YOSUA 15:7 - Susula Malalaok Hehelu Palak Ma Hehelu Beuk

⁷ basa boema, nakandoo leo Bafak Toto'a-tataak-ka losa Debir, boema ana pilu seluk leo kii neu, fo leo Gilgal, fo nasasalematak no letek manai Adumim-ma, nai bafak ndia boboan kona. Neme ndia mai, de nakandoo seluk leo oemata En-Semes neu, boema ana leo En-Rogel neu,

YOSUA 15:7 Referans Kwoze

1RAJA-RAJA 1:9

Nai faik esa nai mamanak fo na'de Batu Menge deka no oemata En-Rogel la, Adonia fe tutunu-hohotu bi'ilopo, sapi manem-ma sapi ana fo maao mesa-mesan. Ana ka'i Mane Dauk ka ana mane fe'e kala, ma uma manek-ka hataholi mana'a ngga'di nala leme leo Yehuda mai leo feta tutunu-hohotuk ndia.

2 SEMUEL 17:17

Ndia te, Yonatan, fo Abyatar anan-na, ma Ahimaas, fo Zadok anan-na, bei lahani nai mamanak manadeka no oemata En-Rogel-la, nai kota Yerusalem-ma, su'un-na. Ta lapalani masok leo kota dale leu fa, nana ala bii hataholi-la litas. Sama leo biasa-na, ata inak esa nafa'das halak fo, halak ndia muse nafa'dan neu Mane Dauk-ka.

YOSUA 7:26

Basa ndia boema, launu batu makadotok nanseli neu mamanak ndia, de losa besak ia, batu sila-la bei lai ndia. Hu ndia de, ala foi lahele mamanak ndia na'de, Bafak Toto'a-tataak. Boema, tenak heni Manetualain nasa-melun.

HOSEA 2:5

Emi inam, fo manasosoa-piaok ndia, ta name'da mamaek fa. Nafa'da nae, ‘Neukose, au u leo au tou susue-lalaing, fo manafe au nana'ak ma nininuk, tema wol ma tema a'ba lutu, mina setun ma angol-la.’

YESAYA 65:10

Neukose Au anang-ngala sene-do'ok neu Au; neukose sila bi'ilopon ma sapin-nala, la'a na'u nai Bafak Saron-na, ma nai Bafak Akhor-ra.

YOSUA 15:15

Neme kota ndia mai, de neu sapun-na hataholi manaleo manai Debir-ra. (Makahulun-na kota ndia nananita-nalelak da'di leo Kiryat-Sefer.)

YOSUA 10:43

Basa ndia boema, Yosua no solda'dun-nala fali le'us leo mamana ofun-nala nai Gilgal.

YOSUA 7:24

Basa boema Yosua no basa hataholi Israel-la lala'en-na, ho'u-la Akhan, de loon leo Bafak Toto'a-tataak-ka neu, sama-sama no basa anan-nala, bana-manun sapi, keledei, bi'ilopo, lalaa teman-na, ma basa hata-heton lala'en-na, boema lilofulak, ba'du manalu ma namanako-na lilopilas-sa.

YOSUA 4:19

Hataholi Israel-la losa Lee Yarden-na selik, de nai hataholi Yahudi-la bula ka esan-na, fain sanahulu boema, ala ofu leme Gilgal, fo nai Yerikho boboan dulu.

YOSUA 15:6

de ana kae leo Bet-Hogla neu, boema nakandoo leo too manai Bafak Yarden-na neu. Too kii neme ndia mai, de ana kae nakandoo leo kii neu losa Batu Bohan. (Ruben anan Bohan ndia),

YOSUA 18:17

boema ana pilu kiik, fo leo En-Semes neu, boema ana leo Gelilot neu, fo nai Ndanda'ek Adunim-ma selik. Basa ndia boema, too ndia kona leo Batu Bohan neu (Bohan nde been-na Ruben anan ndia),