YOSUA 10:2 - Susula Malalaok Hehelu Palak Ma Hehelu Beuk

² Boema laun Yerusalem-mala bii lanseli, nana Gibeon nde been-na kota matuaina; matua-na sama no kota-kota fo nanuu manek, nakalenak matua lena kota Ai-a. Hataholin-nala boeo, palani ta'tibatu malela natee-natatik-kala.

YOSUA 10:2 Referans Kwoze

ULANGAN 11:25

Neukose, emi Manetualaim-ma, taon-na basa hataholi manai nusak ndia lala'en-na, ala bii-lamata'u neu emi, sama leo Ana helu basak-ka, nalosa ta hapu hataholi esa boen, napalani kena-ka'i emi fa.

YOSUA 2:24

Basa boema, lafa'da lae, “Tao leo bee-o, Manetualain fe la'iesak nusak ndia leo ita mai; basa hataholi manai naa-la, ala bii ita.”

IBRANI 10:31

Bibii namata'u matua ina, metema ana tu'da leo Manetualain Fo Maso'da ka liman dale neu!

IBRANI 10:27

Ela ka'da esa mesa-mesak-kana soaneu ita, fo nde tasasale matak to Manetualain naketu-nala'din, ma ha'i nasa-melu na, neukose ana hotuheni basa hataholi fo mana la'ba nana!

AMSAL 10:24

Hataholi dale ndoos-sa, hapu hata fo nahiik-kana; hataholi mangalauk-ka, hapu hata fo, ana bii-namata'u nanseli neun.

2 SEMUEL 12:26

Ndia te, Yoab bei natee-nata'ti la'ban Rama, fo nusa Amon kotan-na polon-na, de hihii nae nangatuu-nan so.

SEMUEL SUSULAK-KA ESAN-NA 27:5

Boema Dauk nafa'da Akhis nae, “Metema, Ama Manek dalen-na tu'da kasian neu au soona, fe au kota anak esa nai letelepak-ka, fo au leo nai ndia, fo ela Ama Manek atan ia, boso leo no Ama Manek nai kota ia polon-na.”

ULANGAN 28:10

Soona basa leoina manai daebafak-ka, neukose lita lae emi nde been-na, Manetualain leoina hehelen, de neukose ala hia-penge emi.

YOSUA 9:3

Tehu, hataholi Gibeon-nala leme leoina Hewi-a mai, lamanene basa la'eneu hata fo, Yosua taon soaneu Yerikho ma Ai so.

ULANGAN 2:25

Neme faik ia, neukose Au tao-a leoina fo manaleo su'di lai bee boe, ala bii-lamata'u neu emi. Metema lamanene emi na'dem-ma soona, ala dele-bengge'be, nana bibii-namata'uk-ka.’ ”

YOSUA 9:24

Boema lataa lae, “Ami tao leondiak, nanahu ami mamanene lae Manetualain, fo Tuan-tuan-nala sene-do'ok ndia, nadenu basa Musa fo atan ndia, fe nusak ia lala'en-na neu Tuan, ma nai lelek Tuan ho'i-na dae ia soona, Tuan taonisa la'iesak laun-na. Ami bii manseli, boso nalosak ami nanataonisak, hu ndia de, ami tao basa dede'ak ia-la.