YOSUA 24:27 - Susula Malalaok Hehelu Palak Ma Hehelu Beuk

²⁷ Basa ndia boema, Yosua nafa'da basa hataholi sila-la nae, “Batu ia, ana da'di ita sakasiin-na. Basa hala-kokolak fo Manetualain kokolak-kana neu ita, Ana kokolak basan nai batu ia matan-na so. Da'di, neukose batu ia, nde da'di sakasii ba'eneu emi, fo ana fe nafandendelek neu emi, fo ela emi ta la'ban emi Manetualaim-ma fa.”

YOSUA 24:27 Referans Kwoze

LUKAS 19:40

Yesus nataa nae, “Mamahele leona! Te metema hataholi sila la bedenge soona, batu ia la neukose ala eki.”

YOSUA 22:34

Mate'en-na, leo Ruben ma Gad ndia, lafa'da lae, “Mei tutunu-hohotuk ia, ana da'di sakasii soanei ita basa-basa-tala nae Manetualain nde Manetualain-na.” Boema ala foi mei tunu-hotuk ndia na'de, “Sakasii.”

MATEOS 10:33

Tehu metema see nalelesi Au nai lea matan nae, Au ana mana tungang ta ndia fa soona, neukose Au boeo, alelesi hataholi ndia, nai Au Amang manai nusa so'da ka matan boe.”

ULANGAN 31:26

“Ho'i-ma Manetualain susula Hoholo-lalanen ia, fo pe'dan neu emi Manetualaim-ma, Peti Hehelu-balataan-na, boboan-na, fo ela nahele neme ndia, fo da'di leo sakasii esa, ba'eneu leoina ndia.

YESAYA 1:2

Hai lalai, mamanene leon hai daebafak-ka, taoafik leona! Manetualain nafa'da nae, “Au anang fo Au akabobois-sala, ala lena-la'ban Au paletang-nga so.

AMSAL 30:9

Nana, metema au amasu'i soona, fafa'kama au afa'da, ae au ta paluu O so'on. Ma metema, au nuu-taa hata-taak soona, fafa'kama au amanako, nalosa au tao anggenggeo O na'dem-ma.”

AYUB 31:23

Neukose, au ta tao leondiak fa, nana Manetualain huhukun-na, taon-na au bii-amata'u anseli.

SEMUEL SUSULAK-KA ESAN-NA 7:12

Basa ndia boema, Semuel napadedeik batu esa nai Mizpa no Sen dae toon-na. Nafa'da nae, “Tete'ek-ka Manetualain tulu-fali ita so.” – boema ana foi batu ndia na'de, “Batu Manatulu-manafali.”

ULANGAN 32:1

“Hai, lalai, mamanene leona, te au hii kokolak; hai daebafak-ka, pasak di'idoom-ma leona!

ULANGAN 31:21

ma neukose, susa-soe matuaina makadotok, ala tuni-ndeni lalas. Tehu neukose, lakamee lahele nakameek ia, ma ala paken da'di leo, sakasii soaneu sila. Nakalenak besak ia, Au beita oos leo nusak fo, Au heluk-ka neu fa, te bubuluk sila dudu'a-aafin, tetee-tutu'dan so.”

TITUS 1:16

Lafa'da lae, sila lalelak Manetualain, te se'kona nai tatao-nono'i nala, dalek soona, lalelesi Manetualain. Sila hataholi nanamaluak, ma ta mana tunga paleta fa; Hataholi sila la nde bee na hataholi fo, ala ta hapu tao tatao-nono'i malole esa boen.

ULANGAN 31:19

Besak ia, sulak-ma, nakameek-ka nde ia, fo manolin neu leoina Israel-la, fo da'di leo sakasii ba'eneu sila.

ULANGAN 30:19

Besak ia, emi bole hele, maso'dak-ka, do mamates-sa, Manetualain baba'e-papalan, do sosoo-susupan. Au aloo lalai-a ma daebafak-ka, fo ala da'di sakasii neu emi nakeketum-ma. Hele maso'dak-ka leona.

ULANGAN 4:26

Ela leo been-na, nai faik ia, lalai-a no daebafak-ka da'di sakasii, lae metema emi ta nau tunga au fa soona, neukose no lai-laik, mopok emi neme dae fo emi leon nai Lee Yarden-na selik eli.

NINITAK 3:8

Au bubuluk hata fo emi tao-no'in: Au bubuluk basa, emi balakai ma ta ba'u ka fa, tehu emi tunga Au nanoli ngala so, ma emi lilineka mahele neu Au. Ba'eneu emi soona, Au soi basa lelesu esa so, fo su'di see a boe, ana ta hapu kena fan.

HABAKUK 2:11

Bai te, batu-batu manai papala nanamadak-ka, laloo bou-bou soo-supa o, ma uma-la diin-nala po'a-benga halak manamaloo bou-bouk ndia.

BILANGAN 11:20

tehu emi mi'an bula katemak esa dalen-na, losa emi mamahe'di-mapalau, ma emi muta hu kande nana'ak ndia. Manada'dik ndia ana da'di, nanahu emi tipa Manetualain fo manai emi tala'da heom-ma. Ma boeo, hu kande emi kii basa nai matan, ma emi haladoi mae emi la'oela dae Masir-ra so.”

YOSUA 24:28

Mate'en-na, boema Yosua nadenu hataholi sila fali le'us; boema basa-basas fali le'us leo esa-esak daen-na neu.

AYUB 31:28

Sala-singok matak leo ndiak-ka, nandaa huku nisan; hu kande nalelesi Manetualain, Fo Manakoasa so.

YESAYA 59:13

Ami malelesi, ma lena-la'ban Manetualain, ma ta nau tunga, ami Manetualaim-ma fa. Ami tuni-ndeni basa hataholi fe'ek, ma la'ok sala so; ami dudu'a-aafim natofa-natalak, ma ami hala-kokolam, masapepeko-masandandalik.