YOSUA 13:3 - Susula Malalaok Hehelu Palak Ma Hehelu Beuk

³ ma nusa Awi lala'en-na leo kona neu. (Nusak maneme Lee Sikhor-ra, nai Masir dae toon-na, losa leo Ekron dae toon-na nai boboak kii, basa sila lala'en-na, leken leoina Kanaan-na nusan sila; ma mane-manek Filistin manaleo nai Gaza, Asdod, Askelon, Gat, ma Ekron.)

YOSUA 13:3 Referans Kwoze

YEREMIA 2:18

Nanalak hata, o muu leo Masir muu? Fo sanga minu Lee Nil-la oen-na? Nanalak hata, o muu leo Asyur muu? Fo sanga minu Lee Efrat-ta oen-na?

HAKIM-HAKIM 3:3

Leoina fo bei leo lahele nai nusak ndia: nde leoina fo manaleo nai Filistin kotan lima dalek-ka, basa leoina Kanaan-nala, leoina Sidon-na, ma leoina Hewi, fo manaleo nai letelepak Libanon-na, mulai neme Letek Baal-Hermon-na losa leo enok manaleo Hamat neu.

ULANGAN 2:23

Hataholi-la leme pulu Kreta mai, langatuu-la dae manandolo-ndolo Tasi Tala'dak-ka su'un-na. Ala tao lamopo-lamate hataholi Awi, fo nggolo isik manai dae ndia, boema langatuu-la dae ndia losa leo kona neu, fo nakandoo leo kota Gaza neu.)

SEMUEL SUSULAK-KA ESAN-NA 6:4

Hataholi sila-la latane lae, “Ita muse fen, sosoi-tetefak beek-ka?” Basa imam sila-la lataa lae, “Peta-paek lima nanataok neme lilopilas, ma lafo lima nanataok neme lilopilas, fo nandaa no Filistin manen-nala dede'un-na. Ade, soe fo manatunin-nala emi basa-basam-mala, nau laun do manek boe, ta nalupa peta-paek, ma lafo hetu?

YOSUA 13:13

Tehu, hataholi Israel-la, ta usiheni laun Gesur ma Maakha-la fa; ala bei leo lahele nai Israel.

KEJADIAN 10:6

Ham anan-nala nde Kus, Masir, Libia ma Kanaan.

HAKIM-HAKIM 16:5

Boema, Filistin hataholi manakoasan 5, ala mai leo inak ndia mai, de lafa'dan lae, “Kokoe Simson leona, fo ela anan nau nafa'da o, be'i-balakain bibila-babaan leobeek, ma enon-na tao leo beek, fo tao namopo be'i-balakain ndia. No enok ndia, ami mai fo henge-man, fo ami taom-man, ana kala. Mahani te, ami esa-esak fe o doi fulak 1.100.”

SEMUEL SUSULAK-KA ESAN-NA 5:1

Lelek hataholi Filistin-nala loso-la Manetualain Peti Hehelu-balataan boema, ala ho'i lenin neme Eben-Haezer leo sila kotan Asdod neu.

1RAJA-RAJA 8:65

Nai Manetualain Uman ndia, Salomo ma basa laun Israel-la lala'en-na, tao feta Lalaak Akidook-ka faik hitu dalen-na. Hataholi makadotok nanseli lakabubua lai ndia. Ala mai leme nusa dook-ka mai fo mulai neme Eno Hamat ta, fo nai kii, losa leo dae too loo Masir-ra, fo nai kona.

KEJADIAN 15:18

Nai lelek ndia boe, Manetualain tao hehelu-balataak no Abram. Manetualain nae, “Au helu ae neukose, Au fe dae ia lala'en-na neu o tititi-nonosim, mulai neme too no nusa Masir-ra, losa Lee Efrat-ta,

SEMUEL SUSULAK-KA ESAN-NA 5:8

Hu ndia de, ala ka'i Filistin manek-ka liman-nala, fo daenga lakabubua, boema latane lae, “Ita muse tao Israel Manetualain-na, Peti Hehelu-balataan ndia le'e?” Boema manek sila-la lataa lae, “Lali heok-kana leo kota Gat-ta neu.” Da'di, ala lali heok peti ndia leo kota Gat, fo kota fe'ek esa nai Filistin.

SEMUEL SUSULAK-KA ESAN-NA 5:10

Boema leni Peti Hehelu-balataak ndia leo Ekron neu, fo kota fe'ek esa seluk nai Filistin. Peti ndia losa ndia boema, laun-na nggasi ma lae, “Leni Israel Manetualain Peti Hehelu-balataan ndia leo ia mai, fo ana taonisa ita basa-basa-tala.”

1 TAWARIKH 13:5

Boema Dauk naloo nakabubua basa laun Israel manai nusak-ka lala'en-na, neme Masir dae toon manai kona, losa leo Enok Hamat a nai kii, soaneu leu ho'i la Peti Hehelu-balataak ndia neme Kiryat-Yearim mai, fo lenin leo Yerusalem neu.