fafaluk, boema ala kii-makaleleu, ma ala nggasi-nggasi mesan lae, “Awii, susa soen ba'una seli ba'eneu kota matuaina ia! Su'i-beten tao na basa hataholi fo nanuu ofak nai tasi lai, ala da'di lamasu'i! Tehu nai ka'da li'u esa mesa kana, de kota ndia namopo basa-basan lala'ena so!”

HATAHOLI 14:14

Lelek fo Barnabas no Paulus bubuluk hataholi sila la sanga tao beek ndia boema, duas sisii-lulu'i bua papake nala, de lalai leo hataholi makadotok sila la tala'da leu ma ala nggasi lae,

AYUB 2:12

Tehu lelek bei lai dook-ka, te lakanae litan so, tehu hihii lae, ta lalelak-kana so'on. Boema, ala kii, de ala dola heni halan-nala, ma ala sii-sii lulu'i bua papaken-nala, boema ala nggali afu leo lain neu, ma leo langan-nala lain neu.

AYUB 1:20

Boema, Ayub fo'a napadeik, de ana sii-sii lulu'i bua papaken-na ma ana nggeu polik langan-na, da'di ta'du-tana dale-he'dik. Basa boema ana senek,

ESTER 4:1

Lelek Mordekhai namanene hata fo ana da'di so, boema ana sii nakalulutuk bua papaken-na, de ana pake lafa lapik, fo da'di neu ta'du-tana dale he'dik. Ana nggali afu leo langan lain neu, boema ana la'ok nai kota dale, ma ana kii dola-dola mesan, no dale he'dik.

2 SEMUEL 12:16

Boema, Dauk hule-haladoi neu Manetualain fo ela ni'iana ndia lea-hai. Ana oka aon-na, ma tunga-tunga le'odaen-na, nangape'uk nai kaman dale, tehu nai dae lain.

2 SEMUEL 1:12

Ala makaleleu ma ala susa, boema ala okaaon-nala, soaneu Saul ma Yonatan, ma soaneu laun Israel-la, soaneu Manetualain anan-nala, nana mate hataholi makadotok nai natee-natatik ndia dalek.

SEMUEL SUSULAK-KA ESAN-NA 4:12

Hataholi esa neme leo Benyamin-na mai, nalai neme natee-natatik dale mai, de neu leo Silo neu, boema ana losa faik ndia boe. Ana sii-sii lulu'i bua papaken-na, ma ana tao dae neu langan lain, fo da'di ta'du-tana manasusak.

HAKIM-HAKIM 21:2

Besak ia, leu leo Betel leu, de langatuuk losa le'odae no dale he'dik, nai Manetualain matan. Ala kii ma laloo bebou lae,

HAKIM-HAKIM 20:26

Boema, hataholi Israel-la leu seluk leo Betel leu, de ala kii neu Manetualain. Ala okaaon-nala losa le'odae nai naa, ma ala tunu-hotu tutunu-hohotu mole-dame, ma tutunu-hohotu nanatunuk soaneu Manetualain.

BILANGAN 16:45

“Makadedeak meme hataholi sila-la mai. Te neukose Au tao amopo-amates lai mamanak ndia boe!” Duas senek

BILANGAN 16:22

Tehu Musa no Harun senek, de lafa'da lae, “Ou Manetualain, O nde fe maso'dak neu basa hata maso'dak lala'en-na. Metema ka'da hataholi esa mesak-kana nde nasala-nasingo soona, ade O mamanasa basa hataholi Israel-la lala'en-na do?”

YOSUA 7:7

Yosua nafa'da Manetualain nae, “Ou Manetualain fo au Manetualaing-nga! O moo ami losa leo Yarden selik ia mai, soaneu beek? Ade, soaneu fe ami neu hataholi Amori-la do? Fo ela ami mate do? Malole lenak, ami leo ka'da naa, fo nai Yarden selik!

2 SEMUEL 1:11

Dauk namanene boema, ana siba'e bua papaken-na, nanahu dalen-na he'dis-sa, ma solda'dun-nala boeo ala tao leondiak.

2RAJA-RAJA 22:11

Manek-ka namanene susulak sila isi-liin boema, ana sii-sii lulu'i bua papaken-na, nanahu dalen-na he'dis-sa.

2TAWARIKH 34:19

Manek-ka namanene susulak sila-la isi-liin boema, ana sii-sii-lulu'i bua papaken-na nanahu dalen-na he'dis-sa.

AYUB 42:6

Hu ndia de, au afandele basa au hala-kokolang lalaena soona, au mae, ma no nasasale dalek, au angatuuk nai dae sopuk ma afu dale.”

HAKIM-HAKIM 11:35

Leondiak Yefta nitan boema, Yefta dalen-na he'dis nanseli, nalosa ana sii-sii lulu'i ba'dun-na, ma nae, “Awii, anang-ngonei, au daleng-nga nakalulutuk! Tao le'e de, o taom-ma au daleng-nga he'dis-sa? Au soo-supa basa neu Manetualain so, de au ta hapu hela falik-kana so'on!”

2 SEMUEL 1:2

Balahaa boema, ta'eanak esa, ana mai neme Saul mamana ofun-na mai. Ana siba'e bua papaken-na, ma ana tao dae leo langan lain neu, fo da'di leo ta'du-tana manasusak. Neu leo Dauk neu, de ana senek neu Dauk matan-na.

2 SEMUEL 13:19

Boema, Tamar tao afu neu langan lain, ana siiba'e ba'du manalun-na, de ana la'o no ana ko'o ketu mata-panan nenik liman duas, ma ana kii noi-noi.

EZRA 10:1

Lelek Ezra hule-haladoi boema, ana kii ma ana manaku sala-singon nai Manetualain Uman-na matan-na, boema hataholi Israel makadotok nanseli, ala mai, de lakabubua, nau touk do inak, ma ni'iana boe. Ala okofeo-lan, boema ala dola-dola mesan.

NEHEMIA 9:1

Nai bulak ndia fain duahulu haa boe, laun Israel-la lakabubua. Ala okaaon-nala fo latu'du lae sila sale-dale neu sila sala-singon-nala. Ala ta lakabubua loo basa hataholi nusa dea-la fa. Ala pake lafa kalong ma ala nggali dae neu langan-nala lain, fo da'dileo ta'du-tana dale he'dik. Basa boema, ala fo'a lapadeik fo ala manaku basa sila sala-singon lala'en-na, ma sila bei-ba'i kain-nala sala-singon.

ESTER 4:3

Nai basa propensi lala'en-na boeo, hataholi Yahudi-la kii makaleleu, nai lelek ala po'a-benga manek-ka paletan-na. Ala okaaon-nala, ala kii ma lahoo, ma sila ba'uk-ka pake lafa lapik, de langape'uk lai afu lain.