YOSUA 24:12 - Susula Malalaok Hehelu Palak Ma Hehelu Beuk

¹² Nai lelek emi tutulumatak fo mata'ti moos boema, Au tao-alas lapangamak ma ala bii, nalosa Amori manen ka duak sila-la, lalai leme emi mai. Emi sengi, ta hu kande emi tafainam-ma, ma boeo ta hu kande emi kokoum-ma fa.

YOSUA 24:12 Referans Kwoze

ULANGAN 7:20

Lena-lenak, emi Manetualaim-ma, neukose nakadada'dik bibi-namata'u matuaina, nai leoina sila tala'da, nalosa hataholi fo lalai leu ke'ke boeo, neukose mate-mopos.

KELUARAN 23:28

Neukose, Au tao-a emi musum-mala lalai kii-konak ma Au usi heni leoina Hewi, Kanaan ma Het neme emi matam-ma mai, fo ela emi hapu tutulumatak.

KELUARAN 23:31

Neukose, Au aketu emi nusam-ma dae toon-na neme Namo Akaba losa leo Lee Efrat-ta neu, ma neme Tasi Tala'dak losa leo mook solokaek-ka neu. Nai lelek emi tutulumatak fo emi loso-ma dae ndia soona, Au fe emi koasa soaneu koasa nusak ndia laun-na, nalosa emi hapu usi henis.

MAZMUR 80:9

O anam-mala, sama leo ai angol fo, O laliheok-kana neme Masir mai. O usiheni leoina fe'ek-kala, boema O sele ai ndia neu sila nusan-na.

BILANGAN 21:31

No enok ndia, leoina Israel-la, ala leo lahele leme hataholi Amori-la nusan-na.

BILANGAN 21:32

Basa boema, Musa nadenu hataholi-la, leu sanga enok malole, fo leu sapu-la kota Yaezer-ra. Boema hataholi Israel-la, loso-la kota ndia, no kota ana-anak manai titia-tatain-nala, de ala usi heni hataholi Amori manaleo manai naa-la.

ULANGAN 4:47

Langatuu-la Manek Sihon ndia daen-na, ma Manek Og fo neme Basan mai, daen-na boe; mane ka duak sila-la nde been-na, hataholi Amori-la manen sila, fo ala leo leme Lee Yarden-na selik dulu.

ULANGAN 31:4

Neukose, Manetualain tao namate-namopo leoina sila-la, sama leo Ana sengi Sihon ma Og, fo hataholi Amori-la manen-na, boema Ana tao nakalulutuk sila nusan-na.

YOSUA 2:10

Ami mamanene basa halak la'eneu, da'di tao leo beek de, Manetualain tao nama'da Tasi Gelagah nai emi matam, lelek emi la'oela Masir. Ami boeo mamanene basa, tao leo beek de, emi taomisa Sihon ma Og, fo leoina Amori mane ka duan sila-la, neme Lee Yarden-na boboan dulu.

MAZMUR 80:10

O sadia fen dae, boema naoka; de okan-nala tola deman-na seli de nakapepela leo basa nusak-ka lala'ena neu.

MAZMUR 135:11

Sihon, fo mane Amori, ma Og, fo mane Basan-na, boema, basa mane-manek manai Kanaan-nala.