YOSUA 22:15 - Susula Malalaok Hehelu Palak Ma Hehelu Beuk

¹⁵ Boema, ala losa leo Ruben, Gad ma leo Manasye manai nusa Gilead-ta, mamanan-na.

YOSUA 22:15 Referans Kwoze

IBRANI 12:25

Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!

1 KORINTUS 1:10

Tolano-tolanoo ngala lemin! No ita Lamatuan Yesus Kristus na'de na, au oke fo ela emi basa-basa mala teikesa dalekesa; fo ela nasi'da-naba'e ka, boso da'di nai emi dalek. Ela leo bee na emi da'di esa, teikesa dalekesa, ma dudu'a-aafik esa.

MATEOS 18:17

Metema ana ta nau sipok hataholi sila la nanoli-nafa'dan fa soona, mafa'da dede'ak ndia neu salani kala. Mate'e na metema ana ta nau sipok salani kala nanoli-nafa'dan sila la fa soona, bole tafa'da tae hataholi ndia sama leo hataholi mana susu bea do hataholi fo ta nalelak Manetualai na fa.”

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

MAZMUR 78:8

fo ela sila boso sama leo sila bei-ba'i kain-nala fo ala hii lalena langa-lasa'ba soo, ma manamalelesik; bobongik fo namahehelen-na, ta matea-mahelek, ma ta lilineka leu Manetualain fa.

EZRA 9:15

Amak, fo Israel Manetualain-na. O ndoos ma matetuk, tehu, leomae leondiak boe, O po'ilotak ami maso'da. Ami manaku ami salam-ma neu O; ami ta manuu hak, soaneu mai leo O matam-ma mai fa.”

EZRA 9:2

Hataholi Yahudi-la, ana toun-nala sao ina leoina fe'ek anafe'on-nala, nalosa Manetualain ana hehelin-nala, ta neuisik so'on. Lena-lenak manatao nakahuluk tataos ndia, nde basa lasi ha'dak-kala, ma manapaleta Israel-lala.

2TAWARIKH 28:13

Lafa'da lae, “Boso moo hataholi nanafook sila-la leo ia mai! Ita tasala-tasingo basa neu Manetualain so, de ita sala-singon dai ma lena soaneu nanahukuk. Besak ia emi nau tao hata esa fo neukose ka'da nakadaik ita sala-singon.”

2TAWARIKH 26:18

soaneu ala lena-la'ban tatao-nono'in ndia. Lafa'da lae, “Ama Manek Fo Mandela-masa'ak! Ama Manek ta nanuu hak hotu boomenik soaneu Manetualain fa. Imam-imam fo Harun tititi-nonosin bela-ba'un ndia, nana sila nde nanahele hehelik soaneu bela-ba'uk ndia. Ela leo bee na Ama Manek la'oela mamana malalao-malalafuk ia.! Ama Manek la'ban basa Manetualain so, de Ama Manek ta hapu ha'da-holomatan so'on.”

2TAWARIKH 10:19

Mulai neme hatematak ndia mai, laun manai nusak Israel-la boboan kii, ala la'ban tataasesa loo mane-manek fo Dauk tititi-nonosin-nala.

1 TAWARIKH 21:3

Yoab nataa nae, “Sa'di leo been-na Manetualain tao namaba'u laun Israel-la fo losa diku la'i natun esa, neme dede'uk besak ia mai. Ama Fo Mandela-masa'ak, ade beita da'di mangale'dok nae ala laketele neu Ama Manek fa do? Taole'e de muse sulak seluk laun na dede'un na? Mahani te, hu kande salak ndia de, basa leoina lala'en-na nde lu'a-lepa buna-boan!”

SEMUEL SUSULAK-KA ESAN-NA 15:23

Nana la'ban Manetualain soona, mangalaun-na sama leo hataholi manasuangik-ka, ma dale manakoao-ndaeaok-ka, mangalaun-na, sama leo sene-do'ok neu lamatua daebafak-ka. Hu ka nde Ama Manek la'ban basa Manetualain paletan-na so, de Manetualain boeo, ta manaku Ama Manek da'di leo manek so'on.”

YOSUA 22:18

Ma besak ia, emi nau masadea seluk Manetualain do? Metema, faik ia emi la'ban Manetualain soona balahaa te, neukose namanasa hataholi Israel-la lala'en-na.

ULANGAN 30:17

Tehu matema, emi ta tunga, ma emi ta nau mamanene fa, fo emi po'ilotak hataholi fe'ek, taon-na emi la'ok sala, fo emi sene-do'ok neu lamatua daebafak fe'ek-kala soona,

ULANGAN 7:4

fo ela hataholi sila, boso tao-la emi anam-mala dook-ka leme Manetualain mai, fo ala sene-do'ok neu lamatua daebafak fe'ek. Nana, neukose Manetualain namanasa, fo no lai-laik, Ana tao namate-namopo emi.

BILANGAN 32:15

Metema emi lepos masadea Manetualain, soona neukose Ana po'ilotak leoina ia, laleu-lalaak dook-ka seluk nai moo solokaek-ka, fo emi nde tataom, sila momopo-mamaten ndia!”

BILANGAN 14:43

Nai lelek, emi masasalematak mo hataholi Amalek ma hataholi Kanaan sila-la soona, neukose emi mate natee-natatik dale. Neukose Manetualain ta no emi fa, nanahu emi ta nau tunga fan.”

BILANGAN 5:6

nakanenetek ia-la, fo ana fen neu hataholi Israel-la nae: Metema hataholi esa ta lilineka neu Manetualain nenik ana tao salak soaneu hataholi fe'ek soona,

IMAMAT 26:40

Tehu emi tititi-nonosim, neukose manaku sila sala-singon, ma sila bei-ba'i kain fo manalena-la'ban Au, ma lalena langa neu Au paletang-nga, sala-singon-nala,

IMAMAT 5:19

Ndia nde tutunu-hohotuk bae hutak, soaneu salak fo ana taon soaneu Manetualain.

KELUARAN 32:8

Ala la'ok sala leme Au paletang-ngala mai so. Ala tao sapi nanadoki-dulak neme lilopilas nananatanoek-ka mai, boema ala sene-do'ok neun ma ala tunu-hotu fen tutunu-hohotuk. Lafa'da lae, ndia nde sila-lamatuan fo mana no sila kalua leme Masir mai.

YOSUA 22:14

Leoina Israel-la, lasi ha'dan sanahulu, sama-sama loo Pinehas, – leo esa soona, hataholi esa neme leo-leo manai lee Yarden-na boboan muli mai. Hataholi sila-la, malanga uma loo nai sila leo-ingu dale.

YOSUA 22:16

Boema no Manetualain, anan-nala lala'en-na na'den-na, lafa'da hataholi maneme leo Ruben, Gad ma leo Manasye sila lae, “Tao le'e de, emi tao dede'a mangalauk ia, soeneu Israel Manetualain-na? Hu kande, emi mesam-ma mafofo'a aom emi mei tunu-hotum-ma, de emi la'ban Manetualain! Emi ta tunga paletan-nala so'on!