YOSUA 24:21 - Susula Malalaok Hehelu Palak Ma Hehelu Beuk

²¹ Boema hataholi Israel sila-la lataa lae, “Ta! Neukose ami ta makaluku-makatele neu lamatua daebafak fe'ek-kala fa. Neukose, ami mamahele ka'da neu Manetualain!”

YOSUA 24:21 Referans Kwoze

YESAYA 44:5

Neukose hataholi-la, esa-esak manaku nae, ndia aoinan-na, Au nuung ndia, ma ana mai nakabubua no Yakob tititi-nonosin. Esa-esak sulak nai liman-na nae, Manetualain Nuun, ma noke aoinan-na soona nae, Manetualain anan-nala lima-ein.”

KELUARAN 20:19

Lafa'da Musa lae, “Nemen-na, fo o nde kokolak moo ami, te neukose ami mamanene; tehu Manetualain boso kokolak no ami te neukose mate ami.”

KELUARAN 19:8

Basa-basas lataa landaa lae, “Ami nau tao basa hata lala'en fo Manetualain nafa'dan,” de Musa nanduku-nalosak hala natataak ndia neu Manetualain. Boema Manetualain nafa'da Musa nae, “Neukose Au mai leo o mai, nai ko'as makate dale; neukose hataholi-la lamanene Au kokolak o o, de mulai hatematak ndia, neukose lamahele o tataas esa.

ULANGAN 26:17

Faik ia, emi sipok Manetualain da'di leo emi Manetualaim-ma. Emi maheluk mae, emu tunga neun, ma emi tao tunga basa hoholo-lalanen ma paletan lala'en-na.

KELUARAN 24:7

Basa boema, ana ho'i-na susula hehelu-balataak fo Manetualain paletan-nala nanasulak nai dalek-ka, de ana lees napane'en neu leoina ndia. Lafa'da lae, “Ami nau tunga Manetualain ma tao basa paletan lala'en-na.”

KELUARAN 24:3

Boema Musa neu de ana po'a-benga basa Manetualain paletan ma nakaneneten-nala neu leoina ndia. Sila basa-basas lataa landaa lae, “Ami nau tao basa hata fo Manetualain nafa'dan.”

YOSUA 24:22

Boema Yosua nae, “Nah, emi nde da'di sakasii, mae emi maketu basa, soaneu mamahele ka'da neu Manetualain.” Boema lataa lae, “Tete'ek-ka ami nde da'di sakasiin-na.”