YOSUA 19:15 - Susula Malalaok Hehelu Palak Ma Hehelu Beuk

¹⁵ Nai leo Zebulon-na nusan ndia dalek boeo, hapu Katat, Nahalal, Simron, Yidala ma Betlehem. Sila nusan-na neni kota sanahulu dua, loo nggolo-nggolok manai titia-tatain-nala.

YOSUA 19:15 Referans Kwoze

YOSUA 11:1

Lelek Mane Yabin fo neme Hazor mai, namanene la'eneu Israel sesengin-nala, boema nadenu hataholi neu leo Mane Yobab, fo neme kota Madon-na mai, ma neu kota Simron ma Akhsab mane-manen-nala,

2TAWARIKH 11:6

kota Betlehem, Etam, Tekoa,

2 SEMUEL 23:15

Dauk nafandele nggolo-ta'dun, de nafa'da nae, “Ah, sa'di leo been-na, fe au inu oe neme oedolu manadeka no Betlehem lelesuinan-na, oen-na mai!”

RUT SUSULAN-NA 1:19

Boema ala la'ok lakandoo, de ala losa Betlehem. Nai lelek ala losa naa, tutik-ka basa hataholi manai kota ndia lala'en-na, ala nggenge-la. Basa inak manai naa-la, lafa'da lae, “Tete'ek-ka, Naomi nde ndia do?”

HAKIM-HAKIM 1:30

Leo Zebulon-na, ta usi heni laun manai kota Kitron ma kota Nahalol-la boe. Hu ndia de, leoina Kanaan-na bei leo lahele sama-sama loos leme ndia, tehu lakaseti hataholi Kanaan sila-la, fo laue-lale'di fes.

YOSUA 19:14

Nai boboan kii, too ndia pilu leo Hanaton neu, de nate'e nai Bafak Yiftah-El.

YOSUA 19:16

Kota-kota-la, loo nggolo-nggolon sila-la, lai nusak fo ala fen neu teidalek manai leo Zebulon-na dalek, fo da'di sila pusakan.

HAKIM-HAKIM 12:8

Basa Yefta boema, Ebzan neme Betlehem mai, nauli-nalanga hataholi Israel-la.

HAKIM-HAKIM 17:7

Nai lelek ndia boe, hapu ta'eanak esa neme leo Lewi-a mai. Makahulun-na, ana leo neme Betlehem, nai nusa Yehuda.