YOSUA 10:25 - Susula Malalaok Hehelu Palak Ma Hehelu Beuk

²⁵ Basa ndia boema Yosua nafa'da malanga solda'du matuainan-nala nae, “Dalem-mala boso ba'ihana ma bii. Ela leo been-na, emi mamahele ma mapalani, nana neukose, Manetualain tao emi musum-mala, enon-na leoiak.”

YOSUA 10:25 Referans Kwoze

2 KORINTUS 1:10

Ndia nde soi-tefa nala ami neme susa-soe mamates matuaina ndia mai. Ma mahani te neukose Ndia boeo nde neukose soi tefa nala ami nai fai makabuin, nana ami tao ami namahehena ma neu ka'da Ndia mesa kana.

YOSUA 1:9

Mafandendelek, te Au paleta basa o, fo ela te'e-te'e o mamahele, ma mapalani! O boso bii-mamata'u, do pela-bale, nana Au, fo o Manetualaim-ma, nai o boboam-ma, nai lelek o muu leo su'di bee muu.”

EFESUS 6:10

Mate'e na, ela leo bee na emi da'di balakaik, minik be'i-balakaik fo emi hapun neme Lamatua ka mai, nana emi da'di esa moon.

ROMA 8:37

Ta! Nakalenak nai basa dede'ak sila la dalek, ita hapu sesengi matetu-mandaa ka neme Ndia fo manasue-lai ita!

SEMUEL SUSULAK-KA ESAN-NA 17:37

Manetualain soi-tefa-na atam-ma neme singa ma meoasu-a mai so, de Ndia boeo neukose soi-tefa-na atam-ma neme hataholi Filistin ndia mai.” Boema Saul nafa'dan nae, “Hei, sa'di leo been-na, Manetualain, tulu-fali o.”

ULANGAN 7:19

Mafandendelek, emi mita matam soe matuaina-la, manada'di beuk-kala, ma be'i-balakai matuaina fo emi Manetualaim-ma paken, soaneu Ana soi-po'i emi-a. Leondiak boe, neukose emi Manetualaim-ma, taon soaneu leoina fo, emi bii-mamata'uk-kala.

MAZMUR 77:11

Boema au afa'da ae, “Ia nde nakahehe'dik au daleng-nga, nde nae Fo Mademaina, ta koasa so'on.”

MAZMUR 63:9

Au ho'u ahele O, de O limam-ma tia-to'ba au.

YOSUA 10:8

Manetualain nafa'da Yosua nae, “Boso bii hataholi sila. Au fe basa sesengik-ka neu o so, hu ndia de, sila hataholin esa boen, ta hapu nakatatakak la'ban o fa.”

YOSUA 1:6

Ela leo been-na, o mamahele ma mapalani, nana neukose o mauli-malanga leoina ia, nai lelek langatuu-la nusak fo Au helu basa, fen neu sila bei-ba'i kain-nala so.